ਫਿਰ ਸ਼ਰਮਸਾਰ ਹੋਇਆ ਪਾਕਿਸਤਾਨ, ਆਕਸਫੋਰਡ 'ਚ ਬਹਿਸ ਤੋਂ ਪਹਿਲਾਂ ਹੀ ਭੱਜਿਆ; ਭਾਰਤੀ ਨੇ ਖੋਲ੍ਹੀ ਪੋਲ

ਡਿਜੀਟਲ ਡੈਸਕ, ਨਵੀਂ ਦਿੱਲੀ : ਭਾਰਤ-ਪਾਕਿਸਤਾਨ ਵਿੱਚ ਇੱਕ ਵਾਰ ਫਿਰ ਦੋਸ਼-ਪ੍ਰਤੀ-ਦੋਸ਼ ਦਾ ਦੌਰ ਸ਼ੁਰੂ ਹੋ ਗਿਆ ਹੈ। ਇਸ ਵਾਰ ਦਾ ਕਾਰਨ ਬ੍ਰਿਟੇਨ ਵਿੱਚ ਆਕਸਫੋਰਡ ਯੂਨੀਅਨ ਦੀ ਬਹਿਸ (ਡਿਬੇਟ) ਦਾ ਰੱਦ ਹੋਣਾ ਹੈ। ਬਹਿਸ ਵਿੱਚ ਭਾਰਤ-ਪਾਕਿਸਤਾਨ ਨੀਤੀ 'ਤੇ ਚਰਚਾ ਹੋਣੀ ਸੀ। ਇਸ ਵਿੱਚ ਪਾਕਿਸਤਾਨ ਅਤੇ ਭਾਰਤ ਦੇ ਬੁਲਾਰਿਆਂ ਨੇ ਹਿੱਸਾ ਲੈਣਾ ਸੀ ਪਰ ਆਖਰੀ ਸਮੇਂ ਵਿੱਚ ਪਾਕਿਸਤਾਨੀ ਧਿਰ ਨੇ ਯੂ-ਟਰਨ ਲੈ ਲਿਆ ਅਤੇ ਸ਼ਾਮਲ ਨਹੀਂ ਹੋਈ।

ਦਰਅਸਲ, ਪਾਕਿਸਤਾਨ ਨੇ ਆਖਰੀ ਸਮੇਂ ਵਿੱਚ ਬਹਿਸ ਤੋਂ ਦੂਰੀ ਬਣਾ ਕੇ ਇਸਨੂੰ ਰੱਦ ਤਾਂ ਕਰਵਾ ਦਿੱਤਾ ਪਰ ਇਸ ਦਾ ਇਲਜ਼ਾਮ ਭਾਰਤ ਦੇ ਸਿਰ ਮੜ੍ਹ ਦਿੱਤਾ। ਪਾਕਿਸਤਾਨ ਹਾਈ ਕਮਿਸ਼ਨ ਨੇ ਅਫ਼ਵਾਹ ਫੈਲਾਈ ਕਿ ਭਾਰਤੀ ਬੁਲਾਰੇ 'ਵਿਸ਼ਵਾਸ ਦੀ ਘਾਟ' ਕਾਰਨ ਪਿੱਛੇ ਹਟੇ ਹਨ। ਜਿਸ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਭਾਰਤ ਦੇ ਬੁਲਾਰੇ ਸਾਈ ਦੀਪਕ ਨੇ ਸਾਹਮਣੇ ਆ ਕੇ ਸੱਚਾਈ ਦੱਸੀ ਅਤੇ ਈਮੇਲ-ਕਾਲ ਲੌਗ ਸਾਂਝੇ ਕਰਕੇ ਪਾਕਿਸਤਾਨ ਦੀ ਬੇਸ਼ਰਮੀ ਨੂੰ ਉਜਾਗਰ ਕੀਤਾ।

