Dharmendra Death: ਧਰਮਿੰਦਰ ਦੇ ਜਾਣ ਨਾਲ ਟੁੱਟੇ Salman Khan, ਭਾਈਜਾਨ ਨੂੰ ਆਪਣਾ ਤੀਜਾ ਪੁੱਤਰ ਕਹਿੰਦੇ ਸਨ ਹੀ-ਮੈਨ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਧਰਮਿੰਦਰ ਦਾ ਦੇਹਾਂਤ (Dharmendra Passes Away) ਹੋ ਗਿਆ ਹੈ। ਧਰਮਿੰਦਰ ਦੇ ਦੇਹਾਂਤ ਨੇ ਸਾਰਿਆਂ ਨੂੰ ਸਦਮੇ ਵਿੱਚ ਪਾ ਦਿੱਤਾ ਹੈ। ਇਸ ਦੌਰਾਨ ਅਦਾਕਾਰ ਸਲਮਾਨ ਖਾਨ (Salman Khan) ਵੀ ਆਪਣੇ ਕਰੀਬੀ ਤੇ ਪਿਆਰੇ ਧਰਮਿੰਦਰ ਦੇ ਅੰਤਿਮ ਸੰਸਕਾਰ ਵਿੱਚ ਪਹੁੰਚੇ। ਸਲਮਾਨ ਨੂੰ ਕਾਰ ਵਿੱਚ ਬੈਠਾ ਦੇਖਿਆ ਗਿਆ ਅਤੇ ਉਨ੍ਹਾਂ ਦੇ ਚਿਹਰੇ 'ਤੇ ਉਦਾਸੀ ਸਾਫ਼ ਦਿਖਾਈ ਦੇ ਰਹੀ ਸੀ। ਪਹਿਲਾਂ ਨਵੰਬਰ ਦੇ ਸ਼ੁਰੂ ਵਿੱਚ ਜਦੋਂ ਧਰਮਿੰਦਰ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ ਤਾਂ ਸਲਮਾਨ ਖਾਨ ਸਭ ਤੋਂ ਪਹਿਲਾਂ ਉਨ੍ਹਾਂ ਨੂੰ ਮਿਲਣ ਆਏ ਸਨ।

#WATCH | Actor Salman Khan arrives at Vile Parle Crematorium in Mumbai. An official statement from veteran actor Dharmendra's family is awaited.

In a social media post, film director Karan Johar has penned an emotional note for veteran actor Dharmendra. pic.twitter.com/fN7ovVt9DO

— ANI (@ANI) November 24, 2025

ਧਰਮਿੰਦਰ ਤੇ ਸਲਮਾਨ ਖਾਨ ਵਿੱਚ ਬਹੁਤ ਨੇੜਲਾ ਰਿਸ਼ਤਾ ਸੀ। ਧਰਮਿੰਦਰ ਅਕਸਰ ਕਈ ਮੌਕਿਆਂ 'ਤੇ ਜ਼ਿਕਰ ਕਰਦੇ ਸਨ ਕਿ ਸਲਮਾਨ ਉਨ੍ਹਾਂ ਦਾ ਤੀਜਾ ਪੁੱਤਰ ਸੀ। ਇਸ ਦਾ ਇੱਕ ਪੁਰਾਣਾ ਵੀਡੀਓ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।

ਧਰਮਿੰਦਰ ਨੇ ਸਲਮਾਨ ਖਾਨ ਦੇ ਸ਼ੋਅ, ਬਿੱਗ ਬੌਸ ਵਿੱਚ ਇੱਕ ਵਿਸ਼ੇਸ਼ ਪੇਸ਼ਕਾਰੀ ਕੀਤੀ। ਇਸਦੀ ਇੱਕ ਵੀਡੀਓ ਹੁਣ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ਵਿੱਚ, ਧਰਮਿੰਦਰ ਨੇ ਸਲਮਾਨ ਵੱਲ ਵੇਖਦੇ ਹੋਏ ਕਿਹਾ, "ਤੁਸੀਂ ਬਿਲਕੁਲ ਮੇਰੇ ਵਰਗੇ ਹੋ।" ਇਹ ਸੁਣ ਕੇ, ਸਲਮਾਨ ਦਾ ਚਿਹਰਾ ਮੁਸਕਰਾਹਟ ਨਾਲ ਚਮਕ ਉੱਠਿਆ। ਸ਼ਾਇਦ ਇਸੇ ਲਈ ਸਲਮਾਨ ਹਮੇਸ਼ਾ ਧਰਮਿੰਦਰ ਪ੍ਰਤੀ ਭਾਵੁਕ ਰਹੇ ਹੈ ਅਤੇ ਉਹ ਭਾਵਨਾਤਮਕ ਸਬੰਧ ਸਾਫ਼ ਦਿਖਾਈ ਦੇ ਰਿਹਾ ਸੀ।

ਜਦੋਂ ਧਰਮਿੰਦਰ ਨੇ ਸਲਮਾਨ ਨੂੰ ਦੱਸਿਆ ਆਪਣਾ ਤੀਜਾ ਪੁੱਤਰ

ਇਸ ਤੋਂ ਇਲਾਵਾ, ਇੱਕ ਹੋਰ ਵੀਡੀਓ ਵਾਇਰਲ ਹੋਇਆ, ਜਿਸ ਵਿੱਚ ਧਰਮਿੰਦਰ ਦੇ ਨਾਲ ਬੌਬੀ ਦਿਓਲ ਨਜ਼ਰ ਆ ਰਹੇ ਹਨ। ਕਲਿੱਪ ਵਿੱਚ ਧਰਮਿੰਦਰ ਨੂੰ ਸਲਮਾਨ ਨਾਲ ਆਪਣੇ ਰਿਸ਼ਤੇ ਬਾਰੇ ਗੱਲ ਕਰਦੇ ਹੋਏ ਦਿਖਾਇਆ ਗਿਆ, ਜਿਸ ਵਿੱਚ ਉਹ ਕਹਿੰਦੇ ਹਨ ਕਿ, "ਉਂਝ ਮੈਂ ਤਾਂ ਕਹਾਂਗਾ, ਇਹ ਮੇਰਾ ਪੁੱਤਰ ਹੈ। ਮੇਰੇ ਤਿੰਨ ਪੁੱਤਰ ਹਨ - ਤਿੰਨੋਂ ਜਜ਼ਬਾਤੀ ਨੇ।" ਫਿਰ ਸਲਮਾਨ ਖਾਨ ਵੱਲ ਦੇਖ ਕੇ ਉਨ੍ਹਾਂ ਨੇ ਕਿਹਾ: "ਪਰ ਇਹ ਮੇਰੇ 'ਤੇ ਥੋੜ੍ਹਾ ਜ਼ਿਆਦਾ ਗਿਆ ਹੈ। ਕਿਉਂਕਿ ਇਹ ਮੇਰੀ ਤਰ੍ਹਾਂ ਰੰਗੀਨ ਮਿਜ਼ਾਜ ਦਾ ਹੈ ਅਤੇ ਠੁਮਕੇ ਵੀ ਲਾਉਂਦਾ ਹੈ।" ਉਨ੍ਹਾਂ ਦੀ ਇਹ ਗੱਲ ਸੁਣ ਕੇ ਕੋਲ ਖੜ੍ਹੇ ਬੌਬੀ ਹੱਸਣ ਲੱਗ ਜਾਂਦੇ ਹਨ ਜਿਵੇਂ ਉਹ ਵੀ ਇਸ ਗੱਲ 'ਤੇ ਇੱਕ ਤਰ੍ਹਾਂ ਨਾਲ ਸਹਿਮਤੀ ਪ੍ਰਗਟ ਕਰ ਰਹੇ ਹੋਣ।