ਗੈਂਗਸਟਰ ਨੇ ਡਾਕਟਰ ਕੋਲੋਂ ਮੰਗੀ 2 ਕਰੋੜ ਦੀ ਫਿਰੌਤੀ

ਰਾਕੇਸ਼ ਗਾਂਧੀ, ਪੰਜਾਬੀ ਜਾਗਰਣ, ਜਲੰਧਰ : ਗੈਂਗਸਟਰ ਨੇ ਸ਼ਹਿਰ ਦੇ ਮੋਹਰੀ ਡਾਕਟਰ ਤੋਂ 2 ਕਰੋੜ ਰੁਪਏ ਦੀ ਫਿਰੌਤੀ ਮੰਗੀ ਹੈ, ਉਸਨੂੰ ਜਾਨੋਂ ਮਾਰਨ ਦੀ ਸਹੁੰ ਖਾਧੀ ਹੈ। ਡਾਕਟਰ ਨੇ ਤੁਰੰਤ ਪੁਲਿਸ ਕਮਿਸ਼ਨਰ ਧਨਪ੍ਰੀਤ ਕੌਰ ਕੋਲ ਸ਼ਰਨ ਲਈ ਤੇ ਸਭ ਕੁਝ ਦੱਸ ਦਿੱਤਾ। ਡਰ ਦੇ ਮਾਰੇ ਡਾਕਟਰ ਨੇ ਆਪਣੇ ਆਲੀਸ਼ਾਨ ਮਾਡਲ ਟਾਊਨ ਘਰ ਦੇ ਆਲੇ-ਦੁਆਲੇ ਬਿਜਲੀ ਦੀ ਵਾੜ ਕਰ ਲਈ ਹੈ। ਪਿਛਲੇ ਕਈ ਦਿਨਾਂ ਤੋਂ ਉਸ ਨੇ ਗੇਟ ਵੀ ਨਹੀਂ ਪਾਰ ਕੀਤਾ। ਪੁਲਿਸ ਤੁਰੰਤ ਹਰਕਤ ’ਚ ਆ ਗਈ ਡਾਕਟਰ ਦੇ ਘਰ ਦੇ ਆਲੇ-ਦੁਆਲੇ ਭਾਰੀ ਫੋਰਸ ਤਾਇਨਾਤ ਕੀਤੀ ਗਈ ਹੈ। ਉਸ ਦਾ ਹਸਪਤਾਲ ਗੁਰੂ ਨਾਨਕ ਮਿਸ਼ਨ ਚੌਕ ਨੇੜੇ ਸਥਿਤ ਹੈ ਤੇ ਇਕ ਰਿਸ਼ਤੇਦਾਰ ਦਾ ਦੋਪਹੀਆ ਵਾਹਨ ਦਾ ਸ਼ੋਅਰੂਮ ਵੀ ਸ਼ਹਿਰ ’ਚ ਹੈ। ਜਦਕਿ ਅਜੇ ਤੱਕ ਐੱਫਆਈਆਰ ਦੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ।