Neha Kakkar Controversy: ‘ਕੈਂਡੀ ਸ਼ਾਪ’ ਨੂੰ ਸੁਣ ਕੇ ਨੇਟੀਜ਼ਨਸ ਨੇ ਫੜਿਆ ਮੱਥਾ, ਨੇਹਾ ਕੱਕੜ ਦੇ ਨਵੇਂ ਗਾਣੇ 'ਤੇ ਭੜਕੇ ਲੋਕ

ਮਨੋਰੰਜਨ ਡੈਸਕ, Candy Shop Controversy । ਗਾਇਕਾ ਨੇਹਾ ਕੱਕੜ ਦਾ ਨਵਾਂ ਗੀਤ ‘ਕੈਂਡੀ ਸ਼ਾਪ’ ਇਨੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਆਪਣੇ ਨਾਮ ਕਰਕੇ ਹੀ ਇਹ ਗੀਤ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਰਿਹਾ ਸੀ। ਹੁਣ ਗੀਤ ਰਿਲੀਜ਼ ਹੋਣ ਤੋਂ ਬਾਅਦ ਨੇਹਾ ਕੱਕੜ ਲੋਕਾਂ ਦੇ ਨਿਸ਼ਾਨੇ 'ਤੇ ਆ ਗਈ ਹੈ। ਸੋਸ਼ਲ ਮੀਡੀਆ 'ਤੇ ਨੇਟੀਜ਼ਨਸ (Netizens) ਗੀਤ ਦੇ ਬੋਲ ਅਤੇ ਨੇਹਾ ਕੱਕੜ ਦੇ ਡਾਂਸ, ਦੋਵਾਂ ਦੀ ਜੰਮ ਕੇ ਆਲੋਚਨਾ ਕਰ ਰਹੇ ਹਨ। ਇੱਕ ਪਾਸੇ ਜਿੱਥੇ ਕਈ ਯੂਜ਼ਰਜ਼ ਗੀਤ ਦੇ ਲਿਰਿਕਸ (ਬੋਲ) ਨੂੰ ਲੈ ਕੇ ਹੈਰਾਨੀ ਜਤਾ ਰਹੇ ਹਨ, ਉੱਥੇ ਹੀ ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਹੁਣ ਤਾਂ ਨੇਹਾ ਕੱਕੜ ਨੇ ਹੱਦ ਹੀ ਪਾਰ ਕਰ ਦਿੱਤੀ ਹੈ।

ਜਾਣੋ ਇਸ ਗੀਤ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਨੇਟੀਜ਼ਨਸ ਨੇ ਕਿਸ ਤਰ੍ਹਾਂ ਦੇ ਰਿਐਕਸ਼ਨ ਦਿੱਤੇ ਹਨ...

ਨੇਹਾ ਨੇ ਇਹ ਗੀਤ ਆਪਣੇ ਭਰਾ ਟੋਨੀ ਕੱਕੜ ਨਾਲ ਮਿਲ ਕੇ ਬਣਾਇਆ ਹੈ। ਟੋਨੀ ਨੇ ਹੀ ਇਸ ਨੂੰ ਕੰਪੋਜ਼ ਕਰਨ ਦੇ ਨਾਲ-ਨਾਲ ਸੰਗੀਤ ਅਤੇ ਬੋਲ ਵੀ ਦਿੱਤੇ ਹਨ। ਗੀਤ ਵਿੱਚ ਦੋਵੇਂ ਭੈਣ-ਭਰਾ ਨਜ਼ਰ ਆ ਰਹੇ ਹਨ, ਪਰ ਸੋਸ਼ਲ ਮੀਡੀਆ 'ਤੇ ਤਿੱਖੀ ਆਲੋਚਨਾ ਦਾ ਨਿਸ਼ਾਨਾ ਮੁੱਖ ਤੌਰ 'ਤੇ ਨੇਹਾ ਕੱਕੜ ਬਣੀ ਹੈ।

ਅਸ਼ਲੀਲ ਡਾਂਸ ਸਟੈਪ

ਗੀਤ ਰਿਲੀਜ਼ ਹੋਣ ਦੇ ਕੁਝ ਹੀ ਸਮੇਂ ਬਾਅਦ, ਸੋਸ਼ਲ ਮੀਡੀਆ ਪਲੇਟਫਾਰਮ ‘X’ (ਪਹਿਲਾਂ ਟਵਿੱਟਰ) 'ਤੇ ਨੇਹਾ ਕੱਕੜ ਨੂੰ ਉਸਦੇ ਕੁਝ ਡਾਂਸ ਮੂਵਜ਼ ਲਈ ਟ੍ਰੋਲ ਕੀਤਾ ਜਾਣ ਲੱਗਾ। ਲੋਕਾਂ ਨੇ ਇਤਰਾਜ਼ ਜਤਾਉਂਦੇ ਹੋਏ ਕਿਹਾ ਕਿ ਨੇਹਾ ਅਤੇ ਟੋਨੀ ਦੇ ਗੀਤ ਦਿਨੋ-ਦਿਨ ਘਟੀਆ ਅਤੇ ਬੇਸ਼ਰਮ ਹੁੰਦੇ ਜਾ ਰਹੇ ਹਨ। ਯੂਜ਼ਰਜ਼ ਨੇ ਨੇਹਾ ਕੱਕੜ ਨੂੰ ਉਸਦੀ ਇਸ ਹਰਕਤ ਲਈ ਸ਼ਰਮ ਮਹਿਸੂਸ ਕਰਨ ਦੀ ਸਲਾਹ ਦਿੱਤੀ।