ਆਈਫੋਨ ਯੂਜ਼ਰਜ਼ ਦੀਆਂ ਮੌਜਾਂ ! WhatsApp ਲਿਆਇਆ ਕਮਾਲ ਦਾ ਫੀਚਰ, ਹੁਣ ਗਰੁੱਪ 'ਚ ਸ਼ਾਮਲ ਹੁੰਦੇ ਹੀ ਦਿਖਾਈ ਦੇਣਗੇ ਪੁਰਾਣੇ ਮੈਸੇਜ!

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ: ਵਟਸਐਪ ਲਗਾਤਾਰ ਆਪਣੇ ਪਲੇਟਫਾਰਮ 'ਤੇ ਇੱਕ ਤੋਂ ਬਾਅਦ ਇੱਕ ਨਵੇਂ ਫੀਚਰ ਪੇਸ਼ ਕਰ ਰਿਹਾ ਹੈ। ਇਸੇ ਲੜੀ ਤਹਿਤ ਹੁਣ ਕੰਪਨੀ ਨੇ ਆਈਫੋਨ ਉਪਭੋਗਤਾਵਾਂ ਲਈ 'ਗਰੁੱਪ ਚੈਟ ਹਿਸਟਰੀ ਸ਼ੇਅਰਿੰਗ' (Group Chat History Sharing) ਨਾਮ ਦਾ ਨਵਾਂ ਫੀਚਰ ਪੇਸ਼ ਕੀਤਾ ਹੈ। ਕੰਪਨੀ ਨੇ ਇਸ ਨੂੰ iOS ਉਪਭੋਗਤਾਵਾਂ ਲਈ ਰੋਲ ਆਊਟ ਕਰਨਾ ਵੀ ਸ਼ੁਰੂ ਕਰ ਦਿੱਤਾ ਹੈ। ਪਹਿਲਾਂ ਇਹ ਫੀਚਰ ਸਿਰਫ ਐਂਡਰਾਇਡ ਦੇ ਬੀਟਾ ਵਰਜ਼ਨ ਵਿੱਚ ਉਪਲਬਧ ਸੀ, ਪਰ ਹੁਣ ਇਸ ਨੂੰ iOS 'ਤੇ ਵੀ ਟੈਸਟਫਲਾਈਟ ਰਾਹੀਂ ਬੀਟਾ ਟੈਸਟਰਾਂ ਲਈ ਜਾਰੀ ਕਰ ਦਿੱਤਾ ਗਿਆ ਹੈ।

ਕੀ ਹੈ ਇਹ ਨਵਾਂ ਫੀਚਰ?

ਦਰਅਸਲ, ਇਸ ਫੀਚਰ ਦੀ ਮਦਦ ਨਾਲ ਜਦੋਂ ਵੀ ਗਰੁੱਪ ਵਿੱਚ ਕੋਈ ਨਵਾਂ ਮੈਂਬਰ ਸ਼ਾਮਲ ਹੁੰਦਾ ਹੈ, ਉਸ ਨੂੰ 14 ਦਿਨਾਂ ਤੱਕ ਦੇ ਪੁਰਾਣੇ 100 ਮੈਸੇਜ ਭੇਜੇ ਜਾ ਸਕਣਗੇ। ਇਸ ਨਾਲ ਨਵੇਂ ਮੈਂਬਰਾਂ ਨੂੰ ਗਰੁੱਪ ਦਾ ਮਕਸਦ ਸਮਝਣ ਵਿੱਚ ਆਸਾਨੀ ਹੋਵੇਗੀ ਅਤੇ ਉਨ੍ਹਾਂ ਨੂੰ ਪੁਰਾਣੇ ਮੈਸੇਜਾਂ ਦੇ ਸਕ੍ਰੀਨਸ਼ਾਟ ਮੰਗਣ ਦੀ ਲੋੜ ਨਹੀਂ ਪਵੇਗੀ। ਗਰੁੱਪ ਐਡਮਿਨ ਜਾਂ ਉਹ ਮੈਂਬਰ ਜਿਸ ਨੇ ਨਵੇਂ ਯੂਜ਼ਰ ਨੂੰ ਐਡ ਕੀਤਾ ਹੈ, ਉਹ ਹਾਲ ਹੀ ਦੀ ਚੈਟ ਹਿਸਟਰੀ ਆਸਾਨੀ ਨਾਲ ਸ਼ੇਅਰ ਕਰ ਸਕਦੇ ਹਨ।

ਗਰੁੱਪ ਚੈਟ ਹਿਸਟਰੀ ਸ਼ੇਅਰਿੰਗ ਫੀਚਰ ਕਿਵੇਂ ਕੰਮ ਕਰਦਾ ਹੈ?

ਸੌਖੇ ਸ਼ਬਦਾਂ ਵਿੱਚ ਸਮਝੀਏ ਤਾਂ ਗਰੁੱਪ ਵਿੱਚ ਨਵਾਂ ਮੈਂਬਰ ਜੋੜਦੇ ਸਮੇਂ ‘Add Member’ ਆਪਸ਼ਨ ਸਿਲੈਕਟ ਕਰਨ ਤੋਂ ਬਾਅਦ ਜਦੋਂ ਤੁਸੀਂ ਕੰਟੈਕਟ (Contact) ਚੁਣਦੇ ਹੋ, ਤਾਂ ਸਕ੍ਰੀਨ ਦੇ ਹੇਠਾਂ ‘Share Recent Messages’ ਦਾ ਆਪਸ਼ਨ ਮਿਲੇਗਾ। ਇੱਥੋਂ ਹੁਣ ਯੂਜ਼ਰਜ਼ ਚਾਹੁਣ ਤਾਂ 100 ਤੱਕ ਮੈਸੇਜ ਭੇਜ ਸਕਦੇ ਹਨ ਜਾਂ ਘੱਟ ਮੈਸੇਜ ਸਿਲੈਕਟ ਕਰ ਸਕਦੇ ਹਨ। ਭੇਜੇ ਗਏ ਮੈਸੇਜ ਨਵੇਂ ਮੈਂਬਰ ਨੂੰ ਵੱਖਰੇ ਰੰਗ ਵਿੱਚ ਦਿਖਾਈ ਦੇਣਗੇ, ਤਾਂ ਜੋ ਉਨ੍ਹਾਂ ਨੂੰ ਪਛਾਣਨਾ ਆਸਾਨ ਹੋ ਜਾਵੇ।

ਪਾਰਦਰਸ਼ਤਾ ਅਤੇ ਸੁਰੱਖਿਆ ਵੀ ਇੰਨਾ ਹੀ ਨਹੀਂ, WhatsApp ਗਰੁੱਪ ਦੇ ਸਾਰੇ ਮੈਂਬਰਾਂ ਨੂੰ ਨੋਟੀਫਾਈ (ਸੂਚਿਤ) ਵੀ ਕਰਦਾ ਹੈ ਕਿ ਹਾਲ ਹੀ ਦੇ ਮੈਸੇਜ ਨਵੇਂ ਮੈਂਬਰ ਨਾਲ ਸਾਂਝੇ ਕੀਤੇ ਗਏ ਹਨ। ਇਸਦੇ ਲਈ ਚੈਟ ਵਿੱਚ ਇੱਕ ਆਟੋਮੈਟਿਕ ਮੈਸੇਜ ਵੀ ਦਿਖਾਈ ਦਿੰਦਾ ਹੈ, ਜਿਸ ਤੋਂ ਇਹ ਪਤਾ ਲੱਗਦਾ ਹੈ ਕਿ ਕਿਸ ਨੇ ਮੈਸੇਜ ਸ਼ੇਅਰ ਕੀਤੇ ਹਨ। ਇਸਦੇ ਨਾਲ ਹੀ, ਇਹ ਸਾਰੇ ਮੈਸੇਜ ਵੀ ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ (End-to-end encryption) ਦੇ ਨਾਲ ਭੇਜੇ ਜਾਂਦੇ ਹਨ।