ਮਰਾਠੀ ਭਾਸ਼ਾ ਤੋਂ ਸ਼ੁਰੂ ਹੋਇਆ ਵਿਵਾਦ ਹੁਣ ਪਹੁੰਚਿਆ ਪੰਜਾਬੀ ਤੱਕ, ਅੰਮ੍ਰਿਤਸਰ ਦੇ ਡਾਕਘਰ 'ਚ ਭਾਸ਼ਾ ਨੂੰ ਲੈ ਕੇ ਹੰਗਾਮਾ, Watch Video
ਮਰਾਠੀ ਭਾਸ਼ਾ ਤੋਂ ਸ਼ੁਰੂ ਹੋਇਆ ਵਿਵਾਦ ਹੁਣ ਪੰਜਾਬੀ ਭਾਸ਼ਾ ਤੱਕ ਆ ਪਹੁੰਚਿਆ ਹੈ। ਇਸ ਸਬੰਧੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ। ਅੰਮ੍ਰਿਤਸਰ ਦੇ ਇੱਕ ਡਾਕਘਰ (ਪੋਸਟ ਆਫਿਸ) ਤੋਂ ਵਾਇਰਲ ਹੋਈ ਇਸ ਵੀਡੀਓ ਨੇ ਦੇਸ਼ ਭਰ ਵਿੱਚ ਭਾਸ਼ਾਈ ਅਧਿਕਾਰਾਂ 'ਤੇ ਇੱਕ ਨਵੀਂ ਬਹਿਸ ਛੇੜ ਦਿੱਤੀ ਹੈ।
Posted By Sandip Kaur
Publish Date: Sat, 03 Jan 2026 11:14 AM (IST)
Updated Date: Sat, 03 Jan 2026 11:20 AM (IST)
ਡਿਜੀਟਲ ਡੈਸਕ, ਅੰਮ੍ਰਿਤਸਰ: ਮਰਾਠੀ ਭਾਸ਼ਾ ਤੋਂ ਸ਼ੁਰੂ ਹੋਇਆ ਵਿਵਾਦ ਹੁਣ ਪੰਜਾਬੀ ਭਾਸ਼ਾ ਤੱਕ ਆ ਪਹੁੰਚਿਆ ਹੈ। ਇਸ ਸਬੰਧੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ। ਅੰਮ੍ਰਿਤਸਰ ਦੇ ਇੱਕ ਡਾਕਘਰ (ਪੋਸਟ ਆਫਿਸ) ਤੋਂ ਵਾਇਰਲ ਹੋਈ ਇਸ ਵੀਡੀਓ ਨੇ ਦੇਸ਼ ਭਰ ਵਿੱਚ ਭਾਸ਼ਾਈ ਅਧਿਕਾਰਾਂ 'ਤੇ ਇੱਕ ਨਵੀਂ ਬਹਿਸ ਛੇੜ ਦਿੱਤੀ ਹੈ।
ਕੀ ਹੈ ਪੂਰਾ ਮਾਮਲਾ?
