ਡਰਾਈਵਿੰਗ ਸੀਟ 'ਤੇ ਬੈਠਣ ਦਾ ਇਹ ਤਰੀਕਾ ਹੈ ਸਭ ਤੋਂ ਖ਼ਤਰਨਾਕ, ਹਾਦਸੇ ਦੇ ਸਮੇਂ ਜੋਖਮ 'ਚ ਜਾ ਸਕਦੀ ਹੈ ਜਾਨ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਵਿੱਚ ਹਰ ਰੋਜ਼ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸੜਕ ਹਾਦਸੇ ਹੁੰਦੇ ਹਨ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਹਾਦਸੇ ਲੋਕਾਂ ਦੀ ਆਪਣੀ ਲਾਪਰਵਾਹੀ ਕਾਰਨ ਵਾਪਰਦੇ ਹਨ। ਕਾਰ ਚਲਾਉਂਦੇ ਸਮੇਂ ਬੈਠਣ ਦੇ ਤਰੀਕੇ ਵਿੱਚ ਵੀ ਕਈ ਲੋਕਾਂ ਵੱਲੋਂ ਲਾਪਰਵਾਹੀ ਵਰਤੀ ਜਾਂਦੀ ਹੈ, ਜਿਸ ਕਾਰਨ ਹਾਦਸੇ ਵੇਲੇ ਗੰਭੀਰ ਸੱਟ ਲੱਗਣ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਕਾਰ ਚਲਾਉਂਦੇ ਸਮੇਂ ਕਿਸ ਤਰ੍ਹਾਂ ਬੈਠਣਾ ਤੁਹਾਡੇ ਲਈ ਸੁਰੱਖਿਅਤ ਹੋ ਸਕਦਾ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

ਸਟੀਅਰਿੰਗ ਤੋਂ ਕਿੰਨੀ ਦੂਰੀ ਬਣਾਈਏ?

ਜੇਕਰ ਤੁਸੀਂ ਕਾਰ ਚਲਾਉਂਦੇ ਸਮੇਂ ਬੈਠਣ ਦੇ ਤਰੀਕੇ ਵਿੱਚ ਲਾਪਰਵਾਹੀ ਕਰਦੇ ਹੋ, ਤਾਂ ਹਾਦਸੇ ਦੇ ਸਮੇਂ ਇਹ ਤੁਹਾਨੂੰ ਜ਼ਿਆਦਾ ਨੁਕਸਾਨ ਪਹੁੰਚਾ ਸਕਦਾ ਹੈ। ਸਟੀਅਰਿੰਗ ਤੋਂ ਹਮੇਸ਼ਾ 10 ਇੰਚ ਦੇ ਆਸ-ਪਾਸ ਦੀ ਦੂਰੀ (ਸੁਰੱਖਿਆ ਲਈ ਸਟੀਅਰਿੰਗ ਵ੍ਹੀਲ ਤੋਂ ਘੱਟੋ-ਘੱਟ 10 ਇੰਚ) ਰੱਖਣੀ ਚਾਹੀਦੀ ਹੈ। ਇਸ ਨਾਲ ਕਾਰ ਚਲਾਉਣ ਵਿੱਚ ਆਸਾਨੀ ਤਾਂ ਹੁੰਦੀ ਹੀ ਹੈ, ਨਾਲ ਹੀ ਸੁਰੱਖਿਆ (ਏਅਰਬੈਗ ਖੁੱਲ੍ਹਣ ਵੇਲੇ) ਵੀ ਮਿਲਦੀ ਹੈ।

ਪਿੱਠ (Back) ਦਾ ਕਿਵੇਂ ਰੱਖੀਏ ਧਿਆਨ?

ਕਾਰ ਚਲਾਉਂਦੇ ਸਮੇਂ ਜ਼ਿਆਦਾਤਰ ਲੋਕ ਆਪਣੀ ਹੇਠਲੀ ਪਿੱਠ (Lower Back) ਦਾ ਧਿਆਨ ਨਹੀਂ ਰੱਖਦੇ। ਇਸ ਨਾਲ ਉਸ ਜਗ੍ਹਾ 'ਤੇ ਦਰਦ ਹੋਣ ਲੱਗਦਾ ਹੈ ਅਤੇ ਲਗਾਤਾਰ ਕਾਰ ਚਲਾਉਣ ਵਿੱਚ ਮੁਸ਼ਕਲ ਆਉਂਦੀ ਹੈ। ਇਸ ਲਈ ਜਦੋਂ ਵੀ ਸੀਟ 'ਤੇ ਬੈਠੋ, ਆਪਣੀ ਲੋਅਰ ਬੈਕ ਨੂੰ ਚੰਗੀ ਤਰ੍ਹਾਂ ਸੀਟ ਦੇ ਨਾਲ ਲਗਾ ਕੇ ਰੱਖੋ। ਇਸ ਤਰ੍ਹਾਂ ਤੁਹਾਨੂੰ ਬਿਹਤਰ ਲੰਬਰ ਸਪੋਰਟ (Lumbar Support) ਮਿਲੇਗਾ ਅਤੇ ਕਾਰ ਵਿੱਚ ਜ਼ਿਆਦਾ ਸਮੇਂ ਤੱਕ ਬੈਠਣਾ ਆਸਾਨ ਹੋ ਜਾਵੇਗਾ।

ਪੈਡਲ ਦਬਾਉਣ ਦਾ ਸਹੀ ਤਰੀਕਾ ਜਾਣੋ

ਜੇਕਰ ਤੁਸੀਂ ਆਪਣੀ ਸੀਟ ਅਤੇ ਉੱਪਰ ਦੱਸੀਆਂ ਗੱਲਾਂ ਦਾ ਪਾਲਣ ਕਰਦੇ ਹੋ, ਤਾਂ ਪੈਡਲ ਦਬਾਉਣ ਦਾ ਸਹੀ ਤਰੀਕਾ ਆਪਣੇ ਆਪ ਹੀ ਆ ਜਾਵੇਗਾ। ਕਾਰ ਚਲਾਉਂਦੇ ਸਮੇਂ ਪੈਡਲ ਦਬਾਉਂਦੇ ਵਕਤ ਗੋਡਿਆਂ ਦਾ 120 ਡਿਗਰੀ ਦੇ ਆਸ-ਪਾਸ ਹੋਣਾ ਜ਼ਰੂਰੀ ਹੁੰਦਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਨਾ ਸਿਰਫ਼ ਤੁਸੀਂ ਚੰਗੀ ਤਰ੍ਹਾਂ ਪੈਡਲ ਦਬਾ ਸਕਦੇ ਹੋ, ਬਲਕਿ ਤੁਹਾਨੂੰ ਇਸ ਦੇ ਲਈ ਜ਼ਿਆਦਾ ਜ਼ੋਰ ਵੀ ਨਹੀਂ ਲਗਾਉਣਾ ਪੈਂਦਾ।