ਔਰਤਾਂ 'ਚ ਦਿਲ ਦੀ ਬਿਮਾਰੀ ਬਣ ਰਹੀ ਹੈ 'ਸਾਈਲੈਂਟ ਕਿੱਲਰ', ਇਨ੍ਹਾਂ 7 ਲੱਛਣਾਂ ਨੂੰ ਨਾ ਕਰੋ ਨਜ਼ਰਅੰਦਾਜ਼

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਦਿਲ ਦੀਆਂ ਬਿਮਾਰੀਆਂ ਔਰਤਾਂ ਵਿੱਚ ਮੌਤ ਦਾ ਇੱਕ ਵੱਡਾ ਕਾਰਨ ਬਣ ਰਹੀਆਂ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਹਾਰਟ ਡਿਜੀਜ਼ ਕਾਰਨ ਹੋਣ ਵਾਲੀਆਂ ਮੌਤਾਂ ਦੀ ਗਿਣਤੀ ਕੈਂਸਰ ਨਾਲੋਂ ਵੀ ਵੱਧ ਹੈ। ਔਰਤਾਂ ਵਿੱਚ ਇਸ ਦੇ ਲੱਛਣ ਮਰਦਾਂ ਨਾਲੋਂ ਵੱਖਰੇ ਹੁੰਦੇ ਹਨ, ਜਿਸ ਕਾਰਨ ਅਕਸਰ ਇਸ ਸਮੱਸਿਆ ਨੂੰ ਪਛਾਣਨ ਵਿੱਚ ਦੇਰੀ ਹੋ ਜਾਂਦੀ ਹੈ। ਆਓ ਜਾਣਦੇ ਹਾਂ ਔਰਤਾਂ ਵਿੱਚ ਦਿਲ ਦੀਆਂ ਬਿਮਾਰੀਆਂ ਦੇ ਕਾਰਨ, ਲੱਛਣ ਅਤੇ ਬਚਾਅ ਦੇ ਤਰੀਕੇ।

ਕਿਵੇਂ ਵਧਦਾ ਹੈ ਹਾਰਟ ਡਿਜ਼ੀਜ਼ ਦਾ ਖ਼ਤਰਾ?

ਦਿਲ ਦੀ ਬਿਮਾਰੀ ਦੇ ਆਮ ਕਾਰਨ ਜਿਵੇਂ ਕੋਲੈਸਟ੍ਰੋਲ, ਹਾਈ ਬਲੱਡ ਪ੍ਰੈਸ਼ਰ, ਸ਼ੂਗਰ, ਸਿਗਰਟਨੋਸ਼ੀ ਤੇ ਜੈਨੇਟਿਕ ਕਾਰਨ ਤਾਂ ਹਨ ਹੀ, ਪਰ ਔਰਤਾਂ 'ਚ ਕੁਝ ਹੋਰ ਖਾਸ ਰਿਸਕ ਫੈਕਟਰ ਵੀ ਹੁੰਦੇ ਹਨ:

• ਪ੍ਰੀ-ਐਕਲੈਂਪਸੀਆ : ਗਰਭ ਅਵਸਥਾ ਦੌਰਾਨ ਹਾਈ ਬਲੱਡ ਪ੍ਰੈਸ਼ਰ ਜਾਂ ਸ਼ੂਗਰ ਕਾਰਨ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵਧ ਜਾਂਦਾ ਹੈ।
• PCOS ਤੇ ਆਟੋਇਮਿਊਨ ਡਿਜ਼ੀਜ਼ : ਪੋਲੀਸਿਸਟਿਕ ਓਵਰੀ ਸਿੰਡਰੋਮ (PCOS), ਲੂਪਸ ਅਤੇ ਰਾਇਮੇਟਾਇਡ ਗਠੀਆ ਵਰਗੀਆਂ ਬਿਮਾਰੀਆਂ ਖ਼ਤਰਾ ਵਧਾਉਂਦੀਆਂ ਹਨ।
• ਅਰਲੀ ਮੀਨੋਪੌਜ਼ : 45 ਸਾਲ ਦੀ ਉਮਰ ਤੋਂ ਪਹਿਲਾਂ ਮੇਨੋਪੌਜ਼ ਹੋਣ ਨਾਲ ਐਸਟ੍ਰੋਜਨ ਹਾਰਮੋਨ ਦਾ ਪੱਧਰ ਘੱਟ ਜਾਂਦਾ ਹੈ, ਜੋ ਦਿਲ ਲਈ ਨੁਕਸਾਨਦੇਹ ਹੈ।

ਔਰਤਾਂ 'ਚ ਹਾਰਟ ਅਟੈਕ ਦੇ 7 ਮੁੱਖ ਲੱਛਣ

ਮਰਦਾਂ ਦੇ ਮੁਕਾਬਲੇ ਔਰਤਾਂ 'ਚ ਲੱਛਣ ਵੱਖਰੇ ਹੋ ਸਕਦੇ ਹਨ ਜਿਨ੍ਹਾਂ ਨੂੰ ਮਾਮੂਲੀ ਸਮਝ ਕੇ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ :

1. ਛਾਤੀ 'ਚ ਦਰਦ ਜਾਂ ਭਾਰੀਪਨ
2. ਚੱਕਰ ਆਉਣਾ
3. ਉਲਟੀ ਜਾਂ ਜੀਅ ਕੱਚਾ ਹੋਣਾ
4. ਸਾਹ ਲੈਣ 'ਚ ਤਕਲੀਫ਼
5. ਪਿੱਠ ਵਿਚ ਦਰਦ
6. ਠੰਡਾ ਪਸੀਨਾ ਆਉਣਾ
7. ਬਹੁਤ ਜ਼ਿਆਦਾ ਥਕਾਵਟ ਮਹਿਸੂਸ ਹੋਣਾ

ਕਾਰਨ ਅਤੇ ਜਾਂਚ

ਔਰਤਾਂ 'ਚ ਅਕਸਰ 'ਕੋਰੋਨਰੀ ਮਾਈਕ੍ਰੋਵੈਸਕੁਲਰ ਡਿਜ਼ੀਜ਼' (ਛੋਟੀਆਂ ਖੂਨ ਦੀਆਂ ਨਾੜੀਆਂ ਦੀ ਬਿਮਾਰੀ) ਹੋਣ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ। ਕਈ ਵਾਰ ਸਧਾਰਨ ਐਂਜੀਓਗ੍ਰਾਮ 'ਚ ਇਹ ਫੜੀ ਨਹੀਂ ਜਾਂਦੀ, ਜਿਸ ਲਈ ਡਾਕਟਰ PET ਸਕੈਨ ਜਾਂ MRI ਦੀ ਸਲਾਹ ਦਿੰਦੇ ਹਨ।

ਦਿਲ ਨੂੰ ਸਿਹਤਮੰਦ ਰੱਖਣ ਦੇ ਨੁਸਖ਼ੇ

ਸਿਹਤਮੰਦ ਖੁਰਾਕ : ਫਲ, ਸਬਜ਼ੀਆਂ ਅਤੇ ਫਾਈਬਰ ਨਾਲ ਭਰਪੂਰ ਖਾਣਾ ਖਾਓ।

ਨਿਯਮਿਤ ਜਾਂਚ : ਬਲੱਡ ਪ੍ਰੈਸ਼ਰ, ਕੋਲੈਸਟ੍ਰੋਲ ਅਤੇ ਸ਼ੂਗਰ ਦੀ ਜਾਂਚ ਕਰਵਾਉਂਦੇ ਰਹੋ।

ਕਸਰਤ : ਰੋਜ਼ਾਨਾ ਸਰੀਰਕ ਗਤੀਵਿਧੀ ਜਾਂ ਸੈਰ ਜ਼ਰੂਰ ਕਰੋ।

ਡਾਕਟਰੀ ਸਲਾਹ: ਕਿਸੇ ਵੀ ਲੱਛਣ ਨੂੰ ਦੇਖਦੇ ਹੀ ਤੁਰੰਤ ਮਾਹਿਰ ਨਾਲ ਗੱਲ ਕਰੋ।

ਡਿਸਕਲੇਮਰ : ਲੇਖ 'ਚ ਜ਼ਿਕਰਯੋਗ ਸਲਾਹ ਤੇ ਸੁਝਾਅ ਸਿਰਫ਼ ਆਮ ਜਾਣਕਾਰੀ ਦੇ ਉਦੇਸ਼ ਲਈ ਹਨ ਤੇ ਇਨ੍ਹਾਂ ਨੂੰ ਪੇਸ਼ੇਵਰ ਡਾਕਟਰੀ ਸਲਾਹ ਦੇ ਰੂਪ 'ਚ ਨਹੀਂ ਲਿਆ ਜਾਣਾ ਚਾਹੀਦਾ। ਕੋਈ ਵੀ ਸਵਾਲ ਜਾਂ ਪਰੇਸ਼ਾਨੀ ਹੋਵੇ ਤਾਂ ਹਮੇਸ਼ਾ ਆਪਣੇ ਡਾਕਟਰ ਤੋਂ ਸਲਾਹ ਲਓ।