ਚੰਗਿਆਈ ਤੇ ਬੁਰਾਈ ਨੂੰ ਲੋਕਾਂ ਦੇ ਸਾਹਮਣੇ ਰੱਖਦੈ ਸਾਹਿਤ : ਸ਼ਰਮਾ

--- ਪੰਕਸ ਅਕਾਦਮੀ ਦੇ 29ਵੇਂ ਸਾਲਾਨਾ ਸਮਾਗਮ ’ਚ ਬਹਾਦਰੀ, ਸਾਹਿਤ ਤੇ ਸੇਵਾ ਦੇ ਬਜ਼ੁਰਗਾਂ ਨੂੰ ਸਨਮਾਨਿਤ ਕੀਤਾ

---ਪੁਲਿਸ ਕਮਿਸ਼ਨਰ ਧਨਪ੍ਰੀਤ ਕੌਰ ਨੂੰ ਬਹਾਦਰੀ ਸਨਮਾਨ, ਨਵਜੋਤ ਸਿੰਘ ਨੂੰ ਮਨਵ ਸੇਵਾ ਰਤਨ ਸਨਮਾਨ ਤੇ ਡਾ.ਈਸ਼ਦੀਪ ਕੌਰ ਨੂੰ ਸਨਮਾਨਿਤ ਕੀਤਾ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਸਿੱਖ ਧਰਮ ਦੇ ਨੌਵੇਂ ਗੁਰੂ ਸ਼੍ਰੀ ਗੁਰੂ ਤੇਗ ਬਹਾਦੁਰ ਜੀ ਦੇ 350ਵੇਂ ਬਲਿਦਾਨ ਦਿਵਸ ਨੂੰ ਸਮਰਪਿਤ ਪੰਕਸ ਅਕਾਦਮੀ ਦੇ 29ਵੇਂ ਸਲਾਨਾ ਸਨਮਾਨ ਸਮਾਗਮ ਜਲੰਧਰ ’ਚ ਕਰਵਾਇਆ। ਇਸ ’ਚ ਗੁਰੂ ਸਾਹਿਬ ਦੇ ਲਾਮਿਸਾਲ ਬਲਿਦਾਨ ਨੂੰ ਨਮਨ ਕਰਦਿਆਂ ਬੁਲਾਰਿਆਂ ਨੇ ਪੰਜਾਬ ਕਲਾ ਤੇ ਸਾਹਿਤ ਅਕਾਦਮੀ ਦੀ 37 ਸਾਲਾਂ ਦੀ ਲਗਾਤਾਰ ਸਾਧਨਾ ਦੀ ਸ੍ਰੇਸ਼ਠਤਾ ਦੀ ਪ੍ਰਸ਼ੰਸਾ ਕੀਤੀ। ਸਮਾਗਮ ’ਚ ਦੈਨਿਕ ਜਾਗਰਣ ਦੇ ਸਥਾਨਕ ਸੰਪਾਦਕ ਅਮਿਤ ਸ਼ਰਮਾ ਨੇ ਕਿਹਾ ਕਿ ਸ਼੍ਰੀ ਗੁਰੂ ਤੇਗ ਬਹਾਦੁਰ ਜੀ ਸਾਰੀ ਦੁਨੀਆ ਲਈ ਵੱਡੀ ਪ੍ਰੇਰਣਾ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਾਹਿਤ ਸਮਾਜ ’ਚ ਚੰਗਿਆਈ ਤੇ ਬੁਰਾਈ ਨੂੰ ਲੋਕਾਂ ਦੇ ਸਾਹਮਣੇ ਰੱਖਦਾ ਹੈ।

ਪੰਕਸ ਅਕਾਦਮੀ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਇਹ ਹਿੰਦੀ ਲਈ ਸਮਰਪਿਤ ਸੰਸਥਾ ਦਾ ਸਮਾਗਮ ਸਾਹਿਤਕਾਰਾਂ ਦਾ ਮੰਚ ਹੈ। ਸੀਨੀਅਰ ਪੱਤਰਕਾਰ ਸਤਨਾਮ ਸਿੰਘ ਮਾਣਕ ਨੇ ਗੁਰੂ ਤੇਗ ਬਹਾਦੁਰ ਜੀ ਨੂੰ ਭਾਰਤ ਦੀ ਚਾਦਰ ਵਜੋਂ ਦਰਸਾਇਆ। ਜਲੰਧਰ ਕਾਂਗਰਸ (ਸ਼ਹਿਰੀ) ਦੇ ਪ੍ਰਧਾਨ ਰਾਜਿੰਦਰ ਬੇਰੀ ਤੇ ਪੰਜਾਬ ਦੇ ਸਾਬਕਾ ਮੰਤਰੀ ਮਨੋਰੰਜਨ ਕਾਲੀਆ ਨੇ ਪੰਕਸ ਅਕਾਦਮੀ ਦੇ ਰਜਿਸਟ੍ਰੇਸ਼ਨ ਤੋਂ ਬਾਅਦ ਇਸਦੇ ਅਦਭੁਤ ਸਾਹਿਤਕ ਯਾਤਰਾ ਨੂੰ ਯਾਦ ਕਰਦਿਆਂ ਸਿਮਰ ਸਦੋਸ਼ ਸਫਰੀ ਪਰਿਵਾਰ ਵੱਲੋਂ ਨਿਭਾਈ ਜਾ ਰਹੀ ਸਾਹਿਤਕ ਵਿਰਾਸਤ ਦੀ ਪ੍ਰਸ਼ੰਸਾ ਕੀਤੀ। ਅਕਾਦਮੀ ਦੀ ਸਥਾਪਨਾ ਸਾਲ 1987 ’ਚ ਕੀਤੀ ਗਈ ਸੀ ਤੇ ਇਹ ਇਸ ਦਾ 29ਵਾਂ ਸਾਲਾਨਾ ਸਨਮਾਨ ਸਮਾਗਮ ਸੀ।

ਹਿਮਾਚਲ ਪ੍ਰਦੇਸ਼ ਦੇ ਸਾਬਕਾ ਮੰਤਰੀ ਠਾਕੁਰ ਸਤਿਆ ਪ੍ਰਕਾਸ਼, ਜੋ ਪਿਛਲੇ 25 ਸਾਲਾਂ ਤੋਂ ਲਗਾਤਾਰ ਇਸ ਸਮਾਗਮ ਦਾ ਹਿੱਸਾ ਰਹੇ ਹਨ, ਨੇ ਗੁਰੂ ਤੇਗ ਬਹਾਦੁਰ ਜੀ ਨੂੰ ਸਾਰੀ ਦੁਨੀਆ ਲਈ ਅਮਰ ਆਧਿਆਤਮਿਕ ਪ੍ਰੇਰਣਾ ਵਜੋਂ ਦਰਸਾਇਆ। ਉਨ੍ਹਾਂ ਕਿਹਾ ਕਿ ਪਿਛਲੇ 30 ਸਾਲਾਂ ’ਚ ਸਿਮਰ ਸਦੋਸ਼ ਸਫਰੀ ਨੇ ਇਕੱਲੇ ਇਸ ਯਾਤਰਾ ਦੀ ਸ਼ੁਰੂਆਤ ਕਰਕੇ ਸਾਹਿਤ ਅਤੇ ਸੱਭਿਆਚਾਰ ਦੇ ਇਸ ਕਾਰਵਾਂ ਨੂੰ ਵਿਸ਼ਾਲ ਰੂਪ ਦੇ ਦਿੱਤਾ ਹੈ। ਕਾਰਜਕ੍ਰਮ ਦੀ ਸ਼ੁਰੂਆਤ ਸਵਰਗੀ ਸੰਤੋਖ ਸਿੰਘ ਸਫਰੀ, ਸੰਸਥਾਪਕ ਸੁਦਰਸ਼ਨ, ਪਰਮਿੰਦਰਜੀਤ ਕੌਰ, ਅਵਤਾਰ ਸਿੰਘ ਤੇ ਮਾਰਗਦਰਸ਼ਕ ਸਵਰਗੀ ਠਾਕੁਰ ਦੱਤ ਸ਼ਰਮਾ ਆਲੋਕ ਨੂੰ ਮੌਨ ਸ਼ਰਧਾਂਜਲੀ ਭੇਟ ਕਰਕੇ ਕੀਤੀ ਗਈ। ਪੰਜਾਬ ਦੀ ਪੁਰਾਤਨ ਪਰੰਪਰਾਵਾਂ ਦੇ ਅਨੁਸਾਰ ਮਹਿਮਾਨਾਂ ਦਾ ਸਵਾਗਤ ਫੁਲਕਾਰੀ ਦੇ ਕੇ ਕੀਤਾ ਗਿਆ ਤੇ ਜੋਤ ਜਗਾਉਣ ਨਾਲ ਸਮਾਗਮ ਦਾ ਸ਼ੁਭ ਆਰੰਭ ਹੋਇਆ। ਸੰਸਥਾ ਦੇ ਆਲ ਇੰਡੀਆ ਡਾਇਰੈਕਟਰ ਡਾ. ਜਗਦੀਪ ਸਿੰਘ ਤੇ ਨਰੇਸ਼ ਮਿਹਰਾ ਨੇ ਦੱਸਿਆ ਕਿ ਇਸ ਸਾਲ ਦਾ ਬਹਾਦਰੀ ਸਨਮਾਨ ਜਲੰਧਰ ਦੀ ਪੁਲਿਸ ਕਮਿਸ਼ਨਰ ਧਨਪ੍ਰੀਤ ਕੌਰ (ਆਈ.ਪੀ.ਐੱਸ) ਨੂੰ ਨਾਰੀ ਸ਼ਕਤੀ ਦੇ ਰੂਪ ’ਚ ਦਿੱਤਾ ਗਿਆ।

ਨਾਰੀ ਨਿਕੇਤਨ ਦੀ ਸੀਈਓ ਨਵਿਤਾ ਜੋਸ਼ੀ ਨੂੰ ਰਾਸ਼ਟਰੀ ਸ਼ਕਤੀ-ਸ਼੍ਰੇਸ਼ਠੀ ਪੁਰਸਕਾਰ ਤੇ ਕੁੱਲੂ ਦੇ ਉਪ ਪ੍ਰਧਾਨ ਰੋਹਿਤ ਠਾਕੁਰ ਨੂੰ ਰਾਸ਼ਟਰੀ ਸਹਿਕਾਰੀ ਪੁਰਸਕਾਰ ਦਿੱਤਾ ਗਿਆ। ਸੰਸਥਾ ਦਾ ਸਰਬਉੱਚ ਸਨਮਾਨ, ਰਾਸ਼ਟਰੀ ਮਾਨਵ ਸੇਵਾ ਰਤਨ, ਨੌਜਵਾਨ ਪ੍ਰੇਰਕ ਨਵਜੋਤ ਸਿੰਘ ਅਤੇ ਡਾ. ਇਸ਼ਦੀਪ ਕੌਰ ਨੂੰ ਪ੍ਰਦਾਨ ਕੀਤਾ ਗਿਆ। ਰਾਸ਼ਟਰੀ ਕਰਮ ਸ੍ਰੇਸ਼ਠ ਸਨਮਾਨ ਪਰਵਿੰਦਰ ਕੌਰ ਨੂੰ ਪ੍ਰਦਾਨ ਕੀਤਾ ਗਿਆ। ਅਕੈਡਮੀ ਦੇ ਪ੍ਰਧਾਨ ਸਿਮਰ ਸਦੋਸ਼ ਸਫਾਰੀ ਨੇ ਦੱਸਿਆ ਕਿ ਇਸ ਸਾਲ ਦਾ ਰਾਸ਼ਟਰੀ ਬਹਾਦਰੀ ਪੁਰਸਕਾਰ ਆਈਪੀਐੱਸ ਅਧਿਕਾਰੀ ਸੰਦੀਪ ਸ਼ਰਮਾ ਨੂੰ ਤੇ ਰਾਸ਼ਟਰੀ ਸੁਰੱਖਿਆ ਪੁਰਸਕਾਰ ਪੀਪੀਐੱਸ ਅਧਿਕਾਰੀ ਨਵਜੋਤ ਸਿੰਘ ਮਾਹਲ ਨੂੰ ਦਿੱਤਾ ਗਿਆ। ਭਾਰਤ ਗੌਰਵ ਸਨਮਾਨ ਅਪਾਹਜ ਆਸ਼ਰਮ ਦੇ ਚੇਅਰਮੈਨ ਤਰਸੇਮ ਕਪੂਰ ਤੇ ਫਲੋਰੀਡਾ, ਅਮਰੀਕਾ ਤੋਂ ਕਾਦੰਬਰੀ ਆਦੇਸ਼ ਨੂੰ ਪ੍ਰਦਾਨ ਕੀਤਾ ਗਿਆ। ਲਾਈਫ ਟਾਈਮ ਅਚੀਵਮੈਂਟ ਪੁਰਸਕਾਰ ਪ੍ਰਸਿੱਧ ਲੇਖਕ ਬਲਜੀਤ ਸੈਲੀ ਨੂੰ ਪ੍ਰਦਾਨ ਕੀਤਾ ਗਿਆ, ਤੇ ਰਾਸ਼ਟਰੀ ਮੀਡੀਆ ਪੁਰਸਕਾਰ ਪੀਟੀਸੀ ਪੰਜਾਬ ਦੇ ਸੀਈਓ ਹਰਪ੍ਰੀਤ ਸਿੰਘ ਨੂੰ ਦਿੱਤਾ ਗਿਆ। ਸਿੱਖਿਆ ਰਤਨ ਪੁਰਸਕਾਰ ਪ੍ਰਿੰਸੀਪਲ ਇੰਦਰਜੀਤ ਤਲਵਾਰ ਤੇ ਜੀਐੱਨਡੀਯੂ ਵਿਖੇ ਹਿੰਦੀ ਵਿਭਾਗ ਦੇ ਮੁਖੀ ਪ੍ਰੋਫੈਸਰ ਸੁਨੀਲ ਨੂੰ ਦਿੱਤਾ ਗਿਆ। ਨੇਤਰਾਮ ਭਾਰਤੀ ਨੂੰ ਛੋਟੀਆਂ ਕਹਾਣੀਆਂ ਦੇ ਖੇਤਰ ’ਚ ਰਾਸ਼ਟਰੀ ਲਘੂ ਕਹਾਣੀ ਸ੍ਰੇਸ਼ਠ ਪੁਰਸਕਾਰ ਦਿੱਤਾ ਗਿਆ, ਜਦੋਂ ਕਿ ਦੇਸ਼ ਭਰ ਦੇ ਕਈ ਲੇਖਕਾਂ ਨੂੰ ਸਰਵਉੱਚ ਰਾਸ਼ਟਰੀ ਪੰਕਾਸ ਅਕੈਡਮੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਪੱਤਰਕਾਰੀ ਸ਼੍ਰੋਮਣੀ ਪੁਰਸਕਾਰ ਰਮਨ ਮੀਰ ਨੂੰ ਪ੍ਰਦਾਨ ਕੀਤਾ ਗਿਆ ਤੇ ਵਿਸ਼ੇਸ਼ ਪੱਤਰਕਾਰੀ ਪੁਰਸਕਾਰ ਸ਼ਿਵ ਸ਼ਰਮਾ ਤੇ ਸ਼ੈਲੇਸ਼ ਤਿਵਾੜੀ ਨੂੰ ਦਿੱਤਾ ਗਿਆ। ਇਸ ਸਮਾਗਮ ’ਚ 18 ਬੱਚਿਆਂ ਨੂੰ ਤਿੰਨ-ਤਿੰਨ ਹਜ਼ਾਰ ਰੁਪਏ ਦੇ ਵਜ਼ੀਫ਼ੇ ਤੇ ਉੱਚ ਸਿੱਖਿਆ ਲਈ ਅਧਿਐਨ ਸਮੱਗਰੀ ਪ੍ਰਦਾਨ ਕੀਤੀ ਗਈ। ਸਮਾਗਮ ਦੌਰਾਨ ਮੇਲਾ ਦੇਸ ਪੰਜਾਬ ਦਾ ਦਾ ਇਕ ਸੁੰਦਰ ਪ੍ਰਦਰਸ਼ਨ ਕੀਤਾ ਗਿਆ ਤੇ ਪੂਰੇ ਸਮੇਂ ਇਕ ਪੰਜਾਬੀ ਸਦਭਾਵਨਾ ਲੰਗਰ ਵਰਤਾਇਆ ਗਿਆ।