ਭਿੰਡਰ ਟੀਮ ਨੇ ਕੀਤਾ ‘ਸ਼ਾਹਕੋਟ ਫੁੱਟਬਾਲ ਕੱਪ’ ’ਤੇ ਕਬਜ਼ਾ

ਪ੍ਰਿਤਪਾਲ ਸਿੰਘ, ਪੰਜਾਬੀ ਜਾਗਰਣ, ਸ਼ਾਹਕੋਟ: ਆਜ਼ਾਦ ਸਪੋਰਸਟ ਕਲੱਬ ਸ਼ਾਹਕੋਟ ਵੱਲੋਂ ਐੱਨਆਰਆਈ ਵੀਰਾਂ ਦੇ ਸਹਿਯੋਗ ਨਾਲ ਤਹਿਸੀਲ ਗਰਾਊਂਡ ਸ਼ਾਹਕੋਟ ’ਚ ਕਰਵਾਇਆ ਚਾਰ ਰੋਜ਼ਾ ਮੰਗਤ ਰਾਏ ਮੰਗੀ ਯਾਦਗਾਰੀ ‘ਫੁੱਟਬਾਲ ਕੱਪ’ ਅਮਿੱਟ ਯਾਦਾਂ ਛੱਡਦਾ ਸਮਾਪਤ ਹੋ ਗਿਆ। ਚਾਰ ਦਿਨ ਚੱਲੇ ਟੂਰਨਾਮੈਂਟ ’ਚ ਦੂਰੋਂ-ਦੂਰੋਂ ਆਈਆਂ ਟੀਮਾਂ ਨੇ ਵਧੀਆ ਪ੍ਰਦਰਸ਼ਨ ਕੀਤਾ। ਓਪਨ ਦੇ ਫਾਈਨਲ ਮੁਕਾਬਲੇ ‘ਚ ਪਿੰਡ ਭਿੰਡਰ ਦੀ ਟੀਮ ਨੇ ਹੁਸੈਨਾਬਾਦ ਨੂੰ ਹਰਾ ਕੇ ਸ਼ਾਹਕੋਟ ਫੁੱਟਬਾਲ ਕੱਪ ‘ਤੇ ਕਬਜ਼ਾ ਕਰਦਿਆਂ 51 ਹਜ਼ਾਰ ਰੁਪਏ ਤੇ ਟਰਾਫੀ ਜਿੱਤੀ ਜਦਕਿ ਉੱਪ ਜੇਤੂ ਟੀਮ ਨੂੰ 31 ਹਜ਼ਾਰ ਤੇ ਟਰਾਫੀ ਨਾਲ ਸਨਮਾਨਿਤ ਕੀਤਾ ਗਿਆ। ਇਸੇ ਤਰ੍ਹਾਂ 56 ਕਿੱਲੋ ਭਾਰ ਵਰਗ ਦੇ ਫਾਈਨਲ ਮੁਕਾਬਲੇ ਵਿਚ ਧਰਾਂਗਵਾਲਾ ਨੇ ਬਾਠ ਕਲਾਂ ਨੂੰ ਹਰਾ ਕੇ 21 ਹਜ਼ਾਰ ਰੁਪਏ ਤੇ ਟਰਾਫੀ ਜਿੱਤੀ ਜਦਕਿ ਬਾਠ ਕਲਾਂ ਟੀਮ ਨੂੰ 15 ਹਜ਼ਾਰ ਰੁਪਏ ਨਕਦ ਰਾਸ਼ੀ ਨਾਲ ਸਨਮਾਨਿਤ ਕੀਤਾ ਗਿਆ। ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡ ਕਲੱਬ ਦੇ ਪ੍ਰਧਾਨ ਬੂਟਾ ਸਿੰਘ ਕਲਸੀ ਐੱਮਸੀ, ਸਰਪ੍ਰਸਤ ਬਲਕਾਰ ਸਿੰਘ ਚੱਠਾ ਚੇਅਰਮੈਨ ਮਾਰਕੀਟ ਕਮੇਟੀ ਮਹਿਤਪੁਰ, ਐੱਸਐੱਚਓ ਬਲਵਿੰਦਰ ਸਿੰਘ ਭੁੱਲਰ, ਸਾਬਕਾ ਐੱਮਸੀ ਜਤਿੰਦਰਪਾਲ ਬੱਲਾ ਤੇ ਹੋਰਨਾਂ ਪ੍ਰਮੁੱਖ ਸ਼ਖਸੀਅਤਾਂ ਅਤੇ ਕਲੱਬ ਅਹੁਦੇਦਾਰਾਂ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਨਗਰ ਪੰਚਾਇਤ ਸ਼ਾਹਕੋਟ ਦੇ ਸਾਬਕਾ ਪ੍ਰਧਾਨ ਸਤੀਸ਼ ਰਿਹਾਨ ਨੇ ਕਿਹਾ ਕਿ ਆਜ਼ਾਦ ਸਪੋਰਟਸ ਕਲੱਬ ਵੱਲੋਂ ਪਿਛਲੇ ਲੰਬੇ ਸਮੇਂ ਤੋਂ ਫੁੱਟਬਾਲ ਖੇਡ ਨੂੰ ਪ੍ਰਫੁੱਲਿਤ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਲੱਬ ਵੱਲੋਂ ਨੌਜਵਾਨਾਂ ਨੂੰ ਖੇਡਾਂ ਨਾਲ ਜੋੜ ਕੇ ਰੱਖਣ ਦੇ ਕੀਤੇ ਜਾ ਰਹੇ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਫੁੱਟਬਾਲ ਓਪਨ ਦੇ ਇਨਾਮ ਸਿਮਰਨ ਚਤਰੱਥ ਕੈਨੇਡਾ ਤੇ ਜਤਿੰਦਰ ਅਹੀਰ ਅਨੂੰ ਵੱਲੋਂ ਸਪਾਂਸਰ ਕੀਤੇ ਗਏ ਜਦਕਿ 56 ਕਿੱਲੋ ਭਾਰ ਵਰਗ ਦੇ ਇਨਾਮ ਸੁਰਿੰਦਰਪਾਲ ਸਿੰਘ ਰਾਜਾ ਸਰਪੰਚ ਸ਼ੇਖੇਵਾਲ ਅਤੇ ਨਰਿੰਦਰ ਸਿੰਘ ਖਿੰਡਾ ਵੱਲੋਂ ਸਪਾਂਸਰ ਕੀਤੇ ਗਏ। ਇਸ ਤੋਂ ਇਲਾਵਾ ਜ਼ਿਲ੍ਹਾ ਉੱਪ ਮੰਡੀ ਅਫਸਰ ਤਜਿੰਦਰ ਕੁਮਾਰ ਵੱਲੋਂ ਵੀ ਕੱਪ ਕਰਵਾਉਣ ਲਈ ਭਰਵਾਂ ਸਹਿਯੋਗ ਦਿੱਤਾ ਗਿਆ। ਕਲੱਬ ਦੇ ਪ੍ਰਧਾਨ ਬੂਟਾ ਸਿੰਘ ਕਲਸੀ ਨੇ ਸਮੂਹ ਸਪਾਂਸਰਾਂ ਤੇ ਆਈਆਂ ਹੋਈਆਂ ਸ਼ਖ਼ਸੀਅਤਾਂ ਦਾ ਧੰਨਵਾਦ ਕੀਤਾ। ਮਾ: ਵਿਜੈ ਵਿੱਗ ਨੇ ਸਟੇਜ ਸਕੱਤਰ ਦੀ ਭੂਮਿਕਾ ਬਾਖ਼ੂਬੀ ਨਿਭਾਈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮੰਡੀ ਕਮੇਟੀ ਦੇ ਪ੍ਰਧਾਨ ਪਵਨ ਅਗਰਵਾਲ, ਤਰਲੋਕ ਸਿੰਘ ਰੂਪਰਾ ਪ੍ਰਧਾਨ ਰਾਮਗੜ੍ਹੀਆ ਸਕੂਲ, ਮਨਜੀਤ ਸਿੰਘ ਡਾਇਰੈਕਟਰ, ਸਮਾਜ ਸੇਵਕ ਮਦਨ ਲਾਲ ਅਰੋੜਾ, ਐੱਮਸੀ ਰਾਖੀ ਮੱਟੂ, ਸੁਰਿੰਦਰ ਵਿੱਗ ਸੀਐੱਚਟੀ, ਮੰਗਤ ਰਾਜ ਏਐੱਸਆਈ, ਖ਼ਜ਼ਾਨਚੀ ਬਖ਼ਸ਼ੀਸ਼ ਸਿੰਘ ਝੀਤਾ, ਗਗਨਦੀਪ ਸੈਦਪੁਰੀ, ਲੈਕਚਰਾਰ ਲਖਬੀਰ ਸਿੰਘ ਝੀਤਾ, ਨਛੱਤਰ ਸਿੰਘ ਮੀਤ ਮੋਟਰ, ਹਰਦੇਵ ਸਿੰਘ ਪੀਟਾ ਸਾਬਕਾ ਐੱਮਸੀ, ਜਸਵੰਤ ਰਾਏ ਰਿਟਾ: ਜੇਈ, ਮਨਦੀਪ ਸਿੰਘ ਕੋਟਲੀ ਕਲਰਕ, ਡਾ. ਨਵਨੀਤ ਸ਼ਰਮਾ, ਗੁਰਮੇਜ ਲਾਲ ਹੀਰ, ਸੁਰਿੰਦਰ ਭੱਟੀ, ਸੇਵਾ ਸਿੰਘ ਝੀਤਾ, ਬਲਦੇਵ ਸਿੰਘ ਝੀਤਾ, ਸਵਰਨ ਸਿੰਘ ਝੀਤਾ, ਧਰਮਿੰਦਰ ਕੁਮਾਰ ਪੱਪੂ, ਹਰਜਿੰਦਰ ਸਿੰਘ ਜਿੰਦੀ, ਸੰਦੀਪ ਕੁਮਾਰ, ਸਰਪੰਚ ਬਲਦੇਵ ਰਾਜ ਹਾਜੀਪੁਰ, ਮੰਗਾ ਮੱਟੂ, ਅਨਮੋਲ ਖਿੰਡਾ, ਗੁਰਦੀਪ ਸਿੰਘ ਗਰੇਵਾਲ, ਮਨਦੀਪ ਰਾਏ, ਮਲਕੀਤ ਸਿੰਘ ਜੱਸਲ ਆਦਿ ਹਾਜ਼ਰ ਸਨ।