2030 ਤੱਕ ਗਾਇਬ ਹੋ ਸਕਦੀ ਹੈ ਇਹ ਟੈਕਨਾਲੋਜੀ, ਚੈੱਕ ਕਰੋ ਪੂਰੀ ਲਿਸਟ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ। ਡਿਜੀਟਲ ਦੁਨੀਆ ਅੱਜ ਕਾਫ਼ੀ ਤੇਜ਼ੀ ਨਾਲ ਬਦਲ ਰਹੀ ਹੈ। ਪਿਛਲੇ ਕੁਝ ਸਮੇਂ ਵਿੱਚ AI ਨੇ ਤਾਂ ਪੂਰੀ ਖੇਡ ਹੀ ਬਦਲ ਕੇ ਰੱਖ ਦਿੱਤੀ ਹੈ। ਜਦੋਂ ਕਿ ਕਈ ਅਜਿਹੀਆਂ ਟੈਕਨਾਲੋਜੀ ਹਨ ਜੋ ਅੱਜ ਸਾਡੀ ਰੋਜ਼ਾਨਾ ਦੀ ਜ਼ਰੂਰਤ ਹਨ, ਪਰ ਆਉਣ ਵਾਲੇ ਕੁਝ ਸਾਲਾਂ ਵਿੱਚ ਗਾਇਬ ਹੋ ਸਕਦੀਆਂ ਹਨ। ਜੀ ਹਾਂ, ਇੱਕ ਵਾਇਰਲ ਟੈਕ ਪੋਸਟ ਦੇ ਮੁਤਾਬਕ, ਸਾਲ 2030 ਤੱਕ ਕਈ ਅਜਿਹੇ ਮੌਜੂਦਾ ਸਿਸਟਮ ਤੇ ਗੈਜੇਟਸ ਹਨ ਜੋ ਪੂਰੀ ਤਰ੍ਹਾਂ ਪੁਰਾਣੇ ਹੋ ਸਕਦੇ ਹਨ ਅਤੇ ਉਨ੍ਹਾਂ ਦੀ ਜਗ੍ਹਾ ਨਵੇਂ ਸਮਾਰਟ ਆਪਸ਼ਨ ਲੈ ਸਕਦੇ ਹਨ। ਅਜਿਹੀਆਂ 6 ਤੋਂ ਵੱਧ ਚੀਜ਼ਾਂ ਹਨ ਜੋ ਭਵਿੱਖ ਵਿੱਚ ਗਾਇਬ ਹੋ ਸਕਦੀਆਂ ਹਨ। ਚੱਲੋ ਇਨ੍ਹਾਂ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ...

1. ਪਾਸਵਰਡ (Passwords)

ਰਿਪੋਰਟ ਵਿੱਚ ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਬਾਇਓਮੀਟ੍ਰਿਕ ਲੌਗਇਨ ਅਤੇ ਪਾਸਕੀ ਟੈਕਨਾਲੋਜੀ ਰੈਗੂਲਰ ਪਾਸਵਰਡ ਨੂੰ ਹੌਲੀ-ਹੌਲੀ ਬਦਲ ਸਕਦੀ ਹੈ। ਚਿਹਰੇ ਦੀ ਪਛਾਣ, ਫਿੰਗਰਪ੍ਰਿੰਟ ਅਤੇ ਅੱਖਾਂ ਨੂੰ ਸਕੈਨ ਕਰਨ ਵਰਗੇ ਤਰੀਕੇ ਪਹਿਲਾਂ ਤੋਂ ਹੀ ਤੇਜ਼ੀ ਨਾਲ ਲੋਕ ਅਪਣਾ ਰਹੇ ਹਨ। ਇਸ ਨਾਲ ਤੁਹਾਨੂੰ ਲੰਬੇ ਅਤੇ ਮੁਸ਼ਕਲ ਪਾਸਵਰਡ ਯਾਦ ਕਰਨ ਦੀ ਜ਼ਰੂਰਤ ਨਹੀਂ ਪਵੇਗੀ।

2. ਭੌਤਿਕ ਕ੍ਰੈਡਿਟ ਕਾਰਡ (Physical Credit Cards)

ਹੌਲੀ-ਹੌਲੀ ਡਿਜੀਟਲ ਵਾਲਿਟ, ਸਮਾਰਟ ਵਾਚ, NFC ਭੁਗਤਾਨ ਅਤੇ ਮੋਬਾਈਲ ਭੁਗਤਾਨ ਸਿਸਟਮ ਕਾਫ਼ੀ ਤੇਜ਼ੀ ਨਾਲ ਪ੍ਰਸਿੱਧ ਹੋ ਰਹੇ ਹਨ। ਇਸ ਵਜ੍ਹਾ ਨਾਲ ਕਾਰਡ ਹੁਣ ਸਿਰਫ਼ ਇੱਕ ਬੈਕਅੱਪ ਬਣ ਕੇ ਰਹਿ ਗਏ ਹਨ। ਬਹੁਤ ਸਾਰੀਆਂ ਟ੍ਰਾਂਜੈਕਸ਼ਨਾਂ ਹੁਣ ਬਿਨਾਂ ਕਾਰਡ ਕੱਢੇ ਸਿਰਫ਼ ਫੋਨ ਜਾਂ ਪਹਿਨਣਯੋਗ ਡਿਵਾਈਸ ਨਾਲ ਹੀ ਹੋ ਜਾਂਦੀਆਂ ਹਨ।

3. ਰਿਮੋਟ ਕੰਟਰੋਲ (Remote Control)

ਰਿਪੋਰਟ ਵਿੱਚ ਅਜਿਹਾ ਵੀ ਕਿਹਾ ਜਾ ਰਿਹਾ ਹੈ ਕਿ ਰਿਮੋਟ ਕੰਟਰੋਲ ਵੀ ਆਉਣ ਵਾਲੇ ਸਾਲਾਂ ਵਿੱਚ ਹੌਲੀ-ਹੌਲੀ ਗਾਇਬ ਹੋ ਸਕਦੇ ਹਨ। ਸਮਾਰਟ ਟੀਵੀ, ਵੌਇਸ ਕੰਟਰੋਲ ਅਤੇ ਮੋਬਾਈਲ ਐਪਸ ਰਾਹੀਂ ਕੰਟਰੋਲ ਕੀਤੇ ਜਾ ਸਕਦੇ ਹਨ। ਭਵਿੱਖ ਵਿੱਚ ਜ਼ਿਆਦਾਤਰ ਡਿਵਾਈਸਾਂ ਵੌਇਸ ਕਮਾਂਡ, ਜੈਸਚਰ ਅਤੇ AI ਅਸਿਸਟੈਂਟ ਨਾਲ ਆਪਰੇਟ ਕਰ ਸਕਣਗੀਆਂ।

4. ਕੇਬਲਜ਼ (Cables)

ਭਵਿੱਖ ਵਿੱਚ ਕੇਬਲਜ਼ ਯਾਨੀ ਚਾਰਜਿੰਗ ਅਤੇ ਡਾਟਾ ਟ੍ਰਾਂਸਫਰ ਤਾਰਾਂ ਦੀ ਜ਼ਰੂਰਤ ਵੀ ਕਾਫ਼ੀ ਜ਼ਿਆਦਾ ਘੱਟ ਹੋ ਸਕਦੀ ਹੈ। ਹੁਣ ਤੋਂ ਹੀ ਲੋਕ ਵਾਇਰਲੈੱਸ ਚਾਰਜਿੰਗ, ਕਲਾਉਡ ਸਟੋਰੇਜ ਅਤੇ ਅਲਟਰਾ-ਫਾਸਟ ਵਾਇਰਲੈੱਸ ਡਾਟਾ ਟੈਕਨਾਲੋਜੀ ਦਾ ਇਸਤੇਮਾਲ ਕਰਨ ਲੱਗੇ ਹਨ ਜਿਸ ਕਾਰਨ ਕੇਬਲ ਦੀ ਵਰਤੋਂ ਸੀਮਤ ਹੁੰਦੀ ਜਾ ਰਹੀ ਹੈ।

5. ਨਾਰਮਲ ਚਾਬੀਆਂ (Normal Keys)

ਨਾਰਮਲ ਚਾਬੀਆਂ ਵੀ ਡਿਜੀਟਲ ਲਾਕ ਅਤੇ ਚਿਹਰਾ ਪਛਾਣ ਸਿਸਟਮ ਦੇ ਆਉਣ ਨਾਲ ਖਤਮ ਹੋ ਸਕਦੀਆਂ ਹਨ। ਅੱਜਕੱਲ੍ਹ ਤੁਹਾਨੂੰ ਘਰਾਂ ਵਿੱਚ ਵੀ ਸਮਾਰਟ ਲਾਕ ਦੇਖਣ ਨੂੰ ਮਿਲ ਜਾਣਗੇ। ਨਾਲ ਹੀ ਤੁਸੀਂ ਇਨ੍ਹਾਂ ਨੂੰ ਮੋਬਾਈਲ ਨਾਲ ਵੀ ਐਕਸੈਸ ਕਰ ਸਕੋਗੇ। ਬਾਇਓਮੀਟ੍ਰਿਕ ਸਕਿਓਰਿਟੀ ਸਿਸਟਮ ਪਹਿਲਾਂ ਤੋਂ ਹੀ ਘਰਾਂ ਅਤੇ ਆਫਿਸਾਂ ਵਿੱਚ ਵਰਤੇ ਜਾ ਰਹੇ ਹਨ।

6. ਪੇਪਰ ਰਸੀਦਾਂ (Paper Receipts)

ਆਉਣ ਵਾਲੇ ਸਮੇਂ ਵਿੱਚ ਪੇਪਰ ਰਸੀਦਾਂ, ਟੀਵੀ ਚੈਨਲ, ਕੈਸ਼ ਅਤੇ ਐਕਸਟਰਨਲ ਹਾਰਡ ਡਰਾਈਵਜ਼ ਵੀ ਗਾਇਬ ਹੋ ਸਕਦੀਆਂ ਹਨ। ਡਿਜੀਟਲ ਇਨਵਾਇਸ, OTT ਪਲੇਟਫਾਰਮਸ, ਆਨਲਾਈਨ ਭੁਗਤਾਨ ਅਤੇ ਕਲਾਉਡ ਸਟੋਰੇਜ ਇਨ੍ਹਾਂ ਦੀ ਜਗ੍ਹਾ ਲੈ ਸਕਦੇ ਹਨ। ਟੈਕ ਮਾਹਿਰਾਂ ਦਾ ਕਹਿਣਾ ਹੈ ਕਿ ਆਉਣ ਵਾਲੇ 5 ਤੋਂ 7 ਸਾਲਾਂ ਵਿੱਚ ਇਹ ਬਦਲਾਅ ਹੋਰ ਤੇਜ਼ੀ ਨਾਲ ਹੋਵੇਗਾ। ਹਾਲਾਂਕਿ ਇਹ ਪੂਰੀ ਤਰ੍ਹਾਂ ਖਤਮ ਹੋਣਗੀਆਂ ਇਹ ਕਹਿਣਾ ਥੋੜ੍ਹਾ ਮੁਸ਼ਕਿਲ ਹੈ।