ਮੋਟੇ ਮੁਨਾਫ਼ੇ ਦੇ ਲਾਲਚ ਨੇ ਡੋਬੇ 27 ਲੱਖ ! ਲੁਧਿਆਣਾ ਦੀ ਮਹਿਲਾ ਕਾਰੋਬਾਰੀ ਨਾਲ ਕਸ਼ਮੀਰੀ ਠੱਗ ਨੇ ਮਾਰੀ ਵੱਡੀ ਮੱਲ, ਪੁਲਿਸ ਨੇ ਕੀਤੀ FIR

ਮੁਲਜ਼ਮ ਨੇ ਕੰਪਨੀ ਵਿੱਚ ਇਨਵੈਸਟ ਕਰਨ ਦੇ ਨਾਮ ਤੇ ਔਰਤ ਕੋਲੋਂ 26 ਲੱਖ 98 ਹਜਾਰ ਰੁਪਏ ਹਾਸਿਲ ਕਰ ਲਏ। ਮੁਲਜਮ ਨੇ ਇਹ ਝਾਂਸਾ ਦਿੱਤਾ ਕਿ ਉਹ ਕੰਪਨੀ ਦੇ ਜ਼ਰੀਏ ਮੋਟਾ ਮੁਨਾਫਾ ਕਮਾਏਗੀ। ਰਕਮ ਨਿਵੇਸ਼ ਕਰਵਾਉਣ ਤੋਂ ਬਾਅਦ ਮੁਲਜ਼ਮ ਨੇ ਔਰਤ ਨਾਲ ਸੰਪਰਕ ਕਰਨਾ ਬੰਦ ਕਰ ਦਿੱਤਾ। ਇਸ ਸਬੰਧੀ ਮਹਿਲਾ ਨੇ ਪੁਲਿਸ ਦੇ ਉੱਚ ਅਧਿਕਾਰੀਆਂ ਨੂੰ ਇੱਕ ਲਿਖਤ ਸ਼ਿਕਾਇਤ ਦਿੱਤੀ। ਪੜਤਾਲ ਤੋਂ ਬਾਅਦ ਪੁਲਿਸ ਅਧਿਕਾਰੀਆਂ ਨੇ ਥਾਣਾ ਸਦਰ ਦੀ ਪੁਲਿਸ ਨੂੰ ਐਫਆਈਆਰ ਦਰਜ ਕਰਨ ਦੇ ਆਦੇਸ਼ ਜਾਰੀ ਕੀਤੇ। ਇਸ ਮਾਮਲੇ ਵਿੱਚ ਥਾਣਾ ਸਦਰ ਦੀ ਪੁਲਿਸ ਨੇ ਸ਼੍ਰੀਨਗਰ ਦੇ ਹਮਦਾਨ ਰੈਜੀਡੈਂਸੀ ਨਰਬਲ ਕਰੋਮਿੰਗ ਦੇ ਵਾਸੀ ਮੋਰਿਸ਼ ਐਡਮ ਸ਼ਮੀਰੀ ਦੇ ਖਿਲਾਫ ਮੁਕੱਦਮਾ ਦਰਜ ਕਰ ਲਿਆ ਹੈ। ਥਾਣਾ ਸਦਰ ਦੇ ਇੰਚਾਰਜ ਜਗਦੇਵ ਸਿੰਘ ਨੇ ਦੱਸਿਆ ਕਿ ਇਸ ਕੇਸ ਵਿੱਚ ਅਗਲੇਰੀ ਪੜਤਾਲ ਕੀਤੀ ਜਾ ਰਹੀ ਹੈ।