ਦੁਨੀਆ ਦਾ ਸਭ ਤੋਂ ਮਹਿੰਗਾ ਰੁਦਰਾਕਸ਼, ਕਰੋੜਾਂ 'ਚ ਹੈ ਜਿਸਦੀ ਕੀਮਤ, ਧਾਰਨ ਕਰਨ ਨਾਲ ਮਿਲਦੇ ਹਨ ਦੌਲਤ ਸਮੇਤ ਬੇਸ਼ੁਮਾਰ ਫਾਇਦੇ

ਧਰਮ ਡੈਸਕ: ਧਰਮ ਪੁਰਾਣਾਂ ਵਿੱਚ ਰੁਦਰਾਕਸ਼ ਨੂੰ ਭਗਵਾਨ ਸ਼ਿਵ ਦਾ ਪ੍ਰਤੱਖ ਸਰੂਪ ਮੰਨਿਆ ਗਿਆ ਹੈ। ਮਾਨਤਾ ਹੈ ਕਿ ਮਹਾਦੇਵ ਦੇ ਹੰਝੂਆਂ ਤੋਂ ਹੀ ਰੁਦਰਾਕਸ਼ ਦੀ ਉਤਪਤੀ ਹੋਈ ਸੀ। ਇਸ ਲਈ ਇਸਨੂੰ ਅਤਿਅੰਤ ਪਵਿੱਤਰ, ਸ਼ੁਭ ਅਤੇ ਸ਼ਕਤੀਸ਼ਾਲੀ ਮੰਨਿਆ ਜਾਂਦਾ ਹੈ।

ਰੁਦਰਾਕਸ਼ ਇੱਕ-ਮੁਖੀ ਤੋਂ ਲੈ ਕੇ 21-ਮੁਖੀ ਤੱਕ ਪਾਏ ਜਾਂਦੇ ਹਨ ਅਤੇ ਹਰ ਰੁਦਰਾਕਸ਼ ਦਾ ਆਪਣਾ ਵਿਸ਼ੇਸ਼ ਮਹੱਤਵ ਮੰਨਿਆ ਜਾਂਦਾ ਹੈ। ਇਸਨੂੰ ਧਾਰਨ ਕਰਨ ਵਾਲੇ ਵਿਅਕਤੀ ਨੂੰ ਧਨ, ਸੁਖ-ਸਮਰਿੱਧੀ, ਸਫਲਤਾ ਅਤੇ ਮਾਨਸਿਕ ਸ਼ਾਂਤੀ ਪ੍ਰਾਪਤ ਹੁੰਦੀ ਹੈ।

ਸਭ ਤੋਂ ਦੁਰਲੱਭ ਹੈ ਇੱਕ-ਮੁਖੀ ਰੁਦਰਾਕਸ਼

ਪੁਰਾਣਾਂ ਅਨੁਸਾਰ ਇੱਕ-ਮੁਖੀ ਰੁਦਰਾਕਸ਼ ਨੂੰ ਦੁਨੀਆ ਦਾ ਸਭ ਤੋਂ ਦੁਰਲੱਭ (Rare) ਅਤੇ ਸ਼ਕਤੀਸ਼ਾਲੀ ਰੁਦਰਾਕਸ਼ ਮੰਨਿਆ ਗਿਆ ਹੈ। ਇਸਨੂੰ ਖੁਦ ਭਗਵਾਨ ਸ਼ਿਵ ਦਾ ਸਰੂਪ ਕਿਹਾ ਜਾਂਦਾ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਵਿੱਚ ਸਿਰਫ਼ ਇੱਕ ਹੀ ਧਾਰੀ (Line) ਹੁੰਦੀ ਹੈ, ਇਸ ਲਈ ਇਸਨੂੰ ਇੱਕ-ਮੁਖੀ ਕਿਹਾ ਜਾਂਦਾ ਹੈ। ਇਹ ਮੁੱਖ ਤੌਰ 'ਤੇ ਨੇਪਾਲ ਦੇ ਹਿਮਾਲੀਅਨ ਖੇਤਰਾਂ ਵਿੱਚ ਪਾਇਆ ਜਾਂਦਾ ਹੈ।

ਕੀਮਤ ਸੁਣ ਕੇ ਰਹਿ ਜਾਓਗੇ ਹੈਰਾਨ

ਇੱਕ-ਮੁਖੀ ਰੁਦਰਾਕਸ਼ ਬਹੁਤ ਘੱਟ ਮਿਲਦਾ ਹੈ, ਇਸ ਲਈ ਇਸਦੀ ਕੀਮਤ ਵੀ ਬਹੁਤ ਜ਼ਿਆਦਾ ਹੁੰਦੀ ਹੈ। ਅਸਲੀ ਇੱਕ-ਮੁਖੀ ਰੁਦਰਾਕਸ਼ ਦੀ ਕੀਮਤ ਲੱਖਾਂ ਤੋਂ ਲੈ ਕੇ ਕਰੋੜਾਂ ਤੱਕ ਹੁੰਦੀ ਹੈ। ਮੰਨਿਆ ਜਾਂਦਾ ਹੈ ਕਿ ਇਸਦਾ ਪ੍ਰਮਾਣਿਕ ਅਤੇ ਦੁਰਲੱਭ ਸਰੂਪ 2 ਤੋਂ 3 ਕਰੋੜ ਰੁਪਏ ਤੱਕ ਵਿੱਚ ਵਿਕਦਾ ਹੈ।

ਇੱਕ-ਮੁਖੀ ਰੁਦਰਾਕਸ਼ ਦੇ ਚਮਤਕਾਰੀ ਫਾਇਦੇ

ਇੱਕ-ਮੁਖੀ ਰੁਦਰਾਕਸ਼ ਨੂੰ ਅਧਿਆਤਮਿਕ ਉੱਨਤੀ, ਮਾਨਸਿਕ ਸ਼ਾਂਤੀ ਅਤੇ ਇਕਾਗਰਤਾ (Concentration) ਵਧਾਉਣ ਲਈ ਅਤਿਅੰਤ ਪ੍ਰਭਾਵਸ਼ਾਲੀ ਮੰਨਿਆ ਗਿਆ ਹੈ।

ਵਿਦਿਆਰਥੀਆਂ ਲਈ ਲਾਭਕਾਰੀ: ਇਸਨੂੰ ਧਾਰਨ ਕਰਨ ਨਾਲ ਧਿਆਨ ਅਤੇ ਇਕਾਗਰਤਾ ਵਧਦੀ ਹੈ, ਜਿਸ ਨਾਲ ਪੜ੍ਹਾਈ ਵਿੱਚ ਮਨ ਲੱਗਦਾ ਹੈ।

ਸੂਰਜ ਦੀ ਸਥਿਤੀ ਮਜ਼ਬੂਤ ਹੋਵੇਗੀ: ਜਿਨ੍ਹਾਂ ਲੋਕਾਂ ਦੀ ਕੁੰਡਲੀ ਵਿੱਚ ਸੂਰਜ ਕਮਜ਼ੋਰ ਹੁੰਦਾ ਹੈ, ਉਨ੍ਹਾਂ ਨੂੰ ਇਹ ਰੁਦਰਾਕਸ਼ ਵਿਸ਼ੇਸ਼ ਲਾਭ ਦਿੰਦਾ ਹੈ। ਸੂਰਜ ਦੇ ਮਜ਼ਬੂਤ ਹੋਣ 'ਤੇ ਵਿਅਕਤੀ ਨੂੰ ਸਫਲਤਾ, ਆਤਮ-ਵਿਸ਼ਵਾਸ ਅਤੇ ਸਮਾਜ ਵਿੱਚ ਮਾਣ-ਸਨਮਾਨ ਮਿਲਦਾ ਹੈ।

ਨੋਟ: ਇਹ ਸਾਰੀਆਂ ਜਾਣਕਾਰੀਆਂ ਸਮਾਜਿਕ ਅਤੇ ਧਾਰਮਿਕ ਮਾਨਤਾਵਾਂ 'ਤੇ ਆਧਾਰਿਤ ਹਨ। ਪੰਜਾਬੀ ਜਾਗਰਣ ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਰੁਦਰਾਕਸ਼ ਧਾਰਨ ਕਰਨ ਤੋਂ ਪਹਿਲਾਂ ਕਿਸੇ ਮਾਹਿਰ ਦੀ ਸਲਾਹ ਜ਼ਰੂਰ ਲਓ।