ਬ੍ਰਿਸਬੇਨ 'ਚ ਲੀਡਰ ਇੰਸਟੀਚਿਊਟ ਦੀ ਕਾਨਵੋਕੇਸ਼ਨ 'ਚ 109 ਹੋਣਹਾਰ ਵਿਦਿਆਰਥੀਆਂ ਨੂੰ ਡਿਗਰੀਆਂ ਪ੍ਰਦਾਨ

ਹਰਪ੍ਰੀਤ ਸਿੰਘ ਕੋਹਲੀ, ਬ੍ਰਿਸਬੇਨ : ਲੀਡਰ ਇੰਸਟੀਚਿਊਟ ਬ੍ਰਿਸਬੇਨ ਆਸਟ੍ਰੇਲੀਆ ਵੱਲੋਂ ਐਗਰੀ ਬਿਜ਼ਨਸ ਅਤੇ ਅਕਾਊਟਿੰਗ ਦੇ ਖੇਤਰ 'ਚ ਬੈਚੂਲਰ ਤੇ ਮਾਸਟਰਜ਼ ਦੇ ਵਿਦਿਆਰਥੀਆ ਨੂੰ ਡਿਗਰੀ ਕੋਰਸ ਨੂੰ ਪਾਸ ਕਰਨ 'ਤੇ ਡਿਗਰੀਆਂ ਪ੍ਰਦਾਨ ਕਰਨ ਲਈ ਕਾਲਜ ਦੀ ਪੰਜਵੀ ਕਾਨਵੋਕੇਸ਼ਨ ਕੂਈਨਜ਼ਲੈਂਡ ਸੂਬੇ ਦੀ ਪਾਰਲੀਮੈਂਟ ਹਾਊਸ ਵਿਖੇ ਕਰਵਾਈ ਗਈ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਪਾਪੂਆ ਨਿਊ ਗਿਨੀ ਵਿੱਚ ਉੱਚ ਸਿੱਖਿਆ, ਖੋਜ, ਵਿਗਿਆਨ ਅਤੇ ਤਕਨਾਲੋਜੀ ਅਤੇ ਖੇਡਾਂ ਦੇ ਮੰਤਰੀ ਸ੍ਰੀ ਕਿਨੋਕਾ ਹੋਟੂਨ ਫੀਓ, ਅਮੈਡਾ ਸਟੋਕਰ ਵਿੱਤ, ਵਪਾਰ ਲਈ ਸਹਾਇਕ ਮੰਤਰੀ ਕੁਈਨਜ਼ਲੈਂਡ, ਜੌਨ ਰੇਵਨ ਮੇਅਰ ਲੋਗਨ ਵੱਲੋ ਕਾਲਜ ਦੇ ਫਾਊਂਡਰ ਡਾ. ਬਰਨਾਰਡ ਮਲਿਕ ਦੀ ਅਗਵਾਈ ਹੇਠ ਵਿਦਿਆਰਥੀਆਂ ਦੇ ਸੁਨਹਿਰੀ ਭਵਿੱਖ ਲਈ ਲੀਡਰ ਇੰਸਟੀਚਿਊਟ ਵੱਲੋਂ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਭਰਪੂਰ ਸ਼ਲਾਘਾ ਕਰਦਿਆਂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਲੀਡਰ ਇੰਸਟੀਚਿਊਟ ਦੇ ਫਾਊਂਡਰ ਡਾ. ਬਰਨਾਰਡ ਮਲਿਕ ਨੇ ਮਹਿਮਾਨਾਂ ਦਾ ਸਵਾਗਤ ਕਰਦਿਆਂ ਵਿਦਿਆਰਥੀਆਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਇਸ ਕਾਨਵੋਕੇਸ਼ਨ ਦੌਰਾਨ ਮੰਤਰੀ ਕਿਨੋਕਾ ਹੋਟੂਨ ਫੀਓ, ਅਮੈਡਾ ਸਟੋਕਰ ਮੰਤਰੀ, ਮੇਅਰ ਜੌਨ ਰੇਵੇਨ, ਡਾ. ਬਰਨਾਰਡ ਮਲਿਕ ਫਾਊਂਡਰ ਤੇ ਪ੍ਰੈਜੀਡੈਂਟ, ਪਾਸਟਰ ਕ੍ਰਿਸ ਏਟਨ ਗਵਰਨਿੰਗ ਬੋਰਡ ਦੇ ਚੇਅਰਮੈਨ, ਪ੍ਰੋ ਹਰਵਿੰਦਰ ਸਿੰਘ, ਪ੍ਰੋ. ਹੈਰੀ, ਗਵਰਨਿੰਗ ਅਤੇ ਅਕੈਡਮਿਕ ਬੋਰਡ ਦੇ ਮੈਂਬਰਾਂ ਅਤੇ ਪਤਵੰਤਿਆਂ ਵਲੋਂ 109 ਹੋਣਹਾਰ ਵਿਦਿਆਰਥੀਆਂ ਨੂੰ ਡਿਗਰੀਆਂ ਪ੍ਰਦਾਨ ਕੀਤੀਆਂ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਦਮਨ ਮਲਿਕ, ਡਾ਼ ਬਰਨਾਰਡ ਮਲਿਕ, ਪ੍ਰੋ. ਹਰਵਿੰਦਰ ਸਿੰਘ, ਪ੍ਰੋ. ਹੈਰੀ, ਜਸਪਾਲ ਸੰਧੂ, ਵਿਵੀਅਨ ਲੋਵੋ, ਮਨਮੋਹਨ ਸਿੰਘ, ਐਡਵੋਕੇਟ ਗੁਰਪ੍ਰੀਤ ਬੱਲ, ਸਾਲਿਸਟਰ ਜੋਏਲ ਪਿਟਮੈਨ, ਪ੍ਰੋਫੈਸਰ ਡੇਨਿਸ ਆਸਟਿਨ, ਪੀਟਰ ਓ'ਕਲਾਘਨ, ਪ੍ਰੋਫੈਸਰ ਗ੍ਰੇਗ ਹਾਰਪਰ, ਪ੍ਰੋਫੈਸਰ ਐਮਰੀਟਸ ਜੈਨੀ ਸਟੀਵਰਟ, ਐਸੋਸੀਏਟ ਪ੍ਰੋਫੈਸਰ ਅਨੋਮਾ ਅਰਿਆਵਰਧਨਾ ਤੇ ਇਸਟੀਚਿਊਟ ਦਾ ਸਟਾਫ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਤੇ ਪਤਵੰਤੇ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ।