Numerology : ਛੁਪੇ ਰੁਸਤਮ ਹੁੰਦੇ ਹਨ ਇਸ ਮੂਲਾਂਕ ਦੇ ਲੋਕ, ਕਿਸੇ ਨੂੰ ਨਹੀਂ ਦੱਸਦੇ ਆਪਣਾ ਅਗਲਾ ਕਦਮ

ਧਰਮ ਡੈਸਕ, ਨਵੀਂ ਦਿੱਲੀ : ਵਿਅਕਤੀ ਦੀ ਜਨਮ ਮਿਤੀ ਵਿਸ਼ੇਸ਼ ਮਹੱਤਤਾ ਰੱਖਦੀ ਹੈ ਕਿਉਂਕਿ ਅੰਕ ਜੋਤਿਸ਼ ਸ਼ਾਸਤਰ ਵਿੱਚ ਇਸ ਦੇ ਅਧਾਰ 'ਤੇ ਹੀ ਵਿਅਕਤੀ ਦਾ 'ਮੂਲਾਂਕ' ਕੱਢਿਆ ਜਾਂਦਾ ਹੈ। ਮੂਲਾਂਕ ਦੇ ਅਧਾਰ 'ਤੇ ਤੁਸੀਂ ਕਿਸੇ ਵਿਅਕਤੀ ਨਾਲ ਸਬੰਧਤ ਕਈ ਗੱਲਾਂ ਦਾ ਪਤਾ ਲਗਾ ਸਕਦੇ ਹੋ, ਜਿਵੇਂ ਕਿ ਉਸ ਦਾ ਸੁਭਾਅ, ਲਵ ਲਾਈਫ ਅਤੇ ਕਰੀਅਰ ਆਦਿ। ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੇ ਮੂਲਾਂਕ (Numerology Prediction) ਬਾਰੇ ਦੱਸਣ ਜਾ ਰਹੇ ਹਾਂ, ਜੋ ਆਪਣੀ ਮਿਹਨਤ ਦੇ ਦਮ 'ਤੇ ਖੂਬ ਧਨ-ਦੌਲਤ ਕਮਾਉਂਦੇ ਹਨ ਅਤੇ ਆਰਾਮ ਦੀ ਜ਼ਿੰਦਗੀ ਬਤੀਤ ਕਰਦੇ ਹਨ।

ਲਗਜ਼ਰੀ ਚੀਜ਼ਾਂ ਹੁੰਦੀਆਂ ਹਨ ਪਸੰਦ

ਅੱਜ ਅਸੀਂ ਜਿਸ ਮੂਲਾਂਕ ਦੀ ਗੱਲ ਕਰ ਰਹੇ ਹਾਂ, ਉਹ ਹੈ ਮੂਲਾਂਕ 6 (Mulank 6 Personality)। ਜਿਨ੍ਹਾਂ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 6, 15 ਜਾਂ 24 ਤਾਰੀਖ਼ ਨੂੰ ਹੁੰਦਾ ਹੈ, ਉਨ੍ਹਾਂ ਦਾ ਮੂਲਾਂਕ 6 ਮੰਨਿਆ ਜਾਂਦਾ ਹੈ। ਇਸ ਮੂਲਾਂਕ 'ਤੇ ਸ਼ੁੱਕਰ ਗ੍ਰਹਿ ਦਾ ਪ੍ਰਭਾਵ ਹੁੰਦਾ ਹੈ, ਜੋ ਪ੍ਰੇਮ, ਸੁੰਦਰਤਾ ਅਤੇ ਧਨ ਦਾ ਕਾਰਕ ਹੈ। ਸ਼ੁੱਕਰ ਗ੍ਰਹਿ ਦੇ ਪ੍ਰਭਾਵ ਕਾਰਨ ਇਨ੍ਹਾਂ ਲੋਕਾਂ ਨੂੰ ਲਗਜ਼ਰੀ (ਆਲੀਸ਼ਾਨ) ਚੀਜ਼ਾਂ ਬਹੁਤ ਪਸੰਦ ਹੁੰਦੀਆਂ ਹਨ।

ਕਿਹੋ ਜਿਹਾ ਹੁੰਦਾ ਹੈ ਸੁਭਾਅ?

