ਕੇਐੱਮਵੀ ਦੀਆਂ ਵਿਦਿਆਰਥਣਾਂ ਦੀ ਪਬਲਿਕ ਪਾਲਿਸੀ ਇੰਟਰਨ ਵਜੋਂ ਚੋਣ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਕੇਐੱਮਵੀ ਆਪਣੇ ਮਿਸ਼ਨ ਦੇ ਹਿੱਸੇ ਵਜੋਂ ਔਰਤਾਂ ਨੂੰ ਗਿਆਨਵਾਨ ਤੇ ਸ਼ਕਤੀਸ਼ਾਲੀ ਬਣਾਉਣ ਲਈ ਅਣਥੱਕ ਯਤਨ ਕਰਦਾ ਹੈ। ਕੇਐੱਮਵੀ ਆਪਣੀਆਂ ਵਿਦਿਆਰਥਣਾਂ ਨੂੰ ਵਿਸ਼ਵ ਪੱਧਰ ’ਤੇ ਰੁਜ਼ਗਾਰ ਦੇ ਕਾਬਲ ਬਣਾਉਣ ਲਈ ਵਚਨਬੱਧ ਹੈ ਤੇ ਉਨ੍ਹਾਂ ਨੂੰ ਮੁਕਾਬਲੇ ਵਾਲੀ ਦੁਨੀਆ ’ਚ ਕੰਮ ਕਰਨ ਤੇ ਇਕ ਬਿਹਤਰ ਸਮਾਜ ਲਈ ਯੋਗਦਾਨ ਪਾਉਣ ਦਾ ਹਰ ਮੌਕਾ ਪ੍ਰਦਾਨ ਕਰਦਾ ਹੈ। ਇਕ ਹੋਰ ਵੱਡੀ ਪ੍ਰਾਪਤੀ ਕਰਦਿਆਂ, ਐੱਮ-ਵੋਕ (ਐਨੀਮੇਸ਼ਨ ਤੇ ਵੀਐੱਫਐਕਸ) ਦੀਆਂ ਦੋ ਵਿਦਿਆਰਥਣਾਂ ਬਸੰਤਪ੍ਰੀਤ ਕੌਰ ਤੇ ਨਿਕਿਤਾ ਨੂੰ ਡਿਪਟੀ ਕਮਿਸ਼ਨਰ ਜਲੰਧਰ ਦੇ ਦਫ਼ਤਰ ’ਚ ਪਬਲਿਕ ਪਾਲਿਸੀ ਇੰਟਰਨ ਵਜੋਂ ਚੁਣਿਆ ਗਿਆ ਹੈ। ਉਹ ਦੋਵੇਂ ਸਰਕਾਰੀ ਸਕੀਮਾਂ ਨੂੰ ਲਾਗੂ ਕਰਨ, ਫੀਡਬੈਕ/ਅੰਤਰ-ਦ੍ਰਿਸ਼ਟੀਆਂ ਤੇ ਕੰਮ ਕਰਨਗੀਆਂ ਤੇ ਪੰਜਾਬ ਸਰਕਾਰ ਦੇ ਵਿਕਾਸ ਪ੍ਰੋਗਰਾਮਾਂ ਦੀ ਪਹੁੰਚ ’ਚ ਯੋਗਦਾਨ ਪਾਉਣਗੀਆਂ। ਪ੍ਰੋ. ਅਤਿਮਾ ਸ਼ਰਮਾ ਦਿਵੇਦੀ ਨੇ ਦੋਵਾਂ ਵਿਦਿਆਰਥਣਾਂ ਨੂੰ ਉਨ੍ਹਾਂ ਦੀ ਚੋਣ ’ਤੇ ਵਧਾਈ ਦਿੱਤੀ। ਉਨ੍ਹਾਂ ਨੇ ਦੋਵਾਂ ਨੂੰ ਸਲਾਹ ਦਿੱਤੀ ਕਿ ਉਹ ਇਸ ਵੱਕਾਰੀ ਯਾਤਰਾ ’ਚ ਪੂਰੀ ਇਮਾਨਦਾਰੀ ਤੇ ਅਤਿ ਸਮਰਪਣ ਨਾਲ ਕੰਮ ਕਰਨ, ਨਾਲ ਹੀ ਅਧਿਕਾਰਤ ਡਾਟਾ ਦੀ ਗੁਪਤਤਾ ਵੀ ਬਣਾਈ ਰੱਖਣ। ਪ੍ਰੋ. ਦਿਵੇਦੀ ਨੇ ਵਿਦਿਆਰਥਣਾਂ ਦੇ ਪੇਸ਼ੇਵਰ ਵਿਕਾਸ ਤੇ ਬਿਹਤਰੀ ਲਈ ਲਗਾਤਾਰ ਮਾਰਗਦਰਸ਼ਨ ਕਰਨ ਵਾਸਤੇ ਡਾ. ਸੁਮਨ ਖੁਰਾਣਾ ਡੀਨ ਪਲੇਸਮੈਂਟ ਦੇ ਯਤਨਾਂ ਦੀ ਵੀ ਸ਼ਲਾਘਾ ਕੀਤੀ।