ਪੈਟਰੋਲ ਤੇ ਡੀਜ਼ਲ ਦਾ ਬਦਲਾਅ ਲੱਭਣ ਲਈ ਕਰਨੇ ਚਾਹੀਦੇ ਹਨ ਸਾਰਥਕ ਉਪਰਾਲੇ-ਕਟਾਰੀਆ

ਪੁਨੀਤ ਬਾਵਾ, ਪੰਜਾਬੀ ਜਾਗਰਣ ਲੁਧਿਆਣਾ : ਪੰਜਾਬ ਦੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਨੇ ਸਮਾਗਮ 4.0' ਦੇ ਆਗੂਆਂ ਦੇ ਸੰਮੇਲਨ 2026-ਫੈਸ਼ਨ ਤੇ ਕੱਪੜਾ' ਦੀ ਪ੍ਰਧਾਨਗੀ ਕਰਦਿਆਂ ਕਿਹਾ ਕਿ ਸਾਨੂੰ ਸਾਰਿਆਂ ਨੂੰ ਪੈਟਰੋਲ ਤੇ ਡੀਜ਼ਲ ਦਾ ਬਦਲ ਲੱਭਣਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਸਟਾਰਟ ਅਪ ਇਸ ਖੇਤਰ ਵਿੱਚ ਆਪਣਾ ਅਹਿਮ ਯੋਗਦਾਨ ਪਾ ਸਕਦੇ ਹਨ। ਕਟਾਰੀਆ ਨੇ ਕਿਹਾ ਕਿ ਸਾਡਾ ਦੇਸ਼ ਹਰ ਮੁਸੀਬਤ ਤੇ ਸਮੱਸਿਆ ਨਾਲ ਲੜਨ ਦੇ ਯੋਗ ਹੈ। ਕਟਾਰੀਆ ਨੇ ਕਿਹਾ ਕਿ ਸਾਨੂੰ ਸਾਰਿਆਂ ਨੂੰ ਵਾਤਾਵਰਣ ਦੀ ਸੰਭਾਲ ਲਈ ਉਪਰਾਲੇ ਕਰਨੇ ਚਾਹੀਦੇ ਹਨ। ਰਾਜਪਾਲ ਨੇ ਪੰਜ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਸਟਾਰਟਅਪ ਸ਼ੁਰੂ ਕਰਨ ਵਾਲੇ ਉਦਮੀਆਂ ਨੂੰ ਸਨਮਾਨਿਤ ਵੀ ਕੀਤਾ।

ਇਸ ਮੌਕੇ ਰਾਲਸਨ ਟਾਇਰਜ਼ ਦੇ ਚੇਅਰਮੈਨ ਸੰਜੀਵ ਪਾਹਵਾ, ਹੀਰੋ ਸਾਈਕਲ ਦੇ ਉਪ ਪ੍ਰਧਾਨ ਐਸਕੇ ਰਾਏ, ਜੇਆਰਐਸ ਈਸਟਮੈਨ ਦੇ ਮਾਲਕ ਜੇਆਰ ਸਿੰਘਲ, ਯੂਐਮ ਹੋਲਡਿੰਗਜ਼ ਦੇ ਮਾਲਕ ਉਮੇਸ਼ ਮੁੰਜਾਲ, ਸੈਂਟੇਕਸ ਇੰਟਰਨੈਸ਼ਨਲ ਦੇ ਚੇਅਰਮੈਨ ਵਿਨੀਤ ਸੂਦ, ਪੀਏਯੂ ਦੇ ਉਪ ਕੁਲਪਤੀ ਡਾਕਟਰ ਸਤਬੀਰ ਸਿੰਘ ਗੋਸਲ ਹਾਜ਼ਰ ਸਨ।