ਵਾਇਰਲ ਵੀਡੀਓ ਵਿੱਚ ਇੱਕ ਡਾਕ ਕਰਮਚਾਰੀ ਇਹ ਕਹਿੰਦਾ ਨਜ਼ਰ ਆ ਰਿਹਾ ਹੈ ਕਿ ਉਹ ਪੰਜਾਬੀ ਵਿੱਚ ਲਿਖਿਆ ਪਤਾ ਨਹੀਂ ਪੜ੍ਹ ਸਕਦਾ ਅਤੇ ਪੱਤਰ ਨੂੰ ਅੱਗੇ ਭੇਜਣ ਦੀ ਪ੍ਰਕਿਰਿਆ ਲਈ ਉਸ ਦੇ ਅਨੁਵਾਦ (Translation) ਦੀ ਮੰਗ ਕਰਦਾ ਹੈ। ਇਸ 'ਤੇ ਗਾਹਕ ਨੇ ਸਖ਼ਤ ਇਤਰਾਜ਼ ਜਤਾਉਂਦਿਆਂ ਕਿਹਾ ਕਿ ਪੰਜਾਬ ਵਿੱਚ ਤਾਇਨਾਤ ਸਰਕਾਰੀ ਮੁਲਾਜ਼ਮਾਂ ਨੂੰ ਸਥਾਨਕ ਭਾਸ਼ਾ ਦਾ ਗਿਆਨ ਹੋਣਾ ਲਾਜ਼ਮੀ ਹੈ। ਬਾਅਦ ਵਿੱਚ ਸੀਨੀਅਰ ਅਧਿਕਾਰੀਆਂ ਨੇ ਮੌਕੇ 'ਤੇ ਪਹੁੰਚ ਕੇ ਮਾਮਲਾ ਸ਼ਾਂਤ ਕਰਵਾਇਆ।
ਪੰਜਾਬੀ ਭਾਸ਼ਾ ਨੂੰ ਲੈ ਕੇ ਬਹਿਸ
ਵੀਡੀਓ ਵਿੱਚ ਗਾਹਕ ਡਾਕ ਕਰਮਚਾਰੀ ਨੂੰ ਕਹਿ ਰਹੇ ਹਨ, "ਭਾਵੇਂ ਤੁਸੀਂ ਕੇਂਦਰ ਸਰਕਾਰ ਦੇ ਮੁਲਾਜ਼ਮ ਹੋ, ਪਰ ਤੁਹਾਨੂੰ ਪੰਜਾਬੀ ਤਾਂ ਆਉਣੀ ਹੀ ਚਾਹੀਦੀ ਹੈ। ਸਾਨੂੰ ਤੁਹਾਡੇ ਕੰਮ ਜਾਂ ਤੁਹਾਡੀ ਕਾਬਲੀਅਤ ਨਾਲ ਕੋਈ ਦਿੱਕਤ ਨਹੀਂ ਹੈ, ਪਰ ਜੇਕਰ ਤੁਸੀਂ ਪੰਜਾਬ ਵਿੱਚ ਰਹਿ ਰਹੇ ਹੋ, ਤਾਂ ਪੰਜਾਬੀ ਆਉਣੀ ਜ਼ਰੂਰੀ ਹੈ।"
ਵਿਵਾਦ ਦੀ ਵਜ੍ਹਾ
ਵੀਡੀਓ ਵਿੱਚ ਇੱਕ ਵਿਅਕਤੀ ਪੰਜਾਬੀ ਵਿੱਚ ਪਤਾ ਲਿਖ ਕੇ ਡਾਕਘਰ ਪਹੁੰਚਦਾ ਹੈ, ਪਰ ਕਰਮਚਾਰੀ ਪੰਜਾਬੀ ਪੜ੍ਹਨ ਵਿੱਚ ਅਸਮਰੱਥ ਹੁੰਦਾ ਹੈ ਅਤੇ ਖੁਦ ਉਸੇ ਵਿਅਕਤੀ ਨੂੰ ਪਤਾ ਪੜ੍ਹਨ ਲਈ ਕਹਿੰਦਾ ਹੈ। ਇਸ ਗੱਲ ਤੋਂ ਨਾਰਾਜ਼ ਹੋ ਕੇ ਉਸ ਵਿਅਕਤੀ ਨੇ ਸਵਾਲ ਉਠਾਇਆ ਕਿ ਪੰਜਾਬ ਵਿੱਚ ਸਥਿਤ ਇੱਕ ਕੇਂਦਰੀ ਦਫ਼ਤਰ ਵਿੱਚ ਬੈਠੇ ਮੁਲਾਜ਼ਮ ਨੂੰ ਪੰਜਾਬੀ ਕਿਉਂ ਨਹੀਂ ਆਉਂਦੀ?