ਪਹਿਲਾਂ ਮਾਰਿਆ ਮੂੰਹ 'ਤੇ ਮੁੱਕਾ ਫਿਰ ਬਦਮਾਸ਼ ਨੇ ਖੋਹਿਆ ਇਸ ਅਦਾਕਾਰਾ ਦਾ ਫੋਨ, ਹਸਪਤਾਲ 'ਚ ਭਰਤੀ

ਨਵੀਂ ਦਿੱਲੀ, ਜੇਐੱਨਐਨ : ਸਾਊਥ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਸ਼ਾਲੂ ਚੌਰਸੀਆ ਨੂੰ ਲੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਅਦਾਕਾਰਾ ਦਾ ਮੋਬਾਈਲ ਫੋਨ ਖੋਹ ਲਿਆ ਗਿਆ ਹੈ। ਇਸ ਦੌਰਾਨ ਸ਼ਾਲੂ ਚੌਰਸੀਆ ਜ਼ਖਮੀ ਹੋ ਗਈ, ਜਿਸ ਕਾਰਨ ਉਸ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਸ਼ਾਲੂ ਚੌਰਸੀਆ ਤੇਲਗੂ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਹੈ। ਉਸ ਦਾ ਮੋਬਾਈਲ ਖੋਹਣ ਦੀ ਘਟਨਾ ਐਤਵਾਰ ਰਾਤ 8.30 ਵਜੇ ਦੇ ਕਰੀਬ ਵਾਪਰੀ। ਅੰਗਰੇਜ਼ੀ ਵੈੱਬਸਾਈਟ ਇੰਡੀਆ ਟੂਡੇ ਦੀ ਖਬਰ ਮੁਤਾਬਕ ਮੋਬਾਈਲ ਫੋਨ ਖੋਹਣ ਤੋਂ ਬਾਅਦ ਸ਼ਾਲੂ ਚੌਰਸੀਆ ਨੇ ਚੋਰ ਖਿਲਾਫ ਬੰਜਾਰਾ ਹਿਲਸ ਪੁਲਸ ਸਟੇਸ਼ਨ 'ਚ ਮਾਮਲਾ ਦਰਜ ਕਰਵਾਇਆ ਹੈ। ਪੁਲਿਸ ਮੁਤਾਬਕ ਇਹ ਘਟਨਾ ਹੈਦਰਾਬਾਦ ਦੇ ਬੰਗਾਰਾ ਹਿਲਜ਼ 'ਚ ਕੇਬੀਆਰ ਪਾਰਕ ਦੇ ਕੋਲ ਅਦਾਕਾਰਾ ਨਾਲ ਵਾਪਰੀ। ਐਤਵਾਰ ਸ਼ਾਮ ਨੂੰ ਸ਼ਾਲੂ ਚੌਰਸੀਆ ਸੈਰ ਕਰਨ ਲਈ ਘਰੋਂ ਨਿਕਲੀ ਤਾਂ ਰਾਤ ਕਰੀਬ 8.30 ਵਜੇ ਇਕ ਵਿਅਕਤੀ ਨੇ ਉਸ ਦਾ ਮੋਬਾਈਲ ਫੋਨ ਖੋਹ ਲਿਆ। ਅਦਾਕਾਰਾ ਮੁਤਾਬਕ ਉਹ ਵਿਅਕਤੀ ਸ਼ਾਲੂ ਚੌਰਸੀਆ ਕੋਲ ਆਇਆ ਅਤੇ ਅਦਾਕਾਰਾ ਨੂੰ ਪੈਸੇ ਤੇ ਜ਼ਰੂਰੀ ਸਮਾਨ ਦੇਣ ਲਈ ਕਿਹਾ। ਸ਼ਾਲੂ ਚੌਰਸੀਆ ਨੇ ਤੁਰੰਤ ਉਸ ਆਦਮੀ ਦਾ ਵਿਰੋਧ ਕੀਤਾ। ਜਿਸ ਤੋਂ ਬਾਅਦ ਉਸ ਨੇ ਅਦਾਕਾਰਾ ਦੇ ਮੂੰਹ 'ਤੇ ਮੁੱਕਾ ਮਾਰਿਆ ਅਤੇ ਉਸ 'ਤੇ ਪੱਥਰ ਨਾਲ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ। ਕੁਝ ਦੇਰ ਵਿੱਚ ਹੀ ਹਮਲਾਵਰ ਸ਼ਾਲੂ ਚੌਰਸੀਆ ਦਾ ਮੋਬਾਈਲ ਖੋਹ ਕੇ ਫ਼ਰਾਰ ਹੋ ਗਏ। ਇਸ ਦੌਰਾਨ ਅਦਾਕਾਰਾ ਦੇ ਸਿਰ ਅਤੇ ਅੱਖਾਂ 'ਤੇ ਸੱਟ ਲੱਗ ਗਈ। ਜਿਸ ਤੋਂ ਬਾਅਦ ਸ਼ਾਲੂ ਚੌਰਸੀਆ ਨੂੰ ਨੇੜਲੇ ਨਿੱਜੀ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ। ਉੱਥੇ ਹੀ ਅਭਿਨੇਤਰੀ ਦੀ ਸ਼ਿਕਾਇਤ ਤੋਂ ਬਾਅਦ ਬੰਜਾਰਾ ਹਿਲਸ ਥਾਣੇ ਦੇ ਅਧਿਕਾਰੀਆਂ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਫਿਲਹਾਲ ਪੁਲਸ ਨੇ ਘਟਨਾ ਵਾਲੀ ਥਾਂ ਦੇ ਨੇੜੇ ਮੌਜੂਦ ਸੀਸੀਟੀਵੀ ਫੁਟੇਜ 'ਚ ਹਮਲਾਵਰ ਦੀ ਪਛਾਣ ਕਰ ਲਈ ਹੈ ਅਤੇ ਉਸ ਦੀ ਜਾਂਚ ਕਰ ਰਹੀ ਹੈ। ਧਿਆਨ ਯੋਗ ਹੈ ਕਿ ਹੈਦਰਾਬਾਦ ਦੇ ਬੰਜਾਰਾ ਹਿਲਜ਼ ਦੇ ਕੋਲ ਕਈ ਚੇਨ ਅਤੇ ਮੋਬਾਈਲ ਸਨੈਚਿੰਗ ਦੀਆਂ ਵਾਰਦਾਤਾਂ ਹੋ ਚੁੱਕੀਆਂ ਹਨ।

ਸੂਬੇ ਦੀਆਂ ਸਾਰੀਆਂ ਵੱਡੀਆਂ ਹਸਤੀਆਂ, ਫਿਲਮੀ ਸਿਤਾਰੇ, ਸਿਆਸਤਦਾਨ ਅਤੇ ਕਾਰੋਬਾਰੀ ਇਸ ਥਾਂ 'ਤੇ ਰਹਿੰਦੇ ਹਨ। ਇਹ ਮਸ਼ਹੂਰ ਹਸਤੀਆਂ ਹਰ ਰੋਜ਼ ਸਵੇਰੇ-ਸ਼ਾਮ ਸੈਰ ਕਰਨ ਲਈ ਘਰੋਂ ਨਿਕਲਦੀਆਂ ਰਹਿੰਦੀਆਂ ਹਨ। ਇਸ ਦੌਰਾਨ ਉਸ 'ਤੇ ਹਮਲੇ ਅਤੇ ਲੁੱਟ-ਖੋਹ ਦੀਆਂ ਕਈ ਵਾਰਦਾਤਾਂ ਹੋ ਚੁੱਕੀਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਸ਼ਾਲੂ ਚੌਰਸੀਆ ਤੇਲਗੂ ਭਾਸ਼ਾ ਦੀਆਂ ਕਈ ਫਿਲਮਾਂ ਦਾ ਹਿੱਸਾ ਰਹਿ ਚੁੱਕੀ ਹੈ।