WhatsApp ਯੂਜ਼ਰਜ਼ ਹੋ ਜਾਓ ਸਾਵਧਾਨ: ਸਰਕਾਰ ਦੇ ਨਵੇਂ ਨਿਯਮ ਡਿਜੀਟਲ ਮੈਸੇਜਿੰਗ ਦੀ ਖੇਡ ਬਦਲਣ ਲਈ ਤਿਆਰ
ਡਿਪਾਰਟਮੈਂਟ ਆਫ਼ ਟੈਲੀਕਮਿਊਨਿਕੇਸ਼ਨਜ਼ (DoT) ਵੱਲੋਂ ਜਾਰੀ ਇਨ੍ਹਾਂ ਨਿਯਮਾਂ ਅਨੁਸਾਰ, ਹਰ WhatsApp ਅਕਾਊਂਟ ਵਿੱਚ ਇੱਕ ਐਕਟਿਵ ਸਿਮ ਕਾਰਡ ਲਗਾਤਾਰ ਜੁੜਿਆ ਰਹਿਣਾ ਜ਼ਰੂਰੀ ਹੋਵੇਗਾ। ਸਰਕਾਰ ਦਾ ਮੰਨਣਾ ਹੈ ਕਿ ਇਸ ਨਾਲ ਆਨਲਾਈਨ ਧੋਖਾਧੜੀ (Fraud), ਨਕਲੀ ਪਛਾਣ ਅਤੇ ਘੁਟਾਲਿਆਂ ਨੂੰ ਰੋਕਣ ਵਿੱਚ ਕਾਫ਼ੀ ਮਦਦ ਮਿਲੇਗੀ
Posted By Neha Diwan
Publish Date: Sun, 30 Nov 2025 02:00 PM (IST)
Updated Date: Sun, 30 Nov 2025 02:03 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਕੀ ਤੁਸੀਂ ਵੀ ਅਜਿਹੇ ਨੰਬਰ 'ਤੇ WhatsApp ਇਸਤੇਮਾਲ ਕਰ ਰਹੇ ਹੋ ਜੋ ਤੁਹਾਡੇ ਫ਼ੋਨ ਵਿੱਚ ਹੈ ਹੀ ਨਹੀਂ? ਤਾਂ ਜਲਦੀ ਹੀ ਤੁਹਾਨੂੰ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜੀ ਹਾਂ, ਭਾਰਤ ਵਿੱਚ ਹੁਣ ਬਿਨਾਂ ਸਿਮ ਕਾਰਡ (SIM Card) ਦੇ WhatsApp ਇਸਤੇਮਾਲ ਕਰਨਾ ਮੁਸ਼ਕਿਲ ਹੋਣ ਵਾਲਾ ਹੈ। ਸਰਕਾਰ ਸੁਰੱਖਿਆ ਨਿਯਮਾਂ ਨੂੰ ਹੋਰ ਮਜ਼ਬੂਤ ਅਤੇ ਬਿਹਤਰ ਬਣਾਉਣ ਜਾ ਰਹੀ ਹੈ, ਜਿਸ ਤਹਿਤ WhatsApp ਸਮੇਤ ਕਈ ਮੈਸੇਜਿੰਗ ਐਪ ਨੂੰ ਨਵੇਂ Telecommunications Cyber Security Amendment Rules 2025 ਨੂੰ ਫਾਲੋ ਕਰਨਾ ਹੋਵੇਗਾ।
ਕੀ ਹਨ ਨਵੇਂ ਨਿਯਮ?
ਡਿਪਾਰਟਮੈਂਟ ਆਫ਼ ਟੈਲੀਕਮਿਊਨਿਕੇਸ਼ਨਜ਼ (DoT) ਵੱਲੋਂ ਜਾਰੀ ਇਨ੍ਹਾਂ ਨਿਯਮਾਂ ਅਨੁਸਾਰ, ਹਰ WhatsApp ਅਕਾਊਂਟ ਵਿੱਚ ਇੱਕ ਐਕਟਿਵ ਸਿਮ ਕਾਰਡ ਲਗਾਤਾਰ ਜੁੜਿਆ ਰਹਿਣਾ ਜ਼ਰੂਰੀ ਹੋਵੇਗਾ। ਸਰਕਾਰ ਦਾ ਮੰਨਣਾ ਹੈ ਕਿ ਇਸ ਨਾਲ ਆਨਲਾਈਨ ਧੋਖਾਧੜੀ (Fraud), ਨਕਲੀ ਪਛਾਣ ਅਤੇ ਘੁਟਾਲਿਆਂ ਨੂੰ ਰੋਕਣ ਵਿੱਚ ਕਾਫ਼ੀ ਮਦਦ ਮਿਲੇਗੀ। ਨਵੇਂ ਨਿਯਮਾਂ ਤਹਿਤ WhatsApp ਅਤੇ ਦੂਜੇ ਮੈਸੇਜਿੰਗ ਪਲੇਟਫਾਰਮਾਂ ਨੂੰ 90 ਦਿਨਾਂ ਦੇ ਅੰਦਰ ਇਹ ਸਿਸਟਮ ਲਾਗੂ ਕਰਨਾ ਹੋਵੇਗਾ।
ਹਰ ਛੇ ਘੰਟੇ ਵਿੱਚ ਹੋਵੇਗਾ ਆਟੋ-ਲੌਗ ਆਊਟ
WhatsApp Web ਵੀ ਹਰ ਛੇ ਘੰਟੇ ਵਿੱਚ ਆਟੋ-ਲੌਗ ਆਊਟ ਹੋ ਜਾਵੇਗਾ। ਇਸ ਤੋਂ ਬਾਅਦ ਯੂਜ਼ਰਜ਼ ਨੂੰ ਇੱਕ ਨਵੇਂ QR ਕੋਡ ਨੂੰ ਸਕੈਨ ਕਰਕੇ ਦੁਬਾਰਾ ਲੌਗ ਇਨ ਕਰਨਾ ਹੋਵੇਗਾ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਕਦਮ ਨਾਲ ਸਾਈਬਰ ਅਪਰਾਧੀਆਂ ਨੂੰ ਗੁੰਮਨਾਮ ਰੂਪ ਵਿੱਚ ਕੰਮ ਕਰਨ ਤੋਂ ਰੋਕਣ ਵਿੱਚ ਕਾਫ਼ੀ ਮਦਦ ਮਿਲੇਗੀ।
ਨਵੇਂ ਨਿਯਮ ਵਿੱਚ ਹੋਰ ਕੀ-ਕੀ?
ਇੰਨਾ ਹੀ ਨਹੀਂ ਸਰਕਾਰ ਨੇ WhatsApp ਨੂੰ ਹੁਣ ਇੱਕ ਨਵੀਂ ਸ਼੍ਰੇਣੀ ਟੈਲੀਕਮਿਊਨੀਕੇਸ਼ਨ ਆਈਡੈਂਟੀਫਾਇਰ ਯੂਜ਼ਰ ਐਂਟਿਟੀ (TIUE) ਵਜੋਂ ਵਰਗੀਕ੍ਰਿਤ ਕੀਤਾ ਹੈ। ਆਸਾਨ ਸ਼ਬਦਾਂ ਵਿੱਚ ਕਹੀਏ ਤਾਂ ਹੁਣ WhatsApp ਨੂੰ ਵੀ ਟੈਲੀਕਾਮ ਕੰਪਨੀਆਂ ਵਾਂਗ ਸੁਰੱਖਿਆ ਅਤੇ ਪਛਾਣ ਤਸਦੀਕ (Identity Verification) ਨਾਲ ਜੁੜੇ ਨਿਯਮਾਂ ਨੂੰ ਫਾਲੋ ਕਰਨਾ ਹੋਵੇਗਾ। ਅਨਿਵਾਰੀ ਸਿਮ ਬਾਈਡਿੰਗ ਇਸ ਨਿਯਮ ਦਾ ਮੁੱਖ ਆਧਾਰ ਹੈ, ਯਾਨੀ WhatsApp ਨੂੰ ਲਗਾਤਾਰ ਇਹ ਤਸਦੀਕ ਕਰਨਾ ਹੋਵੇਗਾ ਕਿ ਜਿਸ ਸਿਮ ਕਾਰਡ ਤੋਂ ਅਕਾਊਂਟ ਬਣਿਆ ਹੋਇਆ ਹੈ, ਉਹ ਫ਼ੋਨ ਵਿੱਚ ਐਕਟਿਵ ਹੈ ਜਾਂ ਨਹੀਂ। ਜੇਕਰ ਸਿਮ ਨੂੰ ਹਟਾਇਆ ਜਾਂਦਾ ਹੈ, ਬਦਲਿਆ ਜਾਂਦਾ ਹੈ ਜਾਂ ਬੰਦ ਕੀਤਾ ਜਾਂਦਾ ਹੈ, ਤਾਂ WhatsApp ਕੰਮ ਕਰਨਾ ਬੰਦ ਕਰ ਦੇਵੇਗਾ।