ਡਾਊਨ ਸਿੰਡਰੋਮ ਤੋਂ ਪੀੜਤ ਵਿਹਾਨ ਨੂੰ ਪਿਤਾ ਨੇ ਦਿੱਤਾ ਹੌਸਲਾ, ਬੋਲਣ-ਸਮਝਣ ਤੇ ਬੈਠਣ 'ਚ ਦਿੱਕਤ, ਫਿਰ ਵੀ ਨੈਸ਼ਨਲ ਫੁੱਟਬਾਲ ਚੈਂਪੀਅਨਸ਼ਿਪ 'ਚ ਜਿੱਤਿਆ ਗੋਲਡ

ਜਾਗਰਣ ਸੰਵਾਦਦਾਤਾ, ਮੋਹਾਲੀ: ਜਜ਼ਬਾ, ਮਿਹਨਤ ਤੇ ਭਰੋਸਾ ਜੇ ਇਹ ਤਿੰਨੋਂ ਨਾਲ ਹੋਣ ਤਾਂ ਕੋਈ ਵੀ ਚੁਣੌਤੀ ਵੱਡੀ ਨਹੀਂ ਰਹਿੰਦੀ। ਅਜਿਹਾ ਕਰ ਦਿਖਾਇਆ ਹੈ ਮੋਹਾਲੀ ਦੇ 17 ਸਾਲਾ ਵਿਹਾਨ ਕੁਮਾਰ ਨੇ, ਜੋ ਡਾਊਨ ਸਿੰਡਰੋਮ ਤੋਂ ਪੀੜਤ ਹੋਣ ਦੇ ਬਾਵਜੂਦ ਨੈਸ਼ਨਲ ਫੁੱਟਬਾਲ ਚੈਂਪੀਅਨਸ਼ਿਪ ਵਿੱਚ ਗੋਲਡ ਮੈਡਲ ਜਿੱਤ ਕੇ ਮਿਸਾਲ ਬਣ ਗਏ ਹਨ।

ਵਿਹਾਨ ਦਾ ਜਨਮ 2008 ਵਿੱਚ ਹੋਇਆ। ਤਿੰਨ ਸਾਲ ਦੀ ਉਮਰ ਤੱਕ ਨਾ ਉਹ ਠੀਕ ਤਰ੍ਹਾਂ ਬੈਠ ਪਾਉਂਦਾ ਸੀ, ਨਾ ਬੋਲ ਪਾਉਂਦਾ ਅਤੇ ਨਾ ਹੀ ਚੀਜ਼ਾਂ ਨੂੰ ਆਸਾਨੀ ਨਾਲ ਸਮਝ ਪਾਉਂਦਾ ਸੀ। ਪਿਤਾ ਵਿਵੇਕ ਕੁਮਾਰ ਦੱਸਦੇ ਹਨ ਕਿ ਸ਼ੁਰੂ ਵਿੱਚ ਇਹ ਵੀ ਨਹੀਂ ਪਤਾ ਸੀ ਕਿ ਵਿਹਾਨ ਸਪੈਸ਼ਲ ਚਾਈਲਡ ਹੈ, ਪਰ ਸਮੇਂ ਦੇ ਨਾਲ ਹਾਲਾਤ ਸਮਝ ਆਏ। ਇਸ ਦੇ ਬਾਵਜੂਦ ਉਨ੍ਹਾਂ ਨੇ ਬੇਟੇ ਦਾ ਹੌਸਲਾ ਕਦੇ ਘੱਟ ਨਹੀਂ ਹੋਣ ਦਿੱਤਾ।

ਵਿਵੇਕ ਕੁਮਾਰ ਦੱਸਦੇ ਹਨ ਕਿ ਖੇਡਾਂ ਵਿੱਚ ਵਿਹਾਨ ਦੀ ਦਿਲਚਸਪੀ ਉਦੋਂ ਵਧੀ ਜਦੋਂ ਇੱਕ ਈਵੈਂਟ ਵਿੱਚ ਲੋਕ “ਇੰਡੀਆ-ਇੰਡੀਆ” ਚੀਕਦੇ ਦੇਖ ਕੇ ਉਹ ਖੁਸ਼ੀ ਨਾਲ ਭਰ ਗਿਆ। ਕੋਵਿਡ ਦੌਰਾਨ ਪਿਤਾ ਨੇ ਉਸ ਨਾਲ ਫੁੱਟਬਾਲ ਖੇਡਣਾ ਸ਼ੁਰੂ ਕੀਤਾ।

ਸ਼ੁਰੂਆਤੀ ਦੌਰ ਵਿੱਚ ਵਿਹਾਨ ਬਾਲ ਨੂੰ ਕਿੱਕ ਵੀ ਨਹੀਂ ਮਾਰ ਪਾਉਂਦਾ ਸੀ, ਪਰ ਲਗਾਤਾਰ ਪ੍ਰੈਕਟਿਸ ਅਤੇ ਮਿਹਨਤ ਨੇ ਉਸਨੂੰ ਮਜ਼ਬੂਤ ਬਣਾ ਦਿੱਤਾ। ਕਈ ਫੁੱਟਬਾਲ ਅਕੈਡਮੀ ਨੇ ਉਸਨੂੰ ਲੈਣ ਤੋਂ ਮਨਾ ਕਰ ਦਿੱਤਾ, ਫਿਰ ਵੀ ਵਿਹਾਨ ਦਾ ਜਨੂੰਨ ਬਣਿਆ ਰਿਹਾ ਅਤੇ ਇਸੇ ਸਾਲ ਮਈ ਵਿੱਚ ਉਹ ਅੰਮ੍ਰਿਤਸਰ ਵਿੱਚ ਹੋਏ ਸਟੇਟ ਕੈਂਪ ਲਈ ਸਲੈਕਟ ਹੋ ਗਿਆ।

17 ਤੋਂ 20 ਨਵੰਬਰ ਤੱਕ ਕੋਲਕਾਤਾ ਵਿੱਚ ਹੋਈ ਨੈਸ਼ਨਲ ਫੁੱਟਬਾਲ ਚੈਂਪੀਅਨਸ਼ਿਪ ਵਿੱਚ ਦੇਸ਼ ਭਰ ਦੇ 22 ਰਾਜਾਂ ਤੋਂ 300 ਸਪੈਸ਼ਲ ਚਾਈਲਡ ਸ਼ਾਮਲ ਹੋਏ। ਅੰਡਰ-17 ਕੈਟੇਗਰੀ ਵਿੱਚ ਵੱਖ-ਵੱਖ ਸਟੇਟਸ ਦੇ ਖਿਡਾਰੀਆਂ ਨੂੰ ਮਿਲਾ ਕੇ ਟੀਮਾਂ ਬਣਾਈਆਂ ਗਈਆਂ।

ਵਿਹਾਨ ਦੀ ਟੀਮ ਨੇ ਪਹਿਲਾ ਸਥਾਨ ਹਾਸਲ ਕੀਤਾ ਅਤੇ ਉਸਦੀ ਸਕਿੱਲ, ਬਾਲ ਕੰਟਰੋਲ ਅਤੇ ਕਿੱਕਿੰਗ ਸਟਾਈਲ ਨੇ ਉਸਨੂੰ “ਬੈਸਟ ਪਲੇਅਰ” ਦਾ ਖਿਤਾਬ ਦਿਵਾਇਆ। ਹਰ ਸਕਿੱਲ ਵਿੱਚ ਉਹ ਸਭ ਤੋਂ ਜ਼ਿਆਦਾ ਅੰਕ ਲਿਆ ਕੇ ਓਵਰਆਲ ਟਾਪ 'ਤੇ ਰਿਹਾ।

ਵਿਹਾਨ ਦਾ ਅਗਲਾ ਟੀਚਾ 2027 ਵਿੱਚ ਚਿਲੀ ਵਿੱਚ ਹੋਣ ਵਾਲੇ ਸਪੈਸ਼ਲ ਓਲੰਪਿਕ ਵਰਲਡ ਗੇਮਜ਼ ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰਨਾ ਹੈ। ਉਹ ਫਿਲਹਾਲ ਫੇਜ਼-7 ਗਮਾਡਾ ਸਪੋਰਟਸ ਕੰਪਲੈਕਸ ਵਿੱਚ ਕੋਚ ਅਕਸ਼ੈ ਸ਼ਰਮਾ ਤੋਂ ਸਿਖਲਾਈ ਲੈ ਰਿਹਾ ਹੈ ਅਤੇ ਲਗਾਤਾਰ ਆਪਣੇ ਸੁਪਨਿਆਂ ਵੱਲ ਵਧ ਰਿਹਾ ਹੈ। ਵਿਹਾਨ ਦੀ ਕਹਾਣੀ ਸਾਬਤ ਕਰਦੀ ਹੈ ਕਿ ਹੌਸਲਾ ਜੇ ਮਜ਼ਬੂਤ ਹੋਵੇ ਤਾਂ ਕੋਈ ਵੀ ਰੁਕਾਵਟ ਸੁਪਨਿਆਂ ਦੀ ਉਡਾਣ ਨੂੰ ਰੋਕ ਨਹੀਂ ਸਕਦੀ।