ਟੋਰਾਂਟੋ ਦੇ ਕਾਰੋਬਾਰੀ ਮੰਤਰੀ ਨੇ ਅਪਾਹਜ ਆਸ਼ਰਮ ਦਾ ਕੀਤਾ ਦੌਰਾ
ਟੋਰਾਂਟੋ ਦੇ ਕਾਰੋਬਾਰੀ ਮੰਤਰੀ ਨੇ ਅਪਾਹਜ ਆਸ਼ਰਮ ਦਾ ਕੀਤਾ ਦੌਰਾ
Publish Date: Sun, 30 Nov 2025 08:12 PM (IST)
Updated Date: Sun, 30 Nov 2025 08:14 PM (IST)

ਅਮਰਜੀਤ ਸਿੰਘ ਵੇਹਗਲ, ਪੰਜਾਬੀ ਜਾਗਰਣ, ਜਲੰਧਰ : ਅਸ਼ਵਨੀ ਤਾਂਗੜੀ ਉਨ੍ਹਾਂ ਦੀ ਪਤਨੀ ਨੀਨਾ ਤਾਂਗੜੀ ਸਮਾਲ ਕਾਰੋਬਾਰ ਮੰਤਰੀ, ਟੋਰਾਂਟੋ, ਕੈਨੇਡਾ, ਸੇਵਾਮੁਕਤ ਪ੍ਰਿੰਸੀਪਲ ਐੱਮਐੱਲ ਐਰੀ ਤੇ ਡੀਏਵੀ ਸਕੂਲ, ਬਿਲਗਾ ਦੇ ਪ੍ਰਿੰਸੀਪਲ ਰਵੀ ਸ਼ਰਮਾ ਦੇ ਨਾਲ ਅਪਾਹਜ ਆਸ਼ਰਮ ਦਾ ਦੌਰਾ ਕੀਤਾ। ਆਸ਼ਰਮ ਦੇ ਚੇਅਰਮੈਨ ਤਰਸੇਮ ਕਪੂਰ ਨੇ ਸਾਰੇ ਮਹਿਮਾਨਾਂ ਦਾ ਨਿੱਘਾ ਸਵਾਗਤ ਕੀਤਾ। ਦੌਰੇ ਦੌਰਾਨ ਤਾਂਗੜੀ ਨੇ ਉੱਥੇ ਰਹਿਣ ਵਾਲੇ ਬਜ਼ੁਰਗ ਨਾਗਰਿਕਾਂ ਤੇ ਅਪਾਹਜਾਂ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਨੇ ਬੁਢਾਪੇ ’ਚ ਦਰਪੇਸ਼ ਚੁਣੌਤੀਆਂ ਤੇ ਆਸ਼ਰਮ ਵੱਲੋਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਸੇਵਾਵਾਂ ਤੇ ਦੇਖਭਾਲ ਬਾਰੇ ਵਿਸਥਾਰ ਨਾਲ ਪੁੱਛਗਿੱਛ ਕੀਤੀ। ਆਸ਼ਰਮ ਦੇ ਪ੍ਰਬੰਧਾਂ ਤੇ ਸੇਵਾ ਗਤੀਵਿਧੀਆਂ ਨੂੰ ਦੇਖ ਕੇ ਤਾਂਗੜੀ ਨੇ ਚੇਅਰਮੈਨ ਤਰਸੇਮ ਕਪੂਰ ਤੇ ਉਨ੍ਹਾਂ ਦੀ ਟੀਮ ਵੱਲੋਂ ਕੀਤੇ ਜਾ ਰਹੇ ਸ਼ਾਨਦਾਰ ਕੰਮ ਦੀ ਪ੍ਰਸ਼ੰਸਾ ਕੀਤੀ। ਉਨ੍ਹਾਂ ਨੇ ਅਪਾਹਜ ਆਸ਼ਰਮ ਵਿਖੇ ਗਊਸ਼ਾਲਾ ਦਾ ਦੌਰਾ ਵੀ ਕੀਤਾ। ਤਾਂਗੜੀ ਨੇ ਤਰਸੇਮ ਕਪੂਰ ਨੂੰ ਉਨ੍ਹਾਂ ਦੇ ਨੇਕ ਕਾਰਜ ਲਈ ਹਰ ਸੰਭਵ ਸਹਾਇਤਾ ਦਾ ਭਰੋਸਾ ਦਿੱਤਾ। ਚੇਅਰਮੈਨ ਤਰਸੇਮ ਕਪੂਰ ਨੇ ਅਸ਼ਵਨੀ ਤਾਂਗੜੀ, ਸੇਵਾਮੁਕਤ ਪ੍ਰਿੰਸੀਪਲ ਐੱਮਐੱਲ ਐਰੀ ਤੇ ਪ੍ਰਿੰਸੀਪਲ ਰਵੀ ਸ਼ਰਮਾ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਸਹਿ-ਚੇਅਰਪਰਸਨ ਸੁਨੀਤਾ ਕਪੂਰ, ਆਰਕੇ ਭੰਡਾਰੀ, ਬ੍ਰਿਜ ਮਿੱਤਲ, ਸੁਭਾਸ਼ ਅਗਰਵਾਲ, ਮਨੋਹਰ ਲਾਲ ਸ਼ਰਮਾ, ਬਲਦੇਵ ਕਤਿਆਲ, ਸੰਜੇ ਸੱਭਰਵਾਲ, ਉਮੇਸ਼ ਢੀਂਗਰਾ, ਪ੍ਰਾਣ ਨਾਥ ਭੱਲਾ, ਦੇਸ਼ਬੰਧੂ ਭੱਲਾ, ਲਲਿਤ ਭੱਲਾ, ਇੰਜੀਨੀਅਰ ਸ਼ੈਲਜਾ ਭੱਲਾ, ਸੁਮਿਤ ਪੁਰੀ, ਨਿਧੀ ਪੁਰੀ, ਭਾਵਨਾ ਸੱਭਰਵਾਲ, ਸੁਮਨ ਖੰਨਾ ਤੇ ਹੋਰ ਵੀ ਹਾਜ਼ਰ ਸਨ।