Mishri Health Benefits : ਸਿਰਫ਼ ਰਿਫਰੈਸ਼ਮੈਂਟ ਨਹੀਂ ਹੈ ਮਿਸ਼ਰੀ, ਗਰਮੀਆਂ 'ਚ ਖਾਓਗੇ ਤਾਂ ਮਿਲਣਗੇ ਇਹ 6 ਫਾਇਦੇ
Mishri Health Benefits : ਛੋਟੇ ਆਕਾਰ ਦੀ ਮਿਸ਼ਰੀ ਦੇ ਅਣਗਿਣਤ ਫਾਇਦੇ ਹਨ, ਜਿਨ੍ਹਾਂ ਬਾਰੇ ਜਾਣ ਕੇ ਤੁਸੀਂ ਹੈਰਾਨ ਹੋ ਸਕਦੇ ਹੋ। ਇਹ ਨਾ ਸਿਰਫ ਚੀਨੀ ਦਾ ਬਿਹਤਰ ਵਿਕਲਪ ਹੈ ਬਲਕਿ ਇਸ ਵਿਚ ਮੌਜੂਦ ਖਣਿਜ ਪਦਾਰਥ ਸੋਜ ਨਾਲ ਲੜ ਕੇ ਸਿਹਤ ਨੂੰ ਕਈ ਤਰੀਕਿਆਂ ਨਾਲ ਲਾਭ ਪਹੁੰਚਾਉਂਦੇ ਹਨ।
Posted By Seema Anand
Publish Date: Mon, 17 Apr 2023 12:32 PM (IST)
Updated Date: Wed, 19 Apr 2023 02:49 PM (IST)
Mishri Health Benefits : ਮਿਸ਼ਰੀ ਇਕ ਕਿਸਮ ਦੀ ਅਣਰਿਫਾਇੰਡ ਖੰਡ ਹੈ ਜਿਸਦੀ ਵਰਤੋਂ ਪਕਵਾਨਾਂ, ਰਿਫਰੈੱਸ਼ਮੈਂਟ ਤੇ ਇੱਥੋਂ ਤੱਕ ਕਿ ਦਵਾਈਆਂ ਵਿਚ ਵੀ ਕੀਤੀ ਜਾਂਦੀ ਹੈ। ਮਿਸ਼ਰੀ ਆਕਾਰ ਵਿਚ ਬਹੁਤ ਛੋਟੀ ਹੁੰਦੀ ਹੈ ਤੇ ਇਸਨੂੰ ਅਕਸਰ ਰਿਫਰੈੱਸਮੈਂਟ ਵਜੋਂ ਖਾਧਾ ਜਾਂਦਾ ਹੈ। ਹਾਲਾਂਕਿ, ਛੋਟੇ ਆਕਾਰ ਦੀ ਮਿਸ਼ਰੀ ਦੇ ਅਣਗਿਣਤ ਫਾਇਦੇ ਹਨ, ਜਿਨ੍ਹਾਂ ਬਾਰੇ ਜਾਣ ਕੇ ਤੁਸੀਂ ਹੈਰਾਨ ਹੋ ਸਕਦੇ ਹੋ।
ਇਹ ਨਾ ਸਿਰਫ ਚੀਨੀ ਦਾ ਬਿਹਤਰ ਵਿਕਲਪ ਹੈ ਬਲਕਿ ਇਸ ਵਿਚ ਮੌਜੂਦ ਖਣਿਜ ਪਦਾਰਥ ਸੋਜ ਨਾਲ ਲੜ ਕੇ ਸਿਹਤ ਨੂੰ ਕਈ ਤਰੀਕਿਆਂ ਨਾਲ ਲਾਭ ਪਹੁੰਚਾਉਂਦੇ ਹਨ।
ਮਿਸ਼ਰੀ ਦੇ ਸਿਹਤ ਨੂੰ ਫਾਇਦੇ
ਗਰਮੀ ਦੇ ਮੌਸਮ 'ਚ ਮਿਸ਼ਰੀ ਦੀ ਠੰਢੀ ਤਾਸੀਰ ਕਾਰਨ ਇਸ ਦੀ ਵਰਤੋਂ ਆਮਤੌਰ 'ਤੇ ਡ੍ਰਿੰਕਸ ਵਿਚ ਕੀਤੀ ਜਾਂਦੀ ਹੈ। ਇਸ ਦਾ ਸੇਵਨ ਦਿਮਾਗ਼ ਤੇ ਸਰੀਰ ਨੂੰ ਸ਼ਾਂਤ ਕਰਦਾ ਹੈ। ਇਹ ਫੌਰਨ ਐਨਰਜੀ ਦੇਣ ਦਾ ਕੰਮ ਕਰਦੀ ਹੈ ਤੇ ਨਾਲ ਹੀ ਸਰੀਰ ਨੂੰ ਰਿਲੈਕਸ ਕਰਦੀ ਹੈ। ਆਓ ਜਾਣੀਏ ਮਿਸ਼ਰੀ ਖਾਣ ਦੇ 6 ਫਾਇਦਿਆਂ ਬਾਰੇ...
ਖਣਿਜ ਪਦਾਰਥਾਂ ਨਾਲ ਹੁੰਦੀ ਹੈ ਭਰਪੂਰ
ਮਿਸ਼ਰੀ ਕੈਲਸ਼ੀਅਮ, ਆਇਰਨ ਤੇ ਫਾਸਫੋਰਸ ਵਰਗੇ ਖਣਿਜਾਂ ਨਾਲ ਭਰੀ ਹੋਈ ਹੈ ਜੋ ਸਿਹਤਮੰਦ ਹੱਡੀਆਂ ਤੇ ਦੰਦਾਂ ਨੂੰ ਹੈਲਦੀ ਰੱਖਦੇ ਹਨ।
ਪਾਚਨ ਨੂੰ ਬਿਹਤਰ ਬਣਾਉਂਦੀ ਹੈ
ਮੰਨਿਆ ਜਾਂਦਾ ਹੈ ਕਿ ਮਿਸ਼ਰੀ ਦਾ ਸੇਵਨ ਪਾਚਨ ਐਂਜ਼ਾਈਮਾਂ ਦੇ ਰਿਸਾਵ ਨੂੰ ਉਤਸ਼ਾਹਿਤ ਕਰ ਕੇ ਪਾਚਨ ਪ੍ਰਣਾਲੀ ਨੂੰ ਉਤੇਜਿਤ ਕਰਦਾ ਹੈ, ਜੋ ਭੋਜਨ ਨੂੰ ਜਲਦੀ ਤੇ ਪ੍ਰਭਾਵਸ਼ਾਲੀ ਢੰਗ ਨਾਲ ਤੋੜਨ ਵਿੱਚ ਮਦਦ ਕਰਦਾ ਹੈ।
ਸਰਦੀ-ਖਾਂਸੀ ਵਿਚ ਰਾਹਤ ਦਿੰਦੀ
ਮਿਸ਼ਰੀ ਗਲੇ ਨੂੰ ਆਰਾਮ ਦੇਣ ਦਾ ਕੰਮ ਕਰਦੀ ਹੈ, ਇਸਲਈ ਇਸਨੂੰ ਆਮ ਤੌਰ 'ਤੇ ਆਯੁਰਵੈਦਿਕ ਦਵਾਈ ਵਿਚ ਇਕ ਕੁਦਰਤੀ ਖਾਂਸੀ ਦੇ ਉਪਚਾਰ ਵਜੋਂ ਵਰਤਿਆ ਜਾਂਦਾ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਮਿਸ਼ਰੀ ਵਿੱਚ ਕੁਝ ਔਸ਼ਧੀ ਗੁਣ ਤੇ ਜ਼ਰੂਰੀ ਪੌਸ਼ਟਿਕ ਤੱਤ ਹੁੰਦੇ ਹਨ, ਜੋ ਇਨ੍ਹਾਂ ਹਾਲਾਤ ਤੋਂ ਜਲਦੀ ਰਾਹਤ ਪ੍ਰਦਾਨ ਕਰਨ ਵਿਚ ਮਦਦ ਕਰਦੇ ਹਨ। ਗਲੇ ਦੀ ਖਰਾਸ਼ 'ਚ ਜੇਕਰ ਕਾਲੀ ਮਿਰਚ, ਘਿਓ ਦੇ ਨਾਲ ਸ਼ੱਕਰ ਮਿਲਾ ਕੇ ਖਾਧੀ ਜਾਵੇ ਤਾਂ ਤੁਰੰਤ ਆਰਾਮ ਮਿਲਦਾ ਹੈ।
ਐਨਰਜੀ ਬੂਸਟਿੰਗ ਏਜੰਟ
ਮਿਸ਼ਰੀ ਖਾਣ ਨਾਲ ਤੁਹਾਨੂੰ ਫੌਰਨ ਐਨਰਜੀ ਮਿਲ ਸਕਦੀ ਹੈ। ਅਜਿਹਾ ਇਸ ਲਈ ਕਿਉਂਕਿ ਇਸ 'ਚ ਸ਼ੂਗਰ ਦੀ ਮਾਤਰਾ ਬਹੁਤ ਜ਼ਿਆਦਾ ਹੁੰਦੀ ਹੈ।
ਤਣਾਅ ਤੇ ਬੇਚੈਨੀ ਘਟਾਏ
ਮਿਸ਼ਰੀ ਦਾ ਤੰਤਰਿਕਾ ਤੰਤਰ ਤੇ ਦਿਮਾਗ 'ਤੇ ਅਰਾਮਦਾਇਕ ਪ੍ਰਭਾਵ ਦੇਖਿਆ ਗਿਆ ਹੈ ਅਤੇ ਇਸ ਤਰ੍ਹਾਂ ਤਣਾਅ ਅਤੇ ਚਿੰਤਾ ਨੂੰ ਘਟਾਉਣ ਵਿਚ ਮਦਦ ਮਿਲ ਸਕਦੀ ਹੈ।
ਸੋਜ਼ਿਸ਼ ਨਾਲ ਲ਼ੜਦੀ ਹੈ
ਮਿਸ਼ਰੀ ਵਿਚ ਗਲਾਈਸਾਈਰਾਈਜ਼ਿਨ (Glycyrrhizin) ਹੁੰਦਾ ਹੈ, ਜੋ ਇਕ ਕੁਦਰਤੀ ਮਿਸ਼ਰਨ ਹੁੰਦਾ ਹੈ। ਇਸ ਵਿਚ ਐਂਟੀਇਨਫਲੇਮੇਟਰੀ ਗੁਣ ਹੁੰਦੇ ਹਨ ਅਤੇ ਆਯੁਰਵੇਦ ਦੇ ਅਨੁਸਾਰ ਸਰੀਰ ਵਿੱਚ ਸੋਜ਼ਿਸ਼ ਘਟਾਉਣ ਦਾ ਕੰਮ ਕਰਦੇ ਹਨ।
ਨੋਟ: ਮਿਸ਼ਰੀ ਦੇ ਸਿਹਤ ਲਈ ਬਹੁਤ ਸਾਰੇ ਫਾਇਦੇ ਹਨ, ਪਰ ਇਸ ਦਾ ਜ਼ਿਆਦਾ ਸੇਵਨ ਨੁਕਸਾਨ ਵੀ ਕਰ ਸਕਦਾ ਹੈ, ਕਿਉਂਕਿ ਇਹ ਚੀਨੀ ਦਾ ਇੱਕ ਰੂਪ ਹੈ। ਜ਼ਿਆਦਾ ਮਾਤਰਾ 'ਚ ਸ਼ੂਗਰ ਖਾਣ ਨਾਲ ਭਾਰ ਵਧਣਾ, ਸ਼ੂਗਰ ਤੇ ਦਿਲ ਦੀਆਂ ਬਿਮਾਰੀਆਂ ਦਾ ਖਤਰਾ ਵਧ ਸਕਦਾ ਹੈ।