ASI ਜੋਗਾ ਸਿੰਘ ਕਤਲਕਾਂਡ : ਅੱਤਵਾਦੀ ਸੰਗਠਨ TTH ਨੇ ਜਾਰੀ ਕੀਤੀ 27 ਸਕਿੰਟ ਦੀ ਲਾਈਵ ਵੀਡੀਓ, ਚੱਲਦੀ ਬਾਈਕ ’ਤੇ ਚਲਾਈ ਪਹਿਲੀ ਗੋਲ਼ੀ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਅੰਮ੍ਰਿਤਸਰ : ਪੁਲਿਸ ਮੁਲਾਜ਼ਮਾਂ ਦੀ ਹੱਤਿਆ ਕਰਨ ਵਾਲੇ ਆਈਐੱਸਆਈ ਦੇ ਨਵੇਂ ਅੱਤਵਾਦੀ ਸੰਗਠਨ ਤਹਿਰੀਕ-ਏ-ਤਾਲਿਬਾਨ ਹਿੰਦੁਸਤਾਨ ਨੇ ਏਐੱਸਆਈ ਜੋਗਾ ਸਿੰਘ ਦੇ ਕਤਲ ਬਾਰੇ ਲਾਈਵ ਵੀਡੀਓ ਜਾਰੀ ਕੀਤਾ ਹੈ। 27 ਸਕਿੰਟ ਦਾ ਵੀਡੀਓ ‘ਅੱਲ੍ਹਾ ਹੂ ਅਕਬਰ ਵਾਰ-ਵਾਰ ਕਹਿ ਕੇ ਪੰਜਾਬੀ ਭਾਸ਼ਾ ਅਤੇ ਉਰਦੂ ’ਚ ਲਿਖੇ ਅੱਤਵਾਦੀ ਸੰਗਠਨ ਦੇ ਨਾਂ ਨਾਲ ਸ਼ੁਰੂ ਹੁੰਦਾ ਹੈ। ਵੀਡੀਓ ਫਿਰ ਮਜੀਠਾ ’ਚ ਉਹ ਸੜਕ ਦਿਖਾਉਂਦਾ ਹੈ, ਜਿੱਥੇ ਏਐੱਸਆਈ ਦਾ ਬੇਰਹਿਮੀ ਨਾਲ ਕਤਲ ਕੀਤਾ ਗਿਆ ਸੀ। ਵੀਡੀਓ ਦੇ ਬਾਰ੍ਹਵੇਂ ਸਕਿੰਟ ’ਤੇ ਬਾਈਕ ਸਵਾਰ ਕਾਤਲਾਂ ਨੇ ਏਐੱਸਆਈ ਜੋਗਾ ਸਿੰਘ ’ਤੇ ਪਹਿਲੀ ਗੋਲੀ ਚਲਾਈ, ਜੋ ਕਿ ਇਕ ਕਾਲੇ ਐਕਟਿਵਾ ’ਤੇ ਸਵਾਰ ਸੀ। ਗੋਲੀ ਲੱਗਣ ’ਤੇ ਏਐੱਸਆਈ ਐਕਟਿਵਾ ਤੋਂ ਸੜਕ ਦੇ ਕਿਨਾਰੇ ਡਿੱਗ ਜਾਂਦਾ ਹੈ। ਫਿਰ ਅੱਤਵਾਦੀ ਆਪਣੀ ਬਾਈਕ ਖੜ੍ਹੀ ਕਰਦੇ ਹਨ ਅਤੇ ਏਐੱਸਆਈ ਕੋਲ ਪਹੁੰਚਦੇ ਹਨ, ਉਸ ਨੂੰ ਦੂਜੀ ਗੋਲ਼ੀ ਮਾਰ ਦਿੱਤੀ ਜਾਂਦੀ ਹੈ। ਵੀਡੀਓ ਦੇ ਅੰਤ ਵਿਚ ਲਿਖਿਆ ਗਿਆ ਹੈ ਆਰਐੱਸਐੱਸ ਰੁਕੋ। ਇਹ ਕੁਝ ਵੀ ਨਹੀਂ ਸੀ। ਅੱਗੇ ਆਉਣ ਵਾਲਾ ਤੂਫਾਨ ਹੈ।

ਕਾਲ ਡੰਪ ਤੇ ਸੀਸੀਟੀਵੀ ਕੈਮਰੇ ਜਾਂਚ ’ਚ ਸਹਾਰਾ

ਏਐੱਸਆਈ ਜੋਗਾ ਸਿੰਘ ਦੇ ਕਤਲ ਨੂੰ ਚਾਰ ਦਿਨ ਹੋ ਗਏ ਹਨ। ਪੁਲਿਸ ਅਜੇ ਤੱਕ ਅੱਤਵਾਦੀਆਂ ਤੱਕ ਨਹੀਂ ਪਹੁੰਚ ਸਕੀ ਹੈ। ਪੁਲਿਸ ਨੇ ਸੱਤਰ ਤੋਂ ਵੱਧ ਸੀਸੀਟੀਵੀ ਕੈਮਰਿਆਂ ਨੂੰ ਚੈੱਕ ਕੀਤਾ ਹੈ। ਇਕ ਬਾਈਕ ’ਤੇ ਸਿਰਫ਼ ਦੋ ਨਕਾਬਪੋਸ਼ ਵਿਅਕਤੀ ਦਿਖਾਈ ਦੇ ਰਹੇ ਹਨ। ਪਤਾ ਲੱਗਾ ਹੈ ਕਿ ਮੰਗਲਵਾਰ ਰਾਤ ਨੂੰ ਪੁਲਿਸ ਨੇ ਘਟਨਾ ਸਥਾਨ ਅਤੇ ਇਸ ਦੇ ਆਲੇ ਦੁਆਲੇ ਤੋਂ ਕਾਲ ਡੰਪ ਇਕੱਠੇ ਕੀਤੇ ਹਨ। ਪੁਲਿਸ ਜਾਂਚ ਕਰ ਰਹੀ ਹੈ ਕਿ ਕਤਲ ਦੇ ਸਮੇਂ ਜੋਗਾ ਸਿੰਘ ਦੇ ਮੋਬਾਈਲ ਨਾਲ ਕਿੰਨੇ ਮੋਬਾਈਲ ਸਿਮ ਕਾਰਡ ਐਕਟਿਵ ਸਨ। ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕਾਲ ਡੰਪ ਜਲਦੀ ਹੀ ਪੁਲਿਸ ਨੂੰ ਕਾਤਲਾਂ ਤੱਕ ਲੈ ਜਾਣਗੇ।

ਜੋਗਾ ਸਿੰਘ ਦਾ ਕੀਤਾ ਸਸਕਾਰ

ਏਐੱਸਆਈ ਜੋਗਾ ਸਿੰਘ ਦਾ ਐਤਵਾਰ ਸਵੇਰੇ ਅੱਤਵਾਦੀ ਸੰਗਠਨ ਦੁਆਰਾ ਕਤਲ ਕਰ ਦਿੱਤਾ ਗਿਆ ਸੀ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਬੁੱਧਵਾਰ ਨੂੰ ਗੁਰਦਾਸਪੁਰ ਜ਼ਿਲ੍ਹੇ ਦੇ ਘਣੀਏ ਕੇ ਬਾਂਗਰ ਪਿੰਡ ’ਚ ਕੀਤਾ ਗਿਆ। ਇਸ ਮੌਕੇ ਸੀਪੀ ਗੁਰਪ੍ਰੀਤ ਸਿੰਘ ਭੁੱਲਰ, ਏਡੀਸੀਪੀ ਅਮਨਦੀਪ ਕੌਰ ਅਤੇ ਕਈ ਹੋਰ ਪੁਲਿਸ ਅਧਿਕਾਰੀਆਂ ਨੇ ਦੁਖੀ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ।