ਨਾ ਪ੍ਰਕਾਸ਼ ਕੌਰ, ਨਾ ਹੇਮਾ ਮਾਲਿਨੀ... ਵੰਡ ਵੇਲੇ ਵਿਛੜਿਆ ਧਰਮਿੰਦਰ ਦਾ ਪਹਿਲਾ ਪਿਆਰ, ਪੁੱਤਰ ਦੇ ਸਾਹਮਣੇ ਕਬੂਲੀ ਸੀ ਮੁਹੱਬਤ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਸਿਨੇਮਾ ਜਗਤ ਦੇ 'ਹੀ-ਮੈਨ' ਧਰਮਿੰਦਰ (Dharmendra) ਆਪਣੀ ਨਿੱਜੀ ਜ਼ਿੰਦਗੀ ਕਾਰਨ ਅਕਸਰ ਸੁਰਖੀਆਂ ਵਿੱਚ ਰਹੇ ਹਨ। ਫਿਲਮੀ ਗਲਿਆਰਿਆਂ ਵਿੱਚ ਉਨ੍ਹਾਂ ਦੇ ਦੋ ਵਿਆਹਾਂ ਅਤੇ ਅਫੇਅਰਾਂ ਦੀਆਂ ਖੂਬ ਚਰਚਾਵਾਂ ਹੋਈਆਂ ਹਨ। ਪਰ ਸ਼ਾਇਦ ਹੀ ਤੁਹਾਨੂੰ ਪਤਾ ਹੋਵੇਗਾ ਕਿ ਧਰਮਿੰਦਰ ਦਾ ਪਹਿਲਾ ਪਿਆਰ ਕੌਣ ਸੀ।

ਜੇਕਰ ਤੁਹਾਨੂੰ ਲੱਗ ਰਿਹਾ ਹੈ ਕਿ ਧਰਮਿੰਦਰ ਦਾ ਪਹਿਲਾ ਪਿਆਰ ਉਨ੍ਹਾਂ ਦੀ ਪਤਨੀ ਪ੍ਰਕਾਸ਼ ਕੌਰ (Prakash Kaur) ਜਾਂ ਦੂਜੀ ਪਤਨੀ ਹੇਮਾ ਮਾਲਿਨੀ (Hema Malini) ਹਨ ਤਾਂ ਤੁਸੀਂ ਗਲਤ ਹੋ। ਨਾ ਪ੍ਰਕਾਸ਼ ਤੇ ਨਾ ਹੀ ਹੇਮਾ ਉਹ ਔਰਤ ਹਨ ਜਿਸ 'ਤੇ ਧਰਮਿੰਦਰ ਪਹਿਲੀ ਵਾਰ ਆਪਣਾ ਦਿਲ ਹਾਰ ਬੈਠੇ ਸਨ।

ਸਕੂਲ ਵਿੱਚ ਮਿਲਿਆ ਸੀ ਧਰਮਿੰਦਰ ਦਾ ਪਹਿਲਾ ਪਿਆਰ

ਧਰਮਿੰਦਰ ਨੇ ਇੱਕ ਵਾਰ ਖੁਲਾਸਾ ਕੀਤਾ ਸੀ ਕਿ ਉਨ੍ਹਾਂ ਦਾ ਪਹਿਲਾ ਪਿਆਰ ਕੋਈ ਹੋਰ ਹੈ ਜੋ 1947 ਵਿੱਚ ਵੰਡ (Partition) ਕਾਰਨ ਵੱਖ ਹੋ ਗਈ ਸੀ। ਉਨ੍ਹਾਂ ਨੂੰ ਸਕੂਲ ਦੇ ਸਮੇਂ ਆਪਣੀ ਸਕੂਲ ਟੀਚਰ ਦੀ ਧੀ ਨਾਲ ਇਸ਼ਕ ਹੋਇਆ ਸੀ। ਉਨ੍ਹਾਂ ਦਾ ਨਾਂ ਹਮੀਦਾ ਸੀ। ਧਰਮਿੰਦਰ ਨੇ ਸਲਮਾਨ ਖਾਨ ਦੇ ਸ਼ੋਅ 'ਦਸ ਕਾ ਦਮ' ਵਿੱਚ ਆਪਣੇ ਪਹਿਲੇ ਪਿਆਰ ਬਾਰੇ ਦੱਸਿਆ ਸੀ। ਉਸ ਸਮੇਂ ਅਭਿਨੇਤਾ ਦੇ ਨਾਲ ਉਨ੍ਹਾਂ ਦੇ ਛੋਟੇ ਬੇਟੇ ਬੌਬੀ ਦਿਓਲ (Bobby Deol) ਵੀ ਮੌਜੂਦ ਸਨ।

ਸਕੂਲ ਵਿੱਚ ਧਰਮਿੰਦਰ ਤੋਂ ਸੀ ਸੀਨੀਅਰ

ਇੱਕ ਸ਼ਾਇਰੀ ਰਾਹੀਂ ਧਰਮਿੰਦਰ ਨੇ ਆਪਣੀ ਪਹਿਲੀ ਮੁਹੱਬਤ ਦਾ ਜ਼ਿਕਰ ਕੀਤਾ ਸੀ। ਉਨ੍ਹਾਂ ਕਿਹਾ ਸੀ, "ਹਮ ਮਨ ਹੀ ਮਨ ਮੇਂ ਕਹਤੇ ਰਹਤੇ ਥੇ। ਠੰਡੀ ਆਹੇਂ ਭਰਤੇ ਰਹਤੇ ਥੇ। ਸਾਮਨੇ ਵਾਲੀ ਕੋ ਮਾਲੂਮ ਹੀ ਨਹੀਂ ਥਾ।" ਲੜਕੀ, ਧਰਮਿੰਦਰ ਤੋਂ ਵੱਡੀ ਸੀ। ਉਸ ਸਮੇਂ ਉਹ ਛੇਵੀਂ ਜਮਾਤ ਵਿੱਚ ਸਨ ਜਦੋਂ ਕਿ ਲੜਕੀ ਅੱਠਵੀਂ ਵਿੱਚ ਪੜ੍ਹਦੀ ਸੀ।

'ਦਸ ਕਾ ਦਮ' ਸ਼ੋਅ ਵਿੱਚ ਧਰਮਿੰਦਰ ਨੇ ਕਿਹਾ ਸੀ, "ਮੈਂ ਛੋਟਾ ਸੀ, ਮੇਰੀ ਉਮਰ ਮਾਸੂਮ ਸੀ। ਉਹ ਕੀ ਸੀ, ਪਤਾ ਨਹੀਂ। ਪਾਸ ਜਾਣ ਕੋ ਜਿਸਕੇ, ਸਾਥ ਬੈਠਨੇ ਕੋ ਜਿਸਕੇ ਜੀ ਚਾਹਤਾ ਥਾ, ਵੋ ਤਾਲੀਬਾ (ਵਿਦਿਆਰਥਣ) ਅੱਠਵੀਂ ਦੀ ਸੀ, ਮੈਂ ਛੇਵੀਂ ਦਾ ਸੀ। ਸਾਡੇ ਸਕੂਲ ਟੀਚਰ ਦੀ ਬੇਟੀ ਸੀ, ਨਾਮ ਹਮੀਦਾ ਸੀ।"

ਵੰਡ ਵਿੱਚ ਵਿਛੜਿਆ ਧਰਮਿੰਦਰ ਦਾ ਪਿਆਰ

ਧਰਮਿੰਦਰ ਨੇ ਕਦੇ ਵੀ ਹਮੀਦਾ ਨਾਲ ਆਪਣੇ ਪਿਆਰ ਦਾ ਇਜ਼ਹਾਰ ਨਹੀਂ ਕੀਤਾ ਸੀ। ਉਹ ਆਪਣੇ ਪਰਿਵਾਰ ਦੇ ਨਾਲ ਵੰਡ ਤੋਂ ਬਾਅਦ ਪਾਕਿਸਤਾਨ ਚਲੀ ਗਈ ਸੀ। ਇਸ ਤੋਂ ਬਾਅਦ ਦੋਵੇਂ ਕਦੇ ਨਹੀਂ ਮਿਲੇ।

ਧਰਮਿੰਦਰ ਨੇ ਸ਼ਾਇਰੀ ਦੇ ਅੰਦਾਜ਼ ਵਿੱਚ ਕਿਹਾ ਸੀ, "ਯੂੰ ਹੀਂ ਮੁਸਕੁਰਾ ਦੇਤੀ, ਮੈਂ ਪਾਸ ਚਲਾ ਜਾਤਾ। ਵੋ ਖਾਮੋਸ਼ ਰਹਤੀ, ਮੈਂ ਸਿਰ ਝੁਕਾ ਦੇਤਾ। ਵੋ ਪੂਛਤੀ ਕੁਛ ਔਰ ਥੀ, ਮੈਂ ਕਹਿ ਕੁਛ ਔਰ ਜਾਤਾ ਥਾ। ਵੋ ਕਹਿਤੀ- ਉਦਾਸ ਮਤ ਹੋ ਧਰਮ। ਅਭੀ ਵਕਤ ਹੈ, ਤੇਰੇ ਇਮਤਿਹਾਨ ਮੇਂ ਸਬ ਠੀਕ ਹੋ ਜਾਏਗਾ। ਕਹਿ ਕਰ ਚਲੀ ਜਾਤੀ, ਮੈਂ ਦੇਖਤਾ ਰਹਤਾ। ਵੋ ਓਝਲ ਹੋ ਜਾਤੀ। ਮੈਂ ਸੋਚਤਾ ਰਹਤਾ। ਸਵਾਲ ਕਿਆ ਹੈ ਯਾਰ?"