ਪੈਪਰਾਜ਼ੀ ਨੂੰ Jaya Bachchan ਨੇ ਕਿਹਾ ਸੀ 'ਗੰਦੀਆਂ ਪੈਂਟਾਂ ਪਾਉਣ ਵਾਲੇ', ਹੁਣ ਦਰਜ ਹੋਵੇਗੀ ਸ਼ਿਕਾਇਤ... ਬੱਚਨ ਪਰਿਵਾਰ ਦਾ ਵੀ ਬਾਈਕਾਟ!

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਅਦਾਕਾਰਾ ਤੇ ਸੰਸਦ ਮੈਂਬਰ ਜਯਾ ਬੱਚਨ (Jaya Bachchan) ਵਿਵਾਦਾਂ ਵਿੱਚ ਨਾ ਰਹਿਣ ਅਜਿਹਾ ਭਲਾ ਕਿਵੇਂ ਹੋ ਸਕਦਾ ਹੈ। ਅਕਸਰ ਜਯਾ ਬੱਚਨ ਆਪਣੇ ਤਿੱਖੇ ਬਿਆਨਾਂ ਕਾਰਨ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਹੁਣ ਤੱਕ ਤੁਸੀਂ ਜਯਾ ਬੱਚਨ ਦਾ ਪੈਪਰਾਜ਼ੀ 'ਤੇ ਗੁੱਸਾ ਕਈ ਵਾਰ ਦੇਖਿਆ ਹੋਵੇਗਾ ਪਰ ਇਸ ਵਾਰ ਹੱਦ ਉਦੋਂ ਹੋ ਗਈ ਜਦੋਂ ਜਯਾ ਬੱਚਨ ਨੇ ਪੈਪਰਾਜ਼ੀ ਨੂੰ ਬਹੁਤ ਕੁਝ ਕਿਹਾ। ਜਿਸ ਤੋਂ ਬਾਅਦ ਹੁਣ ਇਹ ਵਿਵਾਦ ਡੂੰਘਾ ਹੁੰਦਾ ਜਾ ਰਿਹਾ ਹੈ ਅਤੇ ਇਸ ਵਿਵਾਦ ਵਿੱਚ ਇੱਕ ਨਵਾਂ ਮੋੜ ਆਇਆ ਹੈ।

ਜਯਾ ਬੱਚਨ ਖਿਲਾਫ਼ ਹੋਵੇਗੀ ਸ਼ਿਕਾਇਤ!

ਦਰਅਸਲ ਜਯਾ ਬੱਚਨ ਨੇ ਪਿਛਲੇ ਦਿਨੀਂ ਪੈਪਰਾਜ਼ੀ (Jaya Bachchan Paparazzi) ਨੂੰ 'ਗੰਦੀਆਂ ਪੈਂਟਾਂ ਪਾਉਣ ਵਾਲੇ' ਅਤੇ ਪਤਾ ਨਹੀਂ ਕੀ-ਕੀ ਕਿਹਾ ਸੀ।

ਇਸ ਤੋਂ ਬਾਅਦ ਕਈ ਫੋਟੋਗ੍ਰਾਫੀ ਤੇ ਵੀਡੀਓ ਏਜੰਸੀਆਂ ਇਸ ਤੋਂ ਨਾਰਾਜ਼ ਹਨ। ਉਨ੍ਹਾਂ ਨੇ ਜਯਾ ਦੇ ਬਿਆਨ ਦੀ ਸਖ਼ਤ ਨਿੰਦਾ ਕੀਤੀ ਹੈ ਅਤੇ ਕਿਹਾ ਹੈ ਕਿ ਆਖ਼ਰਕਾਰ ਉਨ੍ਹਾਂ ਨੂੰ ਇਹ ਹੱਕ ਕਿਸ ਨੇ ਦਿੱਤਾ ਕਿ ਉਹ ਪੈਪਰਾਜ਼ੀ ਨੂੰ ਨੀਵਾਂ ਦਿਖਾਉਣ। ਹੁਣ ਇਸੇ 'ਤੇ ਇੱਕ ਹੋਰ ਨਵਾਂ ਵਿਵਾਦ ਹੋਇਆ ਹੈ। ਦਰਅਸਲ ਪੈਪਰਾਜ਼ੀ ਤੇ ਫੋਟੋਗ੍ਰਾਫ਼ਰਾਂ ਨੇ ਇਹ ਤੈਅ ਕੀਤਾ ਹੈ ਕਿ ਉਹ ਜਯਾ ਬੱਚਨ ਅਤੇ ਪੂਰੇ ਬੱਚਨ ਪਰਿਵਾਰ ਨੂੰ ਬਾਈਕਾਟ ਕਰਨਗੇ।

'ਮਿਡ ਡੇ' ਵਿੱਚ ਛਪੀ ਖ਼ਬਰ ਮੁਤਾਬਕ ਬਾਲੀਵੁੱਡ ਦੀਆਂ ਕੁਝ ਪੈਪਰਾਜ਼ੀ ਏਜੰਸੀਆਂ ਜਯਾ ਬੱਚਨ ਦੇ ਖਿਲਾਫ਼ ਸਿਨੇ ਐਂਡ ਟੀਵੀ ਆਰਟਿਸਟਸ ਐਸੋਸੀਏਸ਼ਨ (CINTAA) ਵਿੱਚ ਇੱਕ ਰਸਮੀ ਸ਼ਿਕਾਇਤ ਦਰਜ ਕਰਨ ਦੀ ਤਿਆਰੀ ਕਰ ਰਹੀਆਂ ਹਨ।

ਦੱਸਿਆ ਜਾ ਰਿਹਾ ਹੈ ਕਿ ਉਹ ਆਪਣੀ ਅਧਿਕਾਰਤ ਸ਼ਿਕਾਇਤ ਸੌਂਪਣ ਤੋਂ ਪਹਿਲਾਂ ਆਪਸ ਵਿੱਚ ਗੱਲਬਾਤ ਕਰ ਰਹੇ ਹਨ। ਹਾਲਾਂਕਿ, ਅਜੇ ਸ਼ਿਕਾਇਤ ਦਰਜ ਹੋਈ ਹੈ ਜਾਂ ਨਹੀਂ, ਇਸਦੀ ਕੋਈ ਜਾਣਕਾਰੀ ਨਹੀਂ ਆਈ ਹੈ, ਪਰ ਹਾਂ ਜਲਦ ਹੀ ਹੋ ਸਕਦੀ ਹੈ।

ਜਯਾ ਬੱਚਨ ਤੋਂ ਨਾਰਾਜ਼ ਹੈ ਪੈਪਰਾਜ਼ੀ ਕੰਪਨੀਆਂ

ਜਯਾ ਬੱਚਨ ਨੇ ਜੋ ਬਿਆਨ ਦਿੱਤਾ, ਉਸ ਨਾਲ ਪੈਪਰਾਜ਼ੀ ਕੰਪਨੀਆਂ ਕਾਫ਼ੀ ਨਾਰਾਜ਼ ਹਨ। ਜਯਾ ਨੇ ਉਨ੍ਹਾਂ ਦੇ ਸੱਭਿਆਚਾਰ ਦੇ ਨਾਲ-ਨਾਲ ਉਨ੍ਹਾਂ ਦੀ ਪਰਵਰਿਸ਼ 'ਤੇ ਵੀ ਸਵਾਲ ਖੜ੍ਹਾ ਕਰ ਦਿੱਤਾ। ਜਯਾ ਨੇ ਉਨ੍ਹਾਂ ਦੇ ਪਿਛੋਕੜ ਪਹਿਰਾਵੇ ਦੇ ਨਾਲ-ਨਾਲ ਕਈ ਬਾਕੀ ਚੀਜ਼ਾਂ 'ਤੇ ਸਵਾਲ ਖੜ੍ਹਾ ਕਰ ਦਿੱਤਾ, ਜਿਸ ਨਾਲ ਉਨ੍ਹਾਂ ਨੂੰ ਅਪਮਾਨਿਤ ਮਹਿਸੂਸ ਹੋਇਆ। ਇਸੇ ਦੇ ਬਾਅਦ ਹੁਣ ਜਯਾ ਨੂੰ ਬਾਈਕਾਟ ਕਰਨ ਦੀ ਤਿਆਰੀ ਕੀਤੀ ਗਈ ਹੈ ਅਤੇ ਨਾਲ ਹੀ ਸ਼ਿਕਾਇਤ ਵੀ ਦਰਜ ਕਰਵਾਉਣ ਦੀ ਗੱਲ ਕਹੀ ਜਾ ਰਹੀ ਹੈ।

ਜਯਾ ਬੱਚਨ ਦਾ ਵਿਵਾਦਿਤ ਬਿਆਨ: 'ਵੀ ਦ ਵੀਮੈਨ' ਈਵੈਂਟ ਵਿੱਚ ਜਯਾ ਬੱਚਨ ਨੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਪੈਪ ਕਲਚਰ ਬਿਲਕੁਲ ਪਸੰਦ ਨਹੀਂ ਹੈ। ਉਨ੍ਹਾਂ ਨੇ ਕਿਹਾ ਸੀ ਕਿ ਉਹ ਮੀਡੀਆ ਦਾ ਸਨਮਾਨ ਕਰਦੀ ਹੈ ਪਰ ਪੈਪਰਾਜ਼ੀ ਨਾਲ ਉਨ੍ਹਾਂ ਦਾ ਰਿਸ਼ਤਾ ਜ਼ੀਰੋ ਹੈ।

ਇਸਦੇ ਨਾਲ ਹੀ ਜਯਾ ਨੇ ਤਿੱਖੇ ਅਤੇ ਅਪਮਾਨਜਨਕ ਸ਼ਬਦਾਂ ਦੀ ਵਰਤੋਂ ਕੀਤੀ ਅਤੇ ਕਿਹਾ, "ਮਗਰ ਇਹ ਜੋ ਬਾਹਰ ਡਰੇਨ ਪਾਈਪ ਟਾਈਟ ਗੰਦੇ-ਗੰਦੇ ਪੈਂਟ ਪਹਿਨ ਕੇ, ਹੱਥ ਵਿੱਚ ਮੋਬਾਈਲ ਲੈ ਕੇ, ਉਹ ਸੋਚਦੇ ਹਨ ਕਿ ਤੁਹਾਡੀਆਂ ਫੋਟੋਆਂ ਖਿੱਚ ਸਕਦੇ ਹਨ ਅਤੇ ਜੋ ਮਨ ਆਉਂਦਾ ਹੈ ਕਹਿੰਦੇ ਹਨ। ਉਹ ਕਿਸ ਤਰ੍ਹਾਂ ਦੇ ਕਮੈਂਟਸ ਪਾਸ ਕਰਦੇ ਹਨ। ਇਹ ਕਿਵੇਂ ਦੇ ਲੋਕ ਹਨ? ਕਿੱਥੋਂ ਆਉਂਦੇ ਹਨ? ਕਿਸ ਤਰ੍ਹਾਂ ਦੀ ਐਜੂਕੇਸ਼ਨ ਹੈ? ਕੀ ਬੈਕਗ੍ਰਾਊਂਡ ਹੈ?" ਇਸ ਤੋਂ ਬਾਅਦ ਤੋਂ ਮਾਮਲਾ ਵਧਦਾ ਜਾ ਰਿਹਾ ਹੈ।