ਟਰੰਪ ਸਰਕਾਰ ਨੇ 2025 ’ਚ 1 ਲੱਖ ਤੋਂ ਵੱਧ ਵੀਜ਼ੇ ਕੀਤੇ ਰੱਦ; ਵਿਦਿਆਰਥੀਆਂ ਤੇ ਕਾਮਿਆਂ 'ਤੇ ਕਿੰਨਾ ਪਿਆ ਅਸਰ?
ਅਮਰੀਕਾ ਨੇ ਸਾਲ 2025 ਵਿੱਚ ਇੱਕ ਲੱਖ ਤੋਂ ਵੱਧ ਵੀਜ਼ੇ ਰੱਦ ਕਰ ਦਿੱਤੇ ਹਨ। ਇਹ ਗਿਣਤੀ ਹੁਣ ਤੱਕ ਦੀ ਸਭ ਤੋਂ ਵੱਧ ਹੈ ਅਤੇ ਟਰੰਪ ਪ੍ਰਸ਼ਾਸਨ ਦੀ ਸਖ਼ਤ ਇਮੀਗ੍ਰੇਸ਼ਨ ਨੀਤੀ ਦਾ ਨਤੀਜਾ ਹੈ। ਇਸ ਵਿੱਚ ਲਗਪਗ 8,000 ਵਿਦਿਆਰਥੀ ਵੀਜ਼ਾ ਅਤੇ 2,500 ਵਿਸ਼ੇਸ਼ ਵਰਕ ਵੀਜ਼ਾ (Specialized Work Visa) ਸ਼ਾਮਲ ਹਨ। ਸਟੇਟ ਡਿਪਾਰਟਮੈਂਟ ਨੇ ਕਿਹਾ ਹੈ ਕਿ ਇਹ ਕਦਮ ਉਨ੍ਹਾਂ ਵਿਦੇਸ਼ੀ ਨਾਗਰਿਕਾਂ ਦੇ ਖ਼ਿਲਾਫ਼ ਚੁੱਕਿਆ ਗਿਆ ਹੈ ਜੋ ਨਿਯਮਾਂ ਦੀ ਉਲੰਘਣਾ ਕਰ ਰਹੇ ਹਨ।
Posted By Anuradha Bains
Publish Date: Tue, 13 Jan 2026 12:08 PM (IST)
Updated Date: Tue, 13 Jan 2026 12:11 PM (IST)
ਡਿਜੀਟਲ ਡੈਸਕ, ਨਵੀਂ ਦਿੱਲੀ। ਅਮਰੀਕਾ ਨੇ ਸਾਲ 2025 ਵਿੱਚ ਇੱਕ ਲੱਖ ਤੋਂ ਵੱਧ ਵੀਜ਼ੇ ਰੱਦ ਕਰ ਦਿੱਤੇ ਹਨ। ਇਹ ਗਿਣਤੀ ਹੁਣ ਤੱਕ ਦੀ ਸਭ ਤੋਂ ਵੱਧ ਹੈ ਅਤੇ ਟਰੰਪ ਪ੍ਰਸ਼ਾਸਨ ਦੀ ਸਖ਼ਤ ਇਮੀਗ੍ਰੇਸ਼ਨ ਨੀਤੀ ਦਾ ਨਤੀਜਾ ਹੈ। ਇਸ ਵਿੱਚ ਲਗਪਗ 8,000 ਵਿਦਿਆਰਥੀ ਵੀਜ਼ਾ ਅਤੇ 2,500 ਵਿਸ਼ੇਸ਼ ਵਰਕ ਵੀਜ਼ਾ (Specialized Work Visa) ਸ਼ਾਮਲ ਹਨ। ਸਟੇਟ ਡਿਪਾਰਟਮੈਂਟ ਨੇ ਕਿਹਾ ਹੈ ਕਿ ਇਹ ਕਦਮ ਉਨ੍ਹਾਂ ਵਿਦੇਸ਼ੀ ਨਾਗਰਿਕਾਂ ਦੇ ਖ਼ਿਲਾਫ਼ ਚੁੱਕਿਆ ਗਿਆ ਹੈ ਜੋ ਨਿਯਮਾਂ ਦੀ ਉਲੰਘਣਾ ਕਰ ਰਹੇ ਹਨ।
ਟਰੰਪ ਪ੍ਰਸ਼ਾਸਨ ਨੇ ਇਸ ਨੂੰ 'ਅਮਰੀਕਾ ਫਸਟ' (America First) ਦੀ ਨੀਤੀ ਦਾ ਹਿੱਸਾ ਦੱਸਿਆ ਹੈ। ਸਟੇਟ ਡਿਪਾਰਟਮੈਂਟ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤਾ, "ਅਸੀਂ ਇਨ੍ਹਾਂ ਗੁੰਡਿਆਂ ਨੂੰ ਡਿਪੋਰਟ ਕਰਨਾ ਜਾਰੀ ਰੱਖਾਂਗੇ ਤਾਂ ਜੋ ਅਮਰੀਕਾ ਸੁਰੱਖਿਅਤ ਰਹੇ।" ਇਹ ਕਾਰਵਾਈ ਅਪਰਾਧ, ਵੀਜ਼ਾ ਦੀ ਮਿਆਦ ਖ਼ਤਮ ਹੋਣ ਤੋਂ ਬਾਅਦ ਵੀ ਰਹਿਣ (Visa Overstay) ਅਤੇ ਜਨਤਕ ਸੁਰੱਖਿਆ ਲਈ ਖਤਰਾ ਪੈਦਾ ਕਰਨ ਵਾਲੇ ਲੋਕਾਂ 'ਤੇ ਕੇਂਦਰਿਤ ਹੈ।
ਰਿਕਾਰਡ ਤੋੜ ਗਿਣਤੀ ’ਚ ਵੀਜ਼ੇ ਹੋਏ ਰੱਦ
2025 ਵਿੱਚ ਰੱਦ ਹੋਏ ਵੀਜ਼ਿਆਂ ਦੀ ਗਿਣਤੀ 2024 ਦੇ ਮੁਕਾਬਲੇ ਦੁੱਗਣੀ ਤੋਂ ਵੀ ਜ਼ਿਆਦਾ ਹੈ। ਪਿਛਲੇ ਸਾਲ ਜੋ ਬਾਈਡੇਨ ਪ੍ਰਸ਼ਾਸਨ ਦੇ ਆਖਰੀ ਸਾਲ ਵਿੱਚ ਲਗਭਗ 40,000 ਵੀਜ਼ੇ ਰੱਦ ਹੋਏ ਸਨ। ਫਾਕਸ ਨਿਊਜ਼ (Fox News) ਦੀ ਰਿਪੋਰਟ ਮੁਤਾਬਕ, ਇਹ ਅੰਕੜਾ ਰਿਕਾਰਡ ਪੱਧਰ 'ਤੇ ਪਹੁੰਚ ਗਿਆ ਹੈ। ਟਰੰਪ ਦੇ ਸੱਤਾ ਵਿੱਚ ਵਾਪਸੀ ਤੋਂ ਬਾਅਦ ਜਨਵਰੀ 2025 ਤੋਂ ਹੀ ਸਖ਼ਤ ਵੇਟਿੰਗ ਅਤੇ ਸਕ੍ਰੀਨਿੰਗ ਸ਼ੁਰੂ ਹੋ ਗਈ ਸੀ।
ਨਵੰਬਰ 2025 ਤੱਕ ਲਗਪਗ 80,000 ਵੀਜ਼ੇ ਰੱਦ ਹੋ ਚੁੱਕੇ ਸਨ, ਜੋ ਬਾਅਦ ਵਿੱਚ ਵਧ ਕੇ 1 ਲੱਖ ਤੋਂ ਪਾਰ ਚਲੇ ਗਏ। ਸਟੇਟ ਡਿਪਾਰਟਮੈਂਟ ਦੇ ਪ੍ਰਿੰਸੀਪਲ ਡਿਪਟੀ ਸਪੋਕਸਪਰਸਨ ਟੌਮੀ ਪਿਗੌਟ ਨੇ ਕਿਹਾ ਕਿ ਇਹ ਟਰੰਪ ਪ੍ਰਸ਼ਾਸਨ ਦੀ ਹਮਲਾਵਰ ਨੀਤੀ ਦਾ ਨਤੀਜਾ ਹੈ।
ਅਪਰਾਧ ਦੇ ਆਧਾਰ 'ਤੇ ਰੱਦ ਹੋਏ ਵੀਜ਼ੇ?
ਜ਼ਿਆਦਾਤਰ ਰੱਦ ਹੋਏ ਵੀਜ਼ੇ ਬਿਜ਼ਨਸ ਅਤੇ ਟੂਰਿਸਟ ਕੈਟੇਗਰੀ ਦੇ ਸਨ, ਜਿੱਥੇ ਲੋਕ ਵੀਜ਼ਾ ਦੀ ਮਿਆਦ ਖ਼ਤਮ ਹੋਣ ਤੋਂ ਬਾਅਦ ਵੀ ਉੱਥੇ ਰੁਕੇ ਹੋਏ ਸਨ। ਪਰ ਹਜ਼ਾਰਾਂ ਵਿਦਿਆਰਥੀਆਂ ਅਤੇ ਵਿਸ਼ੇਸ਼ ਕਾਮਿਆਂ (Specialized Workers) ਦੇ ਵੀਜ਼ੇ ਵੀ ਰੱਦ ਕੀਤੇ ਗਏ ਹਨ। ਵਿਸ਼ੇਸ਼ ਵਰਕ ਵੀਜ਼ਾ ਦੇ ਅੱਧੇ ਮਾਮਲਿਆਂ ਵਿੱਚ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦੇ ਦੋਸ਼ ਸਨ। ਉੱਥੇ ਹੀ 30 ਫੀਸਦੀ ਮਾਮਲਿਆਂ ਵਿੱਚ ਲੜਾਈ-ਝਗੜੇ , ਕੁੱਟਮਾਰ ਜਾਂ ਗੈਰ-ਕਾਨੂੰਨੀ ਹਿਰਾਸਤ ਦੇ ਕੇਸ ਸਨ।
ਬਾਕੀ 20 ਫੀਸਦੀ ਵਿੱਚ ਚੋਰੀ, ਬਾਲ ਸ਼ੋਸ਼ਣ, ਨਸ਼ੇ, ਧੋਖਾਧੜੀ ਅਤੇ ਗਬਨ ਵਰਗੇ ਦੋਸ਼ ਸਨ। ਵਿਦਿਆਰਥੀਆਂ ਦੇ ਮਾਮਲੇ ਵਿੱਚ ਲਗਪਗ 500 ਵਿਦਿਆਰਥੀਆਂ ਦੇ ਵੀਜ਼ੇ ਨਸ਼ੀਲੇ ਪਦਾਰਥ ਰੱਖਣ ਅਤੇ ਵੰਡਣ ਦੇ ਦੋਸ਼ ਵਿੱਚ ਰੱਦ ਕੀਤੇ ਗਏ ਹਨ। ਸੈਂਕੜੇ ਵਿਦੇਸ਼ੀ ਕਾਮਿਆਂ ਦੇ ਵੀਜ਼ੇ ਬੱਚਿਆਂ ਨਾਲ ਦੁਰਵਿਵਹਾਰ ਦੇ ਸ਼ੱਕ ਵਿੱਚ ਰੱਦ ਕੀਤੇ ਗਏ ਹਨ।
ਕੰਟੀਨਿਊਅਸ ਵੇਟਿੰਗ ਸੈਂਟਰ (Continuous Vetting Center) ਕੀ ਹੈ?
ਟਰੰਪ ਪ੍ਰਸ਼ਾਸਨ ਨੇ "ਕੰਟੀਨਿਊਅਸ ਵੇਟਿੰਗ ਸੈਂਟਰ" ਦੀ ਸ਼ੁਰੂਆਤ ਕੀਤੀ ਹੈ। ਇਸ ਦਾ ਮਕਸਦ ਇਹ ਹੈ ਕਿ ਅਮਰੀਕਾ ਵਿੱਚ ਮੌਜੂਦ ਹਰ ਵਿਦੇਸ਼ੀ ਨਾਗਰਿਕ ਕਾਨੂੰਨ ਦੀ ਪਾਲਣਾ ਕਰੇ। ਜੇਕਰ ਕੋਈ ਖਤਰਾ ਪੈਦਾ ਹੁੰਦਾ ਹੈ, ਤਾਂ ਉਸ ਦਾ ਵੀਜ਼ਾ ਤੁਰੰਤ ਰੱਦ ਕਰ ਦਿੱਤਾ ਜਾਵੇਗਾ। ਅਗਸਤ 2025 ਵਿੱਚ ਅਮਰੀਕਾ ਵਿੱਚ ਮੌਜੂਦ ਸਾਰੇ 5.5 ਕਰੋੜ (55 Million) ਵੈਧ ਵੀਜ਼ਾ ਧਾਰਕਾਂ ਦੀ ਸਮੀਖਿਆ ਸ਼ੁਰੂ ਕੀਤੀ ਗਈ ਸੀ।
ਦਸੰਬਰ 2025 ਤੋਂ H-1B ਅਤੇ H-4 ਵੀਜ਼ਾ ਅਪਲਾਈ ਕਰਨ ਵਾਲਿਆਂ ਦੀ ਸੋਸ਼ਲ ਮੀਡੀਆ ਜਾਂਚ ਵਧਾ ਦਿੱਤੀ ਗਈ ਹੈ। ਭਾਰਤ ਵਿੱਚ ਕਈ H-1B ਇੰਟਰਵਿਊ ਮੁਲਤਵੀ (Postpone) ਹੋ ਗਏ ਹਨ, ਜਿਸ ਕਾਰਨ ਲੋਕ ਮਹੀਨਿਆਂ ਤੱਕ ਉਡੀਕ ਵਿੱਚ ਫਸੇ ਰਹਿ ਗਏ ਹਨ।