ਧਰਮਿੰਦਰ ਦਾ ਅਸਥੀ ਵਿਸਰਜਨ : ਲੁਕ ਕੇ ਰਿਕਾਰਡ ਕਰ ਰਹੇ ਸਨ ਪੈਪਸ, ਲੋਹਾ-ਲਾਖਾ ਹੋਏ ਸੰਨੀ ਦਿਓਲ; ਕਿਹਾ- ਕਿੰਨੇ ਪੈਸੇ...?

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਫ਼ਿਲਮ ਅਭਿਨੇਤਾ ਧਰਮਿੰਦਰ ਦਾ ਦੇਹਾਂਤ 24 ਨਵੰਬਰ ਨੂੰ ਮੁੰਬਈ ਸਥਿਤ ਉਨ੍ਹਾਂ ਦੇ ਘਰ ਹੋ ਗਿਆ ਸੀ। ਅਦਾਕਾਰ ਕਾਫ਼ੀ ਸਮੇਂ ਤੋਂ ਬ੍ਰੀਚ ਕੈਂਡੀ ਹਸਪਤਾਲ ਵਿੱਚ ਦਾਖਲ ਸਨ ਅਤੇ ਸਥਿਤੀ ਥੋੜ੍ਹੀ ਸੁਧਰਨ ਤੋਂ ਬਾਅਦ ਪਰਿਵਾਰ ਵਾਲਿਆਂ ਨੇ ਉਨ੍ਹਾਂ ਨੂੰ ਘਰ ਲਿਜਾਣ ਦਾ ਫ਼ੈਸਲਾ ਕੀਤਾ ਸੀ। ਇਸ ਤੋਂ ਪਹਿਲਾਂ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੇ ਕਈ ਵੀਡੀਓ ਵਾਇਰਲ ਹੋ ਰਹੇ ਸਨ, ਜਿਨ੍ਹਾਂ ਵਿੱਚੋਂ ਇੱਕ ਹਸਪਤਾਲ ਦਾ ਵੀਡੀਓ ਵੀ ਸੀ। ਇਸ ਵੀਡੀਓ ਵਿੱਚ ਧਰਮਿੰਦਰ ਬਹੁਤ ਹੀ ਗੰਭੀਰ ਹਾਲਤ ਵਿੱਚ ਹਸਪਤਾਲ ਦੇ ਬੈੱਡ 'ਤੇ ਲੇਟੇ ਨਜ਼ਰ ਆ ਰਹੇ ਸਨ, ਜਦੋਂ ਕਿ ਪੂਰਾ ਪਰਿਵਾਰ ਉਨ੍ਹਾਂ ਦੇ ਆਸ-ਪਾਸ ਇਕੱਠਾ ਸੀ।

ਇਸ ਤੋਂ ਬਾਅਦ ਇੱਕ ਵੀਡੀਓ ਵਿੱਚ ਕੁਝ ਪੈਪਸ (ਪਾਪਰਾਜ਼ੀ) ਸੰਨੀ ਦਿਓਲ ਦੇ ਘਰ ਦੇ ਬਾਹਰ ਵੀਡੀਓ ਬਣਾ ਰਹੇ ਸਨ, ਜਿਸ ਤੋਂ ਬਾਅਦ ਅਦਾਕਾਰ ਨੇ ਗੁੱਸੇ ਵਿੱਚ ਆ ਕੇ ਉਨ੍ਹਾਂ ਨੂੰ ਖੂਬ ਸੁਣਾਇਆ ਸੀ। ਹੁਣ ਅਜਿਹਾ ਹੀ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਫਿਰ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਸੰਨੀ ਦਿਓਲ ਦਾ ਗੁੱਸਾ ਸੱਤਵੇਂ ਅਸਮਾਨ 'ਤੇ ਪਹੁੰਚ ਗਿਆ। ਦਰਅਸਲ ਪਰਿਵਾਰ 3 ਦਸੰਬਰ ਨੂੰ ਹਰਿਦੁਆਰ ਵਿੱਚ ਗੰਗਾ ਨਦੀ ਵਿੱਚ ਅਸਥੀਆਂ ਵਿਸਰਜਿਤ ਕਰਨ ਗਿਆ ਸੀ।

ਸੰਨੀ ਦਿਓਲ ਤੇ ਬੌਬੀ ਦਿਓਲ ਮੰਗਲਵਾਰ ਨੂੰ ਹੀ ਪਰਿਵਾਰ ਦੇ ਮੈਂਬਰਾਂ ਨਾਲ ਹਰਿਦੁਆਰ ਪਹੁੰਚ ਗਏ ਸਨ ਅਤੇ ਪੰਜ ਸਿਤਾਰਾ ਹੋਟਲ 'ਪੀਲੀਭੀਤ ਹਾਊਸ' ਵਿੱਚ ਠਹਿਰੇ ਸਨ। ਅਸਥੀ ਵਿਸਰਜਨ ਦੀ ਮੁੱਖ ਪ੍ਰਕਿਰਿਆ ਸੰਨੀ ਦਿਓਲ ਦੇ ਪੁੱਤਰ ਕਰਨ ਦਿਓਲ ਵੱਲੋਂ ਸ਼੍ਰਵਣ ਨਾਥ ਨਗਰ ਖੇਤਰ ਸਥਿਤ ਪੀਲੀਭੀਤ ਹਾਊਸ ਦੇ ਘਾਟ 'ਤੇ ਸੰਪੰਨ ਕਰਵਾਈ ਗਈ।

#SunnyDeol's fiery message to the paparazzi😡 A powerful moment that shows where his priorities lie🙏

Have you guys sold your shame?

" पैसे चाहिए तेरे को कितने पैसे चाहिए "

Sunny's anger is totally justified, Some time celebrities just need to be human 😞

Respect the family… pic.twitter.com/q9mUZmVDIP

— Mr Prabh Deol (@Movie_flix1) December 3, 2025

ਲੁਕ ਕੇ ਰਿਕਾਰਡ ਕਰ ਰਹੇ ਸਨ ਪੈਪਸ

ਹੁਣ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਸੰਨੀ ਧਰਮਿੰਦਰ ਦੇ ਅਸਥੀ ਵਿਸਰਜਨ ਦੌਰਾਨ ਲੁਕ ਕੇ ਰਿਕਾਰਡਿੰਗ ਕਰ ਰਹੇ ਇੱਕ ਪੈਪਸ ਨੂੰ ਡਾਂਟਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਵਿੱਚ, ਗੁੱਸੇ ਵਿੱਚ ਆਏ ਸੰਨੀ ਪੈਪਸ ਵੱਲ ਵਧਦੇ ਹੋਏ ਉਸਦਾ ਕੈਮਰਾ ਖੋਹ ਕੇ ਸਵਾਲ ਕਰਦੇ ਹਨ, "ਪੈਸੇ ਚਾਹੀਦੇ? ਕਿੰਨੇ ਪੈਸੇ ਚਾਹੀਦੇ?"

ਅੰਤਿਮ ਸੰਸਕਾਰ 'ਚ ਸ਼ਾਮਲ ਹੋਈਆਂ ਸਨ ਇਹ ਹਸਤੀਆਂ

ਇਸ ਤੋਂ ਪਹਿਲਾਂ ਜਦੋਂ ਪੈਪਸ ਸੰਨੀ ਦੇ ਘਰ ਦੇ ਬਾਹਰ ਤਸਵੀਰਾਂ ਅਤੇ ਵੀਡੀਓ ਲੈਣ ਦੀ ਕੋਸ਼ਿਸ਼ ਕਰ ਰਹੇ ਸਨ, ਤਾਂ ਸੰਨੀ ਨੇ ਉਨ੍ਹਾਂ ਨੂੰ ਗਾਲ੍ਹਾਂ ਵੀ ਕੱਢੀਆਂ ਸਨ। ਧਰਮਿੰਦਰ ਦੇ ਅੰਤਿਮ ਸੰਸਕਾਰ ਵਿੱਚ ਅਮਿਤਾਭ ਬੱਚਨ, ਅਗਸਤਿਆ ਨੰਦਾ, ਦੀਪੀਕਾ ਪਾਦੂਕੋਣ, ਰਣਵੀਰ ਸਿੰਘ, ਅਨਿਲ ਕਪੂਰ, ਜੈਕੀ ਸ਼ਰਾਫ, ਸਲਮਾਨ ਖਾਨ, ਆਮਿਰ ਖਾਨ, ਸਲੀਮ ਖਾਨ ਅਤੇ ਸ਼ਾਹਰੁਖ ਖਾਨ ਸਮੇਤ ਕਈ ਹੋਰ ਲੋਕ ਸ਼ਾਮਲ ਹੋਏ ਸਨ।