ਪਾਕਿਸਤਾਨ ਨੇ ਲਾਇਆ ਇਹ ਦੋਸ਼

ਦੱਸ ਦਈਏ ਕਿ ਇਸ ਬਹਿਸ ਵਿੱਚ ਹਿਨਾ ਰੱਬਾਨੀ ਖਾਰ ਪਾਕਿਸਤਾਨੀ ਪ੍ਰਤੀਨਿਧੀਆਂ ਵਿੱਚੋਂ ਇੱਕ ਸਨ। ਮਾਮਲੇ ਦਾ ਖੁਲਾਸਾ ਬ੍ਰਿਟੇਨ ਵਿੱਚ ਪਾਕਿਸਤਾਨ ਹਾਈ ਕਮਿਸ਼ਨ ਦੀ ਪੋਸਟ ਤੋਂ ਹੋਇਆ। ਜਿਸ ਵਿੱਚ ਭਾਰਤੀ ਬੁਲਾਰਿਆਂ 'ਤੇ ਬਹਿਸ ਤੋਂ ਪਿੱਛੇ ਹਟਣ ਦਾ ਦੋਸ਼ ਲਗਾਇਆ ਗਿਆ।

ਪਾਕਿਸਤਾਨ ਹਾਈ ਕਮਿਸ਼ਨ ਨੇ ਲਿਖਿਆ, 'ਪਾਕਿਸਤਾਨੀ ਬੁਲਾਰੇ ਪਹਿਲਾਂ ਹੀ ਲੰਡਨ ਪਹੁੰਚ ਚੁੱਕੇ ਸਨ ਅਤੇ ਅੱਜ ਉਨ੍ਹਾਂ ਨੇ ਆਕਸਫੋਰਡ ਜਾਣਾ ਸੀ। ਹਾਲਾਂਕਿ ਅੱਜ ਸਵੇਰੇ ਆਕਸਫੋਰਡ ਯੂਨੀਅਨ ਨੇ ਪ੍ਰਬੰਧਕਾਂ ਨੂੰ ਸੂਚਿਤ ਕੀਤਾ ਕਿ ਤਿੰਨਾਂ ਭਾਰਤੀ ਬੁਲਾਰਿਆਂ ਨੇ ਪ੍ਰੋਗਰਾਮ ਤੋਂ ਹਟਣ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਨੇ ਬਹਿਸ ਵਿੱਚ ਸ਼ਾਮਲ ਨਾ ਹੋਣ ਲਈ ਕੋਈ ਠੋਸ ਸਪੱਸ਼ਟੀਕਰਨ ਨਹੀਂ ਦਿੱਤਾ, ਜਿਸਦੀ ਉਨ੍ਹਾਂ ਨੇ ਪਹਿਲਾਂ ਪੁਸ਼ਟੀ ਕੀਤੀ ਸੀ।'

ਕੀ ਬੋਲੇ ਭਾਰਤੀ ਜੇ ਸਾਈ ਦੀਪਕ?

ਇੱਧਰ ਇਸ ਬਹਿਸ ਵਿੱਚ ਸ਼ਾਮਲ ਹੋਣ ਲਈ ਭਾਰਤ ਤੋਂ ਐਡਵੋਕੇਟ ਜੇ ਸਾਈ ਦੀਪਕ ਲੰਡਨ ਪਹੁੰਚੇ। ਉਨ੍ਹਾਂ ਦੇ ਨਾਲ ਯੂਕੇ ਵਿੱਚ ਰਹਿਣ ਵਾਲੇ ਐਕਟਿਵਿਸਟ ਮਨੂ ਖਜੂਰੀਆ ਅਤੇ ਪੰਡਿਤ ਸਤੀਸ਼ ਕੇ ਸ਼ਰਮਾ ਬਦਲਵੇਂ ਤੌਰ 'ਤੇ ਸ਼ਾਮਲ ਹੋਏ।

ਦੀਪਕ ਨੇ ਦੱਸਿਆ ਕਿ 27 ਨਵੰਬਰ ਦੀ ਦੁਪਹਿਰ ਅਸੀਂ ਤਿੰਨੇ ਬਹਿਸ ਵਿੱਚ ਜਾਣ ਲਈ ਤਿਆਰ ਸਨ ਪਰ ਇਸੇ ਦੌਰਾਨ ਪਤਾ ਲੱਗਾ ਕਿ ਪਾਕਿਸਤਾਨੀ ਟੀਮ ਬਹਿਸ ਵਿੱਚ ਨਹੀਂ ਉੱਤਰ ਰਹੀ ਹੈ।

ਪਾਕਿਸਤਾਨ ਹਾਈ ਕਮਿਸ਼ਨ ਦੀ ਪੋਸਟ ਦੀ ਆਲੋਚਨਾ ਕਰਦੇ ਹੋਏ ਦੀਪਕ ਨੇ ਲਿਖਿਆ, "ਵਿਸ਼ਵਾਸ ਕਰੋ ਕਿ ਪਾਕਿਸਤਾਨੀਆਂ ਨੇ ਆਕਸਫੋਰਡ ਯੂਨੀਅਨ ਨੂੰ ਵੀ ਸੂਰਾਂ ਦਾ ਵਾੜਾ ਬਣਾ ਦਿੱਤਾ ਹੈ। ਪਾਕਿਸਤਾਨੀ ਹਮੇਸ਼ਾ ਦੀ ਤਰ੍ਹਾਂ ਜੈਨੇਟਿਕ ਤੌਰ 'ਤੇ ਸੱਚ ਬੋਲਣ ਵਿੱਚ ਅਸਮਰੱਥ ਹਨ।"

ਡਿਨਰ ਤੋਂ ਪਹਿਲਾਂ ਆਇਆ ਫ਼ੋਨ

ਦੀਪਕ ਨੇ ਦੱਸਿਆ ਕਿ ਡਿਨਰ ਤੋਂ ਠੀਕ ਤਿੰਨ ਘੰਟੇ ਪਹਿਲਾਂ ਫੋਨ ਆਇਆ ਕਿ ਬਹਿਸ ਪ੍ਰੋਗਰਾਮ ਰੱਦ ਕਰ ਦਿੱਤਾ ਗਿਆ ਹੈ ਕਿਉਂਕਿ ਪਾਕਿਸਤਾਨੀ ਧਿਰ ਬ੍ਰਿਟੇਨ ਨਹੀਂ ਪਹੁੰਚੀ ਹੈ।

ਦੀਪਕ ਨੇ ਆਪਣੇ ਐਕਸ ਥ੍ਰੈਡ 'ਤੇ ਆਪਣਾ ਕਾਲ ਲੌਗ ਵੀ ਸਾਂਝਾ ਕੀਤਾ, ਜਿਸ ਤੋਂ ਪਤਾ ਚੱਲਿਆ ਕਿ ਉਨ੍ਹਾਂ ਨੂੰ ਪ੍ਰਬੰਧਕ ਮੂਸਾ ਹਰਰਾਜ ਦਾ ਫੋਨ ਆਇਆ ਸੀ, ਜੋ ਆਖਰੀ ਸਮੇਂ ਵਿੱਚ ਪ੍ਰੋਗਰਾਮ ਰੱਦ ਕਰਨ ਲਈ ਮਾਫ਼ੀ ਮੰਗ ਰਹੇ ਸਨ।

ਦੀਪਕ ਨੇ ਲਿਖਿਆ, 'ਇਸ ਬਹਿਸ ਲਈ ਜੋ ਸਮਾਂ ਅਤੇ ਮਿਹਨਤ ਲੱਗੀ ਸੀ, ਉਸ ਨੂੰ ਦੇਖਦੇ ਹੋਏ ਮੈਂ ਨਾਖੁਸ਼ ਸੀ। ਮੈਂ ਪ੍ਰੋਗਰਾਮ ਦੇ ਬਹੁਤ ਹੀ ਖਰਾਬ ਸੰਚਾਲਨ 'ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ।' ਉਨ੍ਹਾਂ ਕਿਹਾ ਕਿ ਪੂਰੇ ਇਵੈਂਟ ਵਿੱਚ ਬਹੁਤ ਖਰਾਬ ਮੈਨੇਜਮੈਂਟ ਸੀ।