OnePlus ਦਾ 9,000mAh ਬੈਟਰੀ ਵਾਲਾ ਸ਼ਾਨਦਾਰ 5G ਫੋਨ, ਸਨੈਪਡ੍ਰੈਗਨ 8 ਸੀਰੀਜ਼ ਚਿਪਸੈੱਟ ਵੀ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ। OnePlus ਜਲਦੀ ਹੀ ਆਪਣਾ ਇੱਕ ਹੋਰ ਨਵਾਂ ਫੋਨ ਲਾਂਚ ਕਰ ਸਕਦਾ ਹੈ ਜਿਸਨੂੰ ਕੰਪਨੀ ਚੀਨ ਵਿੱਚ OnePlus Ace 6 Turbo ਦੇ ਨਾਂਅ ਹੇਠ ਪੇਸ਼ ਕਰ ਸਕਦੀ ਹੈ। ਹਾਲ ਹੀ ਵਿੱਚ ਕੰਪਨੀ ਨੇ OnePlus Ace 6 ਵੀ ਲਾਂਚ ਕੀਤਾ ਸੀ। ਹੁਣ ਅਜਿਹੀਆਂ ਰਿਪੋਰਟਾਂ ਸਾਹਮਣੇ ਆ ਰਹੀਆਂ ਹਨ ਕਿ ਚੀਨੀ ਸਮਾਰਟਫੋਨ ਬਣਾਉਣ ਵਾਲੀ ਕੰਪਨੀ ਦੇਸ਼ ਵਿੱਚ ਇੱਕ ਹੋਰ ਸਮਾਰਟਫੋਨ ਲਾਂਚ ਕਰ ਸਕਦੀ ਹੈ। ਰਿਪੋਰਟਾਂ ਅਨੁਸਾਰ ਕੰਪਨੀ ਜਲਦੀ ਹੀ Ace 6 ਲਾਈਨਅੱਪ ਦਾ ਤੀਜਾ ਡਿਵਾਈਸ ਲਾਂਚ ਕਰਨ ਦੀ ਤਿਆਰੀ ਵਿੱਚ ਹੈ।

ਇਸ ਲਾਂਚ ਤੋਂ ਪਹਿਲਾਂ ਹੀ ਕਥਿਤ Ace 6 Turbo ਦੇ ਕੁਝ ਖਾਸ ਸਪੈਸੀਫਿਕੇਸ਼ਨਸ ਸਾਹਮਣੇ ਆ ਗਏ ਹਨ, ਜਿਸ ਵਿੱਚ ਇਸਦੇ ਚਿਪਸੈੱਟ, ਡਿਸਪਲੇਅ ਅਤੇ ਬੈਟਰੀ ਸਮਰੱਥਾ ਦੀ ਜਾਣਕਾਰੀ ਸ਼ਾਮਲ ਹੈ। ਰਿਪੋਰਟਾਂ ਵਿੱਚ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਇਹ ਡਿਵਾਈਸ ਅਗਲੇ ਸਾਲ ਭਾਰਤ ਵਿੱਚ OnePlus Nord 6 ਦੇ ਨਾਂਅ ਨਾਲ ਲਾਂਚ ਕੀਤਾ ਜਾ ਸਕਦਾ ਹੈ, ਜਿਸ ਵਿੱਚ Snapdragon 8 ਸੀਰੀਜ਼ ਚਿਪ ਅਤੇ 9,000mAh ਦੀ ਵੱਡੀ ਬੈਟਰੀ ਦੇਖਣ ਨੂੰ ਮਿਲ ਸਕਦੀ ਹੈ।

OnePlus Ace 6 Turbo ਦੇ ਸੰਭਾਵਿਤ ਸਪੈਕਸ

ਦਰਅਸਲ Weibo 'ਤੇ ਇੱਕ ਪੋਸਟ ਵਿੱਚ ਟਿਪਸਟਰ Digital Chat Station ਨੇ ਦੱਸਿਆ ਹੈ ਕਿ ਆਉਣ ਵਾਲੇ ਇਸ 'Turbo' ਡਿਵਾਈਸ ਵਿੱਚ ਕਈ ਸ਼ਾਨਦਾਰ ਫੀਚਰਸ ਦੇਖਣ ਨੂੰ ਮਿਲਣਗੇ। ਰਿਪੋਰਟਾਂ ਅਨੁਸਾਰ OnePlus Ace 6 Turbo ਵਿੱਚ ਕੁਆਲਕਾਮ ਦਾ ਆਕਟਾ-ਕੋਰ ਸਨੈਪਡ੍ਰੈਗਨ 8s Gen 4 ਚਿਪਸੈੱਟ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ ਦੇ ਨਾਲ ਹੀ ਇਸ ਫੋਨ ਵਿੱਚ ਸਭ ਤੋਂ ਵੱਡੀ 9,000mAh ਦੀ ਬੈਟਰੀ ਦੇਖਣ ਨੂੰ ਮਿਲ ਸਕਦੀ ਹੈ।

165Hz ਤੱਕ ਦਾ ਰਿਫਰੈਸ਼ ਰੇਟ ਸਪੋਰਟ

ਇਸ ਡਿਵਾਈਸ ਵਿੱਚ 6.78-ਇੰਚ ਦਾ LTPS OLED ਡਿਸਪਲੇਅ ਮਿਲ ਸਕਦਾ ਹੈ। ਡਿਵਾਈਸ ਵਿੱਚ 1.5K ਰੈਜ਼ੋਲਿਊਸ਼ਨ ਅਤੇ 144Hz ਜਾਂ 165Hz ਤੱਕ ਦਾ ਸਕ੍ਰੀਨ ਰਿਫਰੈਸ਼ ਰੇਟ ਸਪੋਰਟ ਵੀ ਮਿਲ ਸਕਦਾ ਹੈ। ਇਹ ਡਿਵਾਈਸ ਇੱਕ ਮਿਡ-ਰੇਂਜ ਸਮਾਰਟਫੋਨ ਵਜੋਂ ਪੇਸ਼ ਕੀਤਾ ਜਾ ਸਕਦਾ ਹੈ।

ਅਗਲੇ ਸਾਲ ਹੋ ਸਕਦਾ ਹੈ ਲਾਂਚ

ਰਿਪੋਰਟਾਂ ਵਿੱਚ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ OnePlus Ace 6 Turbo ਨੂੰ ਅਗਲੇ ਸਾਲ ਜਨਵਰੀ ਜਾਂ ਫਰਵਰੀ ਦੀ ਸ਼ੁਰੂਆਤ ਵਿੱਚ ਸਭ ਤੋਂ ਪਹਿਲਾਂ ਚੀਨ ਵਿੱਚ ਲਾਂਚ ਕੀਤਾ ਜਾਵੇਗਾ। ਜਦੋਂ ਕਿ ਭਾਰਤ ਸਮੇਤ ਗਲੋਬਲ ਮਾਰਕੀਟ ਵਿੱਚ ਫੋਨ ਨੂੰ OnePlus Nord 6 ਦੇ ਨਾਂਅ ਨਾਲ 2026 ਦੀ ਦੂਜੀ ਤਿਮਾਹੀ (Q2) ਵਿੱਚ ਪੇਸ਼ ਕੀਤੇ ਜਾਣ ਦੀ ਉਮੀਦ ਹੈ।