ਮੂਲਾਂਕ 6 ਦੇ ਜਾਤਕਾਂ ਦੇ ਸੁਭਾਅ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਲੋਕ ਆਕਰਸ਼ਕ, ਪਿਆਰ ਕਰਨ ਵਾਲੇ ਤੇ ਸ਼ਾਂਤ ਸੁਭਾਅ ਦੇ ਹੁੰਦੇ ਹਨ। ਇਸ ਮੂਲਾਂਕ ਦੇ ਜਾਤਕ ਨਾ ਸਿਰਫ਼ ਦਿਲਖਿੱਚਵੀਂ ਸ਼ਖਸੀਅਤ ਦੇ ਮਾਲਕ ਹੁੰਦੇ ਹਨ, ਸਗੋਂ ਖੁਸ਼ਮਿਜ਼ਾਜ ਤੇ ਵਫਾਦਾਰ ਵੀ ਹੁੰਦੇ ਹਨ। ਨਾਲ ਹੀ, ਇਹ ਲੋਕ ਆਪਣੀਆਂ ਭਵਿੱਖ ਦੀਆਂ ਯੋਜਨਾਵਾਂ ਨੂੰ ਦੂਜਿਆਂ ਤੋਂ ਛੁਪਾ ਕੇ ਰੱਖਦੇ ਹਨ। ਅਜਿਹੇ ਵਿੱਚ ਜਦੋਂ ਇਨ੍ਹਾਂ ਨੂੰ ਸਫਲਤਾ ਮਿਲਦੀ ਹੈ, ਤਾਂ ਹਰ ਕੋਈ ਇਨ੍ਹਾਂ ਦੀ ਕਾਮਯਾਬੀ ਦੇਖ ਕੇ ਹੈਰਾਨ ਰਹਿ ਜਾਂਦਾ ਹੈ।

ਕਿਸਮਤ ਦੇ ਹੁੰਦੇ ਹਨ ਧਨੀ

ਮੂਲਾਂਕ 6 ਦੇ ਲੋਕਾਂ ਦਾ ਕਿਸਮਤ ਵੀ ਪੂਰਾ ਸਾਥ ਦਿੰਦੀ ਹੈ। ਇਨ੍ਹਾਂ ਲੋਕਾਂ ਦੇ ਜੀਵਨ ਵਿਚ ਦੌਲਤ ਅਤੇ ਸ਼ੋਹਰਤ ਦੀ ਕੋਈ ਕਮੀ ਨਹੀਂ ਹੁੰਦੀ। ਇਹ ਲੋਕ ਆਪਣੀ ਮਿਹਨਤ ਅਤੇ ਭਾਗਾਂ ਦੇ ਦਮ (Numerology Personality Traits) 'ਤੇ ਜੀਵਨ ਵਿੱਚ ਖੂਬ ਤਰੱਕੀ ਹਾਸਲ ਕਰਦੇ ਹਨ।

ਮੂਲਾਂਕ 6 ਵਾਲਿਆਂ ਦੀਆਂ ਖੂਬੀਆਂ ਅਤੇ ਖਾਮੀਆਂ

ਖੂਬੀਆਂ: ਮੂਲਾਂਕ 6 ਦੇ ਜਾਤਕ ਹਰ ਰਿਸ਼ਤੇ ਨੂੰ ਪੂਰੀ ਇਮਾਨਦਾਰੀ ਨਾਲ ਨਿਭਾਉਂਦੇ ਹਨ। ਸੁੰਦਰ ਚੀਜ਼ਾਂ ਇਨ੍ਹਾਂ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦੀਆਂ ਹਨ।

ਖਾਮੀਆਂ: ਜੇਕਰ ਖਾਮੀਆਂ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਮੂਲਾਂਕ ਦੇ ਜਾਤਕ ਪੈਸੇ ਨਹੀਂ ਬਚਾ ਪਾਉਂਦੇ ਅਤੇ ਫਜ਼ੂਲ ਦੀਆਂ ਚੀਜ਼ਾਂ 'ਤੇ ਲੋੜ ਤੋਂ ਵੱਧ ਖਰਚ ਕਰ ਦਿੰਦੇ ਹਨ।