ਪਾਕਿਸਤਾਨ 'ਚ ਲੁਕੇ ਅੱਤਵਾਦੀ ਦੀ ਜਾਇਦਾਦਾਂ ਜ਼ਬਤ; ਸਥਾਨਕ ਨੈੱਟਵਰਕ ਰਾਹੀਂ ਕਸ਼ਮੀਰ 'ਚ ਫੈਲਾਉਂਦਾ ਸੀ ਅੱਤਵਾਦ

ਸਟੇਟ ਬਿਊਰੋ, ਸ੍ਰੀਨਗਰ। ਪਾਕਿਸਤਾਨ ਵਿਚ ਬੈਠ ਕੇ ਕਸ਼ਮੀਰ ਵਿਚ ਅੱਤਵਾਦੀ ਨੈੱਟਵਰਕ ਚਲਾਉਣ ਵਾਲੇ ਅੱਤਵਾਦੀ ਮੁਬਸ਼ਿਰ ਅਹਿਮਦ ਦੀ ਪੁਲਵਾਮਾ ਦੇ ਤ੍ਰਾਲ ਵਿਚ ਸਥਿਤ ਜਾਇਦਾਦ ਪੁਲਿਸ ਨੇ ਸ਼ਨਿਚਰਵਾਰ ਨੂੰ ਜ਼ਬਤ ਕਰ ਲਈ। ਜੰਮੂ-ਕਸ਼ਮੀਰ ਪੁਲਿਸ ਨੇ ਅੱਤਵਾਦੀਆਂ ਅਤੇ ਵੱਖਵਾਦੀਆਂ ਦੇ ਨੈੱਟਵਰਕ ਨੂੰ ਪੂਰੀ ਤਰ੍ਹਾਂ ਖਤਮ ਕਰਨ ਲਈ ਉਨ੍ਹਾਂ ਦੇ ਕੰਪਲੈਕਸਾਂ ਨੂੰ ਜ਼ਬਤ ਕਰਨ ਦੀ ਮੁਹਿੰਮ ਚਲਾਈ ਹੋਈ ਹੈ। ਇਸ ਮੁਹਿੰਮ ਤਹਿਤ ਪਿਛਲੇ ਚਾਰ ਸਾਲਾਂ ਵਿਚ ਲਗਪਗ ਇਕ ਹਜ਼ਾਰ ਅੱਤਵਾਦੀਆਂ, ਵੱਖਵਾਦੀਆਂ ਅਤੇ ਉਨ੍ਹਾਂ ਦੇ ਓਵਰਗਰਾਊਂਡ ਵਰਕਰਾਂ ਦੀਆਂ ਜਾਇਦਾਦਾਂ ਜ਼ਬਤ ਕੀਤੀਆਂ ਜਾ ਚੁੱਕੀਆਂ ਹਨ।