Bomb Blast @1:11PM : ਖਾਲਿਸਤਾਨੀ ਸੰਗਠਨ ਨੇ ਭੇਜੀਆਂ ਧਮਕੀ ਭਰੀਆਂ ਮੇਲਾਂ, ਲਿਖਿਆ- ਇਕ-ਇਕ ਕਰ ਕੇ ਉਡਾਵਾਂਗੇ 3 ਸਕੂਲ; CM ਮਾਨ ਬਾਰੇ ਆਖੀ ਵੱਡੀ ਗੱਲ

ਧਮਕੀ ਭਰਿਆ ਈ-ਮੇਲ ਮਿਲਣ ਤੋਂ ਬਾਅਦ ਸਕੂਲ ਪ੍ਰਬੰਧਨ ਨੇ ਮਾਪਿਆਂ ਨੂੰ ਤੁਰੰਤ ਮੈਸੇਜ ਕਰਕੇ ਆਪਣੇ ਬੱਚਿਆਂ ਨੂੰ ਸਕੂਲ ਤੋਂ ਲੈ ਜਾਣ ਲਈ ਕਿਹਾ। ਸਕੂਲ ਵੈਨਾਂ ਅਤੇ ਬੱਸਾਂ ਨੂੰ ਤੁਰੰਤ ਬੁਲਾ ਕੇ ਬੱਚਿਆਂ ਨੂੰ ਸੁਰੱਖਿਅਤ ਭੇਜਿਆ ਗਿਆ। ਅਚਾਨਕ ਆਏ ਇਸ ਸੰਦੇਸ਼ ਨਾਲ ਮਾਪੇ ਘਬਰਾ ਕੇ ਸਕੂਲਾਂ ਵੱਲ ਭੱਜੇ। ਬੱਚਿਆਂ ਵਿੱਚ ਵੀ ਡਰ ਅਤੇ ਬੇਚੈਨੀ ਦਾ ਮਾਹੌਲ ਦੇਖਿਆ ਗਿਆ, ਕਈ ਬੱਚੇ ਰੋਂਦੇ ਹੋਏ ਜਾਂ ਜਲਦੀ ਘਰ ਜਾਣ ਦੀ ਕਾਹਲ ਵਿੱਚ ਦਿਖਾਈ ਦਿੱਤੇ। ਸਕੂਲਾਂ ਨੂੰ ਸੀਲ ਕਰ ਦਿੱਤਾ ਗਿਆ ਅਤੇ ਬੰਬ ਸਕੁਐਡ ਨੇ ਕਮਰਿਆਂ ਅਤੇ ਕੰਪਲੈਕਸ ਦੀ ਵਿਸਤ੍ਰਿਤ ਜਾਂਚ ਸ਼ੁਰੂ ਕਰ ਦਿੱਤੀ। ਫਾਇਰ ਬ੍ਰਿਗੇਡ ਅਤੇ ਸੀਨੀਅਰ ਅਧਿਕਾਰੀ ਮੌਕੇ 'ਤੇ ਮੌਜੂਦ ਰਹੇ। ਕਿਸੇ ਵੀ ਵਿਅਕਤੀ ਨੂੰ ਸਕੂਲ ਕੰਪਲੈਕਸ ਵਿੱਚ ਦਾਖਲੇ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ। ਪੁਲਿਸ ਨੇ ਕਿਹਾ ਹੈ ਕਿ ਬੱਚਿਆਂ ਦੀ ਸੁਰੱਖਿਆ ਸਭ ਤੋਂ ਵੱਡੀ ਤਰਜੀਹ ਹੈ।