ਰਾਊਂਡ ਗਲਾਸ ਅਕੈਡਮੀ ਨੇ ਸਾਈ ਦਿੱਲੀ ਨੂੰ ਹਰਾ ਕੇ ਖਿਤਾਬ ’ਤੇ ਕਬਜ਼ਾ ਕੀਤਾ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਰਾਊਂਡ ਗਲਾਸ ਹਾਕੀ ਅਕੈਡਮੀ ਨੇ ਸਾਈ ਦਿੱਲੀ ਨੂੰ 3-0 ਦੇ ਫਰਕ ਨਾਲ ਹਰਾ ਕੇ 25ਵੇਂ ਉਲੰਪੀਅਨ ਮਹਿੰਦਰ ਸਿੰਘ ਮੁਨਸ਼ੀ ਹਾਕੀ ਟੂਰਨਾਮੈਂਟ ਦਾ ਖਿਤਾਬ ਜਿੱਤ ਲਿਆ ਹੈ। ਬੀਐੱਸਐੱਫ ਕੈਂਪਸ ਦੇ ਐਸਟਰੋਟਰਫ ਹਾਕੀ ਮੈਦਾਨ ਤੇ ਸਪੰਨ ਹੋਏ ਟੂਰਨਾਮੈਂਟ ’ਚ ਸਾਈ ਮਨੀਪੁਰ ਨੇ ਐੱਸਟੀਸੀ ਕੁਰੂਕਸ਼ੇਤਰ ਨੂੰ 3-2 ਨਾਲ ਹਰਾ ਕੇ ਤੀਜਾ ਸਥਾਨ ਹਾਸਲ ਕੀਤਾ। ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡ ਕੈਬਨਿਟ ਮੰਤਰੀ ਮਹਿੰਦਰ ਭਗਤ ਨੇ ਕੀਤੀ, ਜਦਕਿ ਨਗਰ ਨਿਗਮ ਜਲੰਧਰ ਦੇ ਮੇਅਰ ਵਿਨੀਤ ਧੀਰ ਨੇ ਸਮਾਰੋਹ ਦੀ ਪ੍ਰਧਾਨਗੀ ਕੀਤੀ। ਜੇਤੂ ਟੀਮ ਨੂੰ ਹੁਕਮ ਸਿੰਘ ਯਾਦਗਾਰੀ ਟਰਾਫੀ ਤੇ ੳਪੁ ਜੇਤੂ ਟੀਮ ਨੂੰ ਮਨਜੀਤ ਕੌਰ ਯਾਦਗਾਰੀ ਟਰਾਫੀ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਦੋਵੇਂ ਟਰਾਫੀਆਂ ਅਮਰਿੰਦਰਜੀਤ ਸਿੰਘ ਪ੍ਰਿੰਸ ਨੇ ਆਪਣੇ ਮਾਤਾ ਪਿਤਾ ਦੀ ਯਾਦ ’ਚ ਸਪਾਂਸਰ ਕੀਤੀ। ਰਾਊਂਡ ਗਲਾਸ ਦੇ ਜਰਮਨ ਸਿੰਘ ਨੂੰ ਟੂਰਨਾਮੇਂਟ ਦਾ ਸਰਬੋਤਮ ਖਿਡਾਰੀ ਐਲਾਨਿਆ ਗਿਆ। ਸਾਈ ਦਿੱਲੀ ਦੇ ਵਿਨੇ ਮਨੀਕਪੀਨਾਪੋਟੂਲਾ ਨੂੰ ਬੇਹਤਰੀਨ ਗੋਲ ਕੀਪਰ, ਰਾਊਂਡ ਗਲਾਸ ਦੇ ਅਮਨਦੀਪ ਨੂੰ ਬੇਹਤਰੀਨ ਫੁੱਲ ਬੈਕ, ਸਾਈ ਮਨੀਪੁਰ ਦੇ ਗੌਰਵ ਯਾਦਵ ਨੂੰ ਬੇਹਤਰੀਨ ਹਾਫ ਬੈਕ, ਸਾਈ ਦਿੱਲੀ ਦੇ ਲਿਸ਼ਮ ਮੈਕਸ ਸਿੰਘ ਨੂੰ ਬੇਹਤਰੀਨ ਫਾਰਵਰਡ ਐਲਾਨਿਆ ਗਿਆ। ਇਨ੍ਹਾਂ ਸਾਰਿਆਂ ਨੂੰ ਉਲੰਪੀਅਨ ਅਜੀਤਪਾਲ ਸਿੰਘ ਵੱਲੋਂ ਸਪਾਂਸਰ 10-10 ਹਜ਼ਾਰ ਰੁਪਏ ਨਕਦ ਦਾ ਇਨਾਮ ਦਿੱਤਾ ਗਿਆ। ਫਾਈਨਲ ਮੈਚ ’ਚ ਰਾਊਂਡ ਗਲਾਸ ਦਾ ਦਬਦਬਾ ਰਿਹਾ। ਖੇਡ ਦਾ ਪਹਿਲਾ ਹਾਫ 0-0 ’ਤੇ ਬਰਾਬਰ ਰਿਹਾ ਪਰ ਦੂਜੇ ਹਾਫ ’ਚ ਰਾਊਂਡ ਗਲਾਸ ਦੇ ਪ੍ਰਿੰਸ ਸਿੰਘ ਨੇ 32ਵੇਂ ਮਿੰਟ ’ਚ ਗੋਲ ਕਰਕੇ ਸਕੋਟ 1-0 ਕੀਤਾ। 50ਵੇਂ ਮਿੰਟ ’ਚ ਸੁਖਪ੍ਰੀਤ ਸਿਮਘ ਨੇ ਗੋਲ ਕਰਕੇ ਸਕੋਰ 2-0 ਕੀਤਾ। ਆਖਰੀ ਮਿੰਟ ’ਚ ਅਮਨਦੀਪ ਨੇ ਗੋਲ ਕਰਕੇ ਸਕੋਰ 3-0 ਕਰ ਕੇ ਖਿਤਾਬ ਜਿੱਤ ਲਿਆ। ਅੱਜ ਦੇ ਮੈਚਾਂ ਸਮੇਂ ਉਲੰਪੀਅਨ ਦਵਿੰਦਰ ਸਿੰਘ ਗਰਚਾ, ਸੁਖਵਿੰਦਰ ਸਿੰਘ, ਦਲਜੀਤ ਸਿੰਘ, ਅਮਰੀਕ ਸਿੰਘ ਪੁਆਰ ਜਨਰਲ ਸਕੱਤਰ ਹਾਕੀ ਪੰਜਾਬ, ਉਲੰਪੀਅਨ ਰਜਿੰਦਰ ਸਿੰਘ ਸੀਨੀਅਰ, ਉਲੰਪੀਅਨ ਸੰਜੀਵ ਕੁਮਾਰ, ਸਾਹਿਬ ਸਿੰਘ ਹੁੰਦਲ, ਜਸਵਿੰਦਰ ਸਿੰਘ ਪਟਵਾਰੀ, ਮਹਾਬੀਰ ਸਿੰਘ, ਸਤਪਾਲ ਮੁਨਸ਼ੀ, ਅਸ਼ਫਾਕ ਉਲਾ ਖਾਨ, ਧਰਮਪਾਲ ਸਿੰਘ, ਜੋਗਿੰਦਰ ਸਿੰਘ, ਸੰਦੀਪ ਸਿੰਘ, ਰਾਮ ਸਰਨ, ਹਰਿੰਦਰ ਸੰਘਾ, ਅਮਰਿੰਦਰਜੀਤ ਸਿੰਘ ਪ੍ਰਿੰਸ, ਸਾਹਿਲ ਸੇਠੀ, ਜਤਿੰਦਰ ਸਾਬੀ, ਧਰਮਿੰਦਰ ਸਿੰਘ, ਭੁਪਿੰਦਰ ਸਿੰਘ, ਕੁਲਜੀਤ ਸਿੰਘ ਰੰਧਾਵਾ, ਬਲਜੀਤ ਸਿੰਘ ਚੰਦੀ, ਮਨਦੀਪ ਸਿੰਘ, ਪਰਮਿੰਦਰ ਸਿੰਘ, ਰਿਪੁਦਮਨ ਕੁਮਾਰ ਸਿੰਘ, ਬਰਿੰਦਰ ਦੁਰੀਆ, ਕ੍ਰਿਪਾਲ ਸਿੰਘ ਮਠਾਰੂ, ਬਲਬੀਰ ਸਿੰਘ ਬੀਰਾ, ਅਵਤਾਰ ਸਿੰਘ, ਪਰਗਟ ਸਿੰਘ, ਗੁਰਪ੍ਰੀਤ ਸਿੰਘ ਲਵਲੀ, ਕੁਲਜੀਤ ਸਿੰਘ ਮੁਰੀ, ਗੁਰਮੀਤ ਸਿੰਘ, ਕੁਲਦੀਪ ਸਿੰਘ, ਰਜਿੰਦਰ ਸ਼ਰਮਾ, ਅਮਨਦੀਪ ਸਿੰਘ ਕੈਨੇਡਾ, ਭੁਪਿੰਦਰ ਸਿੰਘ ਕੈਨੇਡਾ, ਸਤਵਿੰਦਰ ਸਿੰਘ ਕੈਨੇਡਾ, ਬਲਜੋਤ ਸਿੰਘ, ਕੁਲਦੀਪ ਸਿੰਘ, ਨਰਿੰਦਰ ਸਿੰਘ ਬਾਂਸਲ, ਸਰਬਤੇਜ ਸਿੰਘ, ਹਰਪ੍ਰੀਤ ਸਿੰਘ ਤੇ ਸੁਰਿੰਦਰ ਸਿੰਘ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ।