ਇੰਨੀ ਆਜ਼ਾਦੀ ਦੇ ਬਾਵਜੂਦ, ਅਮਰੀਕਾ 'ਚ 'ਬੈਨ' ਹਨ ਬੱਚਿਆਂ ਦੇ 7 ਨਾਂ, ਵਜ੍ਹਾ ਜਾਣ ਕੇ ਹੈਰਾਨ ਰਹਿ ਜਾਓਗੇ ਤੁਸੀਂ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਅਮਰੀਕਾ 'ਚ ਰਹਿਣਾ ਦੁਨੀਆ ਦੇ ਸਭ ਤੋਂ ਵਧੀਆ ਤਜਰਬਿਆਂ 'ਚ ਗਿਣਿਆ ਜਾਂਦਾ ਹੈ। ਇੱਥੇ ਲੋਕਾਂ ਨੂੰ ਆਪਣੀ ਮਰਜ਼ੀ ਨਾਲ ਜਿਊਣ ਦੀ ਇੰਨੀ ਆਜ਼ਾਦੀ ਹੈ ਕਿ ਉਹ ਆਪਣੇ ਬੱਚਿਆਂ ਦਾ ਨਾਂ ਵੀ ਖੁਦ ਚੁਣ ਸਕਦੇ ਹਨ ਤੇ ਆਮ ਤੌਰ 'ਤੇ ਕੋਈ ਉਨ੍ਹਾਂ ਤੋਂ ਸਵਾਲ ਵੀ ਨਹੀਂ ਪੁੱਛਦਾ। ਪਰ ਜ਼ਰਾ ਸੋਚੋ, ਕੀ ਹੋਵੇ ਜੇ ਤੁਸੀਂ ਆਪਣੇ ਬੱਚੇ ਲਈ ਇਕ ਨਾਮ ਚੁਣੋ ਅਤੇ ਉੱਥੋਂ ਦੀ ਸਰਕਾਰ ਇਸ ਤੋਂ ਸਾਫ਼ ਮਨਾ ਕਰ ਦੇਵੇ? ਜੀ ਹਾਂ, ਅਮਰੀਕਾ 'ਚ ਇੰਨੀ ਨਿੱਜੀ ਸੁਤੰਤਰਤਾ ਹੋਣ ਦੇ ਬਾਵਜੂਦ ਕੁਝ ਖਾਸ ਨਾਂ ਅਜਿਹੇ ਹਨ, ਜਿਨ੍ਹਾਂ 'ਤੇ ਸਖ਼ਤ ਪਾਬੰਦੀ ਹੈ।

ਅਮਰੀਕਾ 'ਚ ਪਾਬੰਦੀਸ਼ੁਦਾ 7 ਨਾਂ

1. ਜੀਸਸ ਕ੍ਰਾਈਸਟ (Jesus Christ)

'ਜੀਸਸ ਕ੍ਰਾਈਸਟ' ਈਸਾਈ ਧਰਮ 'ਚ ਇਕ ਬਹੁਤ ਹੀ ਪੂਜਨੀਕ ਨਾਮ ਹੈ। ਇਸ ਦੀ ਡੂੰਘੀ ਧਾਰਮਿਕ ਮਹੱਤਤਾ ਕਾਰਨ ਅਮਰੀਕਾ 'ਚ ਬੱਚੇ ਦਾ ਨਾਂ 'ਜੀਸਸ ਕ੍ਰਾਈਸਟ' ਰੱਖਣ ਦਾ ਸੁਝਾਅ ਨਹੀਂ ਦਿੱਤਾ ਜਾਂਦਾ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਇਸਨੂੰ ਇਕ ਆਮ ਨਾਂ ਵਾਂਗ ਵਰਤਣਾ ਅਪਮਾਨਜਨਕ ਹੋ ਸਕਦਾ ਹੈ ਜਾਂ ਇਸ ਨਾਲ ਲੋਕਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚ ਸਕਦੀ ਹੈ।

2. ਕਿੰਗ (King)

'ਕਿੰਗ' ਵਰਗਾ ਨਾਂ ਕਿਸੇ ਸ਼ਾਹੀ ਅਹੁਦੇ ਜਾਂ ਰੁਤਬੇ ਨੂੰ ਦਰਸਾਉਂਦਾ ਹੈ, ਨਾ ਕਿ ਕਿਸੇ ਵਿਅਕਤੀ ਦੀ ਪਛਾਣ ਨੂੰ। ਟੈਕਸਾਸ ਅਤੇ ਨਿਊਜਰਸੀ ਵਰਗੇ ਰਾਜਾਂ 'ਚ ਅਜਿਹੇ ਨਾਵਾਂ ਲਈ ਵਿਸ਼ੇਸ਼ ਨਿਯਮ ਹਨ ਜੋ ਕਿਸੇ ਵੀ ਤਰ੍ਹਾਂ ਦੇ ਅਹੁਦੇ, ਪੁਜ਼ੀਸ਼ਨ ਜਾਂ ਅਧਿਕਾਰਤ ਰੁਤਬੇ ਦਾ ਸੁਝਾਅ ਦਿੰਦੇ ਹਨ। ਇਸ ਲਈ 'ਕਿੰਗ' ਨਾਂ ਨੂੰ ਅਕਸਰ ਰੱਦ ਕਰ ਦਿੱਤਾ ਜਾਂਦਾ ਹੈ।

3. ਕੁਈਨ (Queen)

'ਕਿੰਗ' ਵਾਂਗ ਹੀ, 'ਕੁਈਨ' ਨਾਮ ਵੀ ਸੱਤਾ ਜਾਂ ਕਿਸੇ ਅਧਿਕਾਰਤ ਅਹੁਦੇ ਦਾ ਪ੍ਰਤੀਕ ਹੈ। ਅਮਰੀਕਾ 'ਚ ਪ੍ਰਸ਼ਾਸਨ ਦਾ ਮੰਨਣਾ ਹੈ ਕਿ ਅਜਿਹੇ ਨਾਮ ਭਰਮ ਪੈਦਾ ਕਰ ਸਕਦੇ ਹਨ ਜਾਂ ਅਜਿਹਾ ਲੱਗ ਸਕਦਾ ਹੈ ਕਿ ਵਿਅਕਤੀ ਕੋਲ ਕੋਈ ਸਰਕਾਰੀ ਉਪਾਧੀ ਹੈ। ਇਸ ਲਈ ਸਲਾਹ ਦਿੱਤੀ ਜਾਂਦੀ ਹੈ ਕਿ ਤੁਸੀਂ ਆਪਣੇ ਬੱਚੇ ਲਈ ਕੋਈ ਅਜਿਹਾ ਨਾਮ ਚੁਣੋ ਜੋ ਨਿੱਜੀ ਅਤੇ ਅਰਥਪੂਰਨ ਹੋਵੇ, ਨਾ ਕਿ 'ਕੁਈਨ' ਵਰਗਾ ਕੋਈ ਟਾਈਟਲ।

4. ਮੈਜੇਸਟੀ (Majesty)

'ਮੈਜੇਸਟੀ' ਸ਼ਬਦ ਵੀ ਸ਼ਾਹੀ ਅਤੇ ਅਧਿਕਾਰਤ ਰੁਤਬੇ ਨਾਲ ਜੁੜਿਆ ਹੋਇਆ ਹੈ। ਇਹ ਨਾਮ ਇਕ ਉੱਚੇ ਅਹੁਦੇ ਨੂੰ ਦਰਸਾਉਂਦਾ ਹੈ, ਇਸ ਲਈ ਅਮਰੀਕਾ ਦੇ ਕਈ ਰਾਜ ਜਨਮ ਰਜਿਸਟ੍ਰੇਸ਼ਨ ਦੌਰਾਨ ਇਸ ਨਾਮ ਨੂੰ ਸਵੀਕਾਰ ਨਹੀਂ ਕਰਦੇ। ਅਧਿਕਾਰੀ ਇਹ ਯਕੀਨੀ ਬਣਾਉਣਾ ਚਾਹੁੰਦੇ ਹਨ ਕਿ ਕਾਨੂੰਨੀ ਦਸਤਾਵੇਜ਼ਾਂ 'ਚ ਕੋਈ ਭੁਲੇਖਾ ਨਾ ਹੋਵੇ ਅਤੇ ਟਾਈਟਲਾਂ ਦੀ ਵਰਤੋਂ ਪਹਿਲੇ ਨਾਮ ਵਜੋਂ ਨਾ ਕੀਤੀ ਜਾਵੇ।

5. ਸਾਂਤਾ ਕਲਾਜ਼ (Santa Claus)

ਸਾਂਤਾ ਕਲਾਜ਼ ਇਕ ਬਹੁਤ ਹੀ ਪ੍ਰਸਿੱਧ ਤੇ ਕਾਲਪਨਿਕ ਕਿਰਦਾਰ ਹੈ। ਕਿਸੇ ਬੱਚੇ ਦਾ ਨਾਂ 'ਸਾਂਤਾ ਕਲਾਜ਼' ਰੱਖਣ ਨਾਲ ਕਾਨੂੰਨੀ ਰਿਕਾਰਡ 'ਚ ਭਰਮ ਪੈਦਾ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਇਕ ਹੋਰ ਵੱਡੀ ਚਿੰਤਾ ਇਹ ਹੈ ਕਿ ਅਜਿਹਾ ਨਾਂ ਰੱਖਣ ਨਾਲ ਬੱਚੇ ਨੂੰ ਸਾਰੀ ਉਮਰ ਮਜ਼ਾਕ ਦਾ ਪਾਤਰ ਬਣਨਾ ਪੈ ਸਕਦਾ ਹੈ। ਇਨ੍ਹਾਂ ਕਾਰਨਾਂ ਕਰਕੇ ਫਲੋਰੀਡਾ, ਕੈਲੀਫੋਰਨੀਆ ਤੇ ਨਿਊ ਜਰਸੀ ਵਰਗੇ ਸੂਬਿਆਂ ਨੇ ਅਧਿਕਾਰਤ ਤੌਰ 'ਤੇ ਇਸ ਨਾਮ ਦੀ ਵਰਤੋਂ 'ਤੇ ਰੋਕ ਲਗਾ ਦਿੱਤੀ ਹੈ।

6. III (ਰੋਮਨ ਅੰਕ 3)

ਜੇ ਤੁਸੀਂ ਆਪਣੇ ਬੱਚੇ ਦਾ ਨਾਂ 'III' ਰੱਖਣਾ ਚਾਹੋ ਤਾਂ ਇਹ ਕਾਨੂੰਨੀ ਤੌਰ 'ਤੇ ਮਾਨਤਾ ਪ੍ਰਾਪਤ ਨਹੀਂ ਹੋਵੇਗਾ। ਇਹ ਇਕ ਰੋਮਨ ਨੰਬਰ ਹੈ, ਕੋਈ ਅਸਲ ਨਾਮ ਨਹੀਂ। ਅਮਰੀਕਾ 'ਚ ਰਜਿਸਟ੍ਰੇਸ਼ਨ ਦੌਰਾਨ ਸਿਰਫ਼ ਅੰਕਾਂ ਦੀ ਵਰਤੋਂ ਕਰਨਾ ਸਵੀਕਾਰਯੋਗ ਨਹੀਂ ਹੈ, ਕਿਉਂਕਿ ਨੰਬਰ ਇਕ ਵੈਲਿਡ ਨਿੱਜੀ ਨਾਮ ਨਹੀਂ ਮੰਨੇ ਜਾਂਦੇ। ਇਸ ਨਾਲ ਸਾਰੀ ਉਮਰ ਉਲਝਣ ਬਣੀ ਰਹਿ ਸਕਦੀ ਹੈ, ਇਸ ਲਈ ਇਸਨੂੰ ਰੱਦ ਕਰ ਦਿੱਤਾ ਜਾਂਦਾ ਹੈ।

7. ਐਡੋਲਫ ਹਿਟਲਰ (Adolf Hitler)

ਇਸ ਨਾਮ 'ਤੇ ਪਾਬੰਦੀ ਦੀ ਵਜ੍ਹਾ ਸਮਝਣਾ ਮੁਸ਼ਕਲ ਨਹੀਂ ਹੈ। ਇਤਿਹਾਸ ਦੇ ਇੱਕ ਬਹੁਤ ਹੀ ਕਾਲੇ ਅਧਿਆਏ ਤੇ ਹੋਲੋਕਾਸਟ 'ਚ ਐਡਲਫ ਹਿਟਲਰ ਦੀ ਭੂਮਿਕਾ ਨੂੰ ਦੇਖਦੇ ਹੋਏ, ਇਹ ਨਾਮ ਅਮਰੀਕਾ 'ਚ ਬੈਨ ਹੈ। ਇਸਦਾ ਉਦੇਸ਼ ਨਫ਼ਰਤ ਨੂੰ ਫੈਲਣ ਤੋਂ ਰੋਕਣਾ ਹੈ ਤੇ ਇਹ ਯਕੀਨੀ ਬਣਾਉਣਾ ਹੈ ਕਿ ਕਿਸੇ ਵੀ ਬੱਚੇ ਦਾ ਨਾਮ ਇਤਿਹਾਸ ਦੀਆਂ ਅਜਿਹੀਆਂ ਬੇਰਹਿਮ ਘਟਨਾਵਾਂ ਨਾਲ ਨਾ ਜੁੜੇ।