ਚੰਡੀਗੜ੍ਹ ਏਅਰਪੋਰਟ 'ਤੇ ਬਣੇਗਾ ਫਲਾਈਟ ਕਿਚਨ ਤੇ ਹੋਟਲ, ਕੌਮਾਂਤਰੀ ਉਡਾਣਾਂ ਨੂੰ ਰਿਝਾਉਣ ਦੀ ਤਿਆਰੀ ਸ਼ੁਰੂ; ਜਲਦ ਸ਼ੁਰੂ ਹੋਵੇਗੀ ਟੈਂਡਰ ਪ੍ਰਕਿਰਿਆ

ਚੰਡੀਗੜ੍ਹ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਧੁੰਦ ਦੇ ਸਮੇਂ ਹੋਣ ਵਾਲੀ ਉਡਾਣ ਦੇਰੀ ਅਤੇ ਟੇਕਆਫ ਨਾਲ ਸਬੰਧਿਤ ਦਿੱਕਤਾਂ ਨੂੰ ਦੂਰ ਕਰਨ ਲਈ ਆਈਐੱਲਐੱਸ ਸਿਸਟਮ ਨੂੰ ਅਪਗਰੇਡ ਕੀਤਾ ਜਾਵੇਗਾ। ਏਅਰਪੋਰਟ 'ਤੇ ਰਨਵੇ ਦੇ ਦੋਹਾਂ ਪਾਸੇ ਪਹਿਲਾਂ ਹੀ ਇੰਸਟਰੂਮੈਂਟ ਲੈਂਡਿੰਗ ਸਿਸਟਮ (ਆਈਐਲਐਸ), ਵੀਓਆਰ ਨੈਵੀਗੇਸ਼ਨ ਸਿਸਟਮ ਅਤੇ ਡੀਐਮਈ (ਡਿਸਟੈਂਸ ਮੈਜਰਿੰਗ ਇਕੁਪਮੈਂਟ) ਉਪਲੱਬਧ ਹੈ, ਪਰ ਸੰਘਣੀ ਧੁੰਦ ਵਿਚ ਟੇਕਆਫ ਦੀ ਸਮਰੱਥਾ ਸੀਮਿਤ ਰਹਿੰਦੀ ਸੀ। ਇਸ ਲਈ ਸਿਸਟਮ ਨੂੰ ਕੈਟੇਗਰੀ-2 ਵਿਚ ਅਪਗਰੇਡ ਕੀਤਾ ਜਾਵੇਗਾ, ਇਹ ਪੂਰਾ ਸਿਸਟਮ ਤਿਆਰ ਹੈ ਅਤੇ ਇਸ ਲਈ ਜ਼ਰੂਰੀ ਇੰਸਟਰੂਮੈਂਟ ਕੋਰੀਆ ਤੋਂ ਵੀ ਆ ਚੁੱਕਾ ਹੈ। ਫੈਸਲਾ ਕੀਤਾ ਗਿਆ ਹੈ ਕਿ ਫਰਵਰੀ ਦੇ ਦੂਜੇ ਹਫਤੇ ਵਿਚ ਆਈਐੱਲਐੱਸ ਅੱਪਗਰੇਡੇਸ਼ਨ ਦਾ ਕੰਮ ਸ਼ੁਰੂ ਕੀਤਾ ਜਾਵੇਗਾ। ਏਅਰਫੋਰਸ ਤੋਂ ਐੱਨਓਸੀ ਮਿਲਦੇ ਹੀ ਏਜੰਸੀ ਆਪਣੇ ਉਪਕਰਨਾਂ ਅਤੇ ਤਕਨੀਕੀ ਟੀਮ ਦੇ ਨਾਲ ਸਾਈਟ 'ਤੇ ਕੰਮ ਸ਼ੁਰੂ ਕਰ ਦੇਵੇਗੀ।