ਪ੍ਰਵੀਨ ਜ਼ਿਲ੍ਹਾ ਪੱਧਰੀ ਸਾਇੰਸ ਪ੍ਰਦਰਸ਼ਨੀ ’ਚ ਰਹੀ ਅੱਵਲ

ਪ੍ਰਿਤਪਾਲ ਸਿੰਘ, ਪੰਜਾਬੀ ਜਾਗਰਣ, ਸ਼ਾਹਕੋਟ: ਜ਼ਿਲ੍ਹਾ ਸਿੱਖਿਆ ਅਫਸਰ ਸੈਕੰਡਰੀ ਗੁਰਿੰਦਰਜੀਤ ਕੌਰ ਦੀ ਅਗਵਾਈ ਤੇ ਡਿਪਟੀ ਡੀਈਓ ਰਾਜੇਸ਼ ਜੋਸ਼ੀ, ਪ੍ਰਿੰਸੀਪਲ ਸੁਖਦੇਵ ਲਾਲ ਬੱਬਰ ਤੇ ਹਰਜੀਤ ਕੁਮਾਰ ਬਾਵਾ ਦੀ ਦੇਖਰੇਖ ਹੇਠ ਜ਼ਿਲ੍ਹਾ ਪੱਧਰੀ ਸਾਇੰਸ ਪ੍ਰਦਰਸ਼ਨੀ ਮੁਕਾਬਲਾ ਸਕੂਲ ਆਫ ਐਮੀਨੈਂਸ ਲਾਡੋਵਾਲੀ ਰੋਡ ਜਲੰਧਰ ਵਿਖੇ ਕਰਵਾਇਆ ਗਿਆ, ਜਿਸ ’ਚ ਜ਼ਿਲ੍ਹਾ ਜਲੰਧਰ ਤੋਂ ਸਾਇੰਸ ਵਿਸ਼ੇ ਦੇ ਬਲਾਕ ਪੱਧਰੀ ਜੇਤੂ ਬੱਚਿਆਂ ਨੇ ਹਿੱਸਾ ਲਿਆ। ਇਸ ਜ਼ਿਲ੍ਹਾ ਪੱਧਰੀ ਮੁਕਾਬਲੇ ’ਚ ਸਰਕਾਰੀ ਮਿਡਲ ਸਕੂਲ ਤਲਵੰਡੀ ਬੂਟੀਆਂ ਤੋਂ ਸਾਇੰਸ ਮਾਸਟਰ ਜਗਜੀਤ ਸਿੰਘ ਦੀ ਅਗਵਾਈ ’ਚ 7ਵੀਂ ਜਮਾਤ ਦੀ ਵਿਦਿਆਰਥਣ ਪ੍ਰਵੀਨ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਇਸ ਮੌਕੇ ਸਕੂਲ ਮੁਖੀ ਨਵਦੀਪ ਸਿੰਘ ਨੇ ਸਾਇੰਸ ਮਾਸਟਰ ਜਗਜੀਤ ਸਿੰਘ ਤੇ ਜੇਤੂ ਵਿਦਿਆਰਥਣ ਪ੍ਰਵੀਨ ਕੌਰ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਇਹ ਸਾਡੇ ਸਕੂਲ ਲਈ ਬਹੁਤ ਮਾਣ ਵਾਲੀ ਗੱਲ ਹੈ। ਅਧਿਆਪਕਾਂ ਦੀ ਪ੍ਰੇਰਣਾ ਤੇ ਵਿਦਿਆਰਥਣ ਪ੍ਰਵੀਨ ਕੌਰ ਨੇ ਸਖਤ ਮਿਹਨਤ ਨਾਲ ਪਹਿਲਾ ਸਥਾਨ ਹਾਸਲ ਕਰ ਕੇ ਮਾਪਿਆਂ, ਸਕੂਲ ਤੇ ਇਲਾਕੇ ਦਾ ਨਾਂ ਰੌਸ਼ਨ ਕੀਤਾ ਹੈ। ਇਸ ਮੌਕੇ ਬਲਾਕ ਨੋਡਲ ਅਫਸਰ ਹਰਪ੍ਰੀਤ ਸਿੰਘ ਸੋਂਧੀ, ਬਲਾਕ ਨੋਡਲ ਅਫਸਰ ਜਸਪਾਲਜੀਤ ਕੌਰ, ਗੌਰਮਿੰਟ ਟੀਚਰ ਯੂਨੀਅਨ ਵਿਗਿਆਨਿਕ ਦੇ ਬਲਾਕ ਪ੍ਰਧਾਨ ਰਮਨ ਗੁਪਤਾ, ਡੀਪੀਈ ਪਰਮਿੰਦਰ ਸਿੰਘ, ਸੈਂਟਰ ਹੈੱਡ ਟੀਚਰ ਰਾਕੇਸ਼ ਕੁਮਾਰ ਖਹਿਰਾ, ਜ਼ਿਲ੍ਹਾ ਪ੍ਰਧਾਨ ਕੁਲਵਿੰਦਰ ਸਿੰਘ ਜੋਸਨ, ਜ਼ਿਲਾ ਸਕੱਤਰ ਕਮਲਜੀਤ ਸਿੰਘ ਸੰਗੋਵਾਲ, ਲੈਕਚਰਾਰ ਮੀਨਾਕਸ਼ੀ ਸ਼ਰਮਾ, ਵੀਰਪਾਲ ਸ਼ਰਮਾ, ਹਰਜੋਤ ਕੌਰ, ਮਮਤਾ ਗੁਪਤਾ, ਕੁਲਦੀਪ ਸਚਦੇਵਾ ਐੱਸਐੱਸ ਮਾਸਟਰ, ਗੁਰਮੀਤ ਸਿੰਘ ਸੈਂਹਬੀ, ਰਿਟਾਇਰਡ ਹੈੱਡ ਮਾਸਟਰ ਸਤਪਾਲ ਸਿੰਘ ਨੰਦੜਾ, ਸੁਖਵਿੰਦਰ ਸਿੰਘ ਨੰਦੜਾ ਚੀਫ ਬਿਜਲੀ ਬੋਰਡ, ਭਜਨ ਸਿੰਘ ਐੱਸਬੀਆਈ ਬੈਂਕ, ਡਾ. ਮਨਪ੍ਰੀਤ ਸਿੰਘ, ਡਾ. ਖੁਸ਼ਵੰਤ ਕੌਰ ਆਦਿ ਨੇ ਵੀ ਵਧਾਈ ਦਿੱਤੀ।