ਭਾਈ ਮਸੀਤੀ ਨੇ ਆਪਣਾ ਸਰੀਰ ਕੀਤਾ ਦਾਨ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਟਾਂਡਾ ਉੜਮੁੜ: ਸਰਕਾਰ ਵੱਲੋਂ ਵੀ ਅੱਖਾਂ ਦਾਨ, ਸਰੀਰ ਦਾਨ, ਤੇ ਅੰਗ ਦਾਨ ਕਰਨ ਦੇ ਸਬੰਧ ਵਿੱਚ ਸੂਬੇ ਅੰਦਰ ਇਸ ਸਬੰਧੀ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਕਿਉਂਕਿ ਕਿਸੇ ਵੀ ਮੁਲਕ ਦੇ ਕੋਲੋਂ ਅਜੇ ਤੱਕ ਸਰੀਰ ਦਾ ਕੋਈ ਵੀ ਅੰਗ ਨਹੀਂ ਬਣਾਇਆ ਗਿਆ। ਪਰ ਮੌਤ ਤੋਂ ਬਾਅਦ ਅਸੀਂ ਕਰੋੜਾਂ ਅੰਗਾਂ ਨੂੰ ਜੋ ਸਰੀਰ ਦੇ ਅੰਦਰ ਨੇ ਉਹਨਾਂ ਨੂੰ ਹੁਣ ਤੱਕ ਜਲਾ ਚੁੱਕੇ ਹਾਂ, ਜੇਕਰ ਅਸੀਂ ਇਹਨਾਂ ਅੰਗਾਂ ਨੂੰ ਦਾਨ ਕਰ ਦਿੰਦੇ ਤੇ ਕਰੋੜਾਂ ਮਿਲੀਅਨ ਲੋਕਾਂ ਨੂੰ ਅਸੀਂ ਹੁਣ ਤੱਕ ਇਹ ਰੌਸ਼ਨੀ ਅੱਖਾਂ ਦੀ ਦਿੱਤੀ ਜਾ ਸਕਦੀ ਸੀ ਤੇ ਕਰੋੜਾਂ ਅੰਗ ਹੀ ਸਾਡੇ ਬਦਲੇ ਜਾ ਸਕਦੇ ਸਨ। ਇਹ ਵਿਚਾਰ ਆਈ ਡੋਨਰ ਇੰਚਾਰਜ ਟਾਂਡਾ ਭਾਈ ਵਰਿੰਦਰ ਸਿੰਘ ਮਸੀਤੀ ਨੇ ਪ੍ਰੈੱਸ ਨਾਲ ਸਾਂਝੇ ਕਰਨ ਦੌਰਾਨ ਕੀਤੇ। ਉਹਨਾਂ ਦੇਸ਼ ਵਾਸੀਆਂ ਨੂੰ ਇੱਕ ਅਪੀਲ ਕੀਤੀ ਕਿਉਂ ਇਸ ਪ੍ਰਤੀ ਅਸੀਂ ਵੀ ਆਪਣੀ ਸੋਚ ਦੇ ਮੁਤਾਬਕ ਮਰਨ ਤੋਂ ਉਪਰੰਤ ਅੰਗ ਦਾਨ ਤੇ ਸਰੀਰ ਦਾਨ ਕਰਕੇ ਅੰਗਾ ਨੂੰ ਲੋੜਵੰਦਾਂ ਤੱਕ ਪਹੁੰਚਾਈਏੇੇ। ਉਨ੍ਹਾ ਸ਼੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350 ਵੇ ਸ਼ਹੀਦੀ ਪੂਰਵ ਮੌਕੇ ਪੰਜਾਬ ਦੇ ਨੌਜਵਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਜਿਉਂਦੇ ਜੀ ਆਪਣਾ ਖੂਨ ਦਾਨ ਕਰਨ ਅਤੇ ਖੂਨ ਦਾਨ ਕਰਕੇ ਅਸੀਂ ਅਨੇਕਾਂ ਮਰੀਜ਼ਾਂ ਨੂੰ ਉਹਨਾਂ ਨੂੰ ਨਵਾਂ ਜੀਵਨ ਦੇ ਸਕਦੇ ਹਾਂ। ਇਸ ਮੌਕੇ ਭਾਈ ਵਰਿੰਦਰ ਸਿੰਘ ਮਸੀਤੀ ਨੇ ਸਿਵਲ ਹਸਪਤਾਲ ਟਾਂਡਾ ਵਿਖੇ ਜਾ ਕੇ ਐਸਐਮਓ ਡਾਕਟਰ ਕਰਨ ਕੁਮਾਰ ਸੈਣੀ ਤੇ ਸੀਨੀਅਰ ਡਾਕਟਰ ਪ੍ਰੀਤ ਮਹਿੰਦਰ ਸਿੰਘ ਕੋਲ ਆਪਣੇ ਸਰੀਰ ਦਾਨ ਕਰਨ ਸਬੰਧੀ ਫਾਰਮ ਜਮਾਂ ਕਰਵਾਏ ਤੇ ਆਪਣਾ ਸਰਟੀਫੀਕੇਟ ਪ੍ਰਾਪਤ ਕੀਤਾ।