ਪਤਨੀ ਨੂੰ ਮਾਰਨ ਮਗਰੋਂ ਲਾਸ਼ ਨਾਲ ਲਈ ਸੈਲਫੀ ਤੇ ਲਗਾਇਆ WhatsApp Status, ਸਨਸਨੀਖੇਜ਼ ਵਾਰਦਾਤ ਦਾ ਖੁਲਾਸਾ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਤਮਿਲਨਾਡੂ ਦੇ ਕੋਇੰਬਟੂਰ ਸਥਿਤ ਤਿਰੂਨੇਲਵੇਲੀ ਵਿੱਚ ਇੱਕ ਸਨਸਨੀਖੇਜ਼ ਵਾਰਦਾਤ ਨੇ ਸਾਰਿਆਂ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਇੱਕ ਦਰਿੰਦੇ ਨੇ ਬੇਰਹਿਮੀ ਨਾਲ ਆਪਣੀ ਪਤਨੀ ਦਾ ਖੂਨ ਕੀਤਾ ਅਤੇ ਫਿਰ ਉਸਦੀ ਲਾਸ਼ ਨਾਲ ਸੈਲਫੀ ਲੈ ਕੇ ਵ੍ਹਟਸਐਪ 'ਤੇ ਸਟੇਟਸ ਲਗਾ ਦਿੱਤਾ।

ਮੁਲਜ਼ਮ ਪਤੀ ਦੀ ਪਛਾਣ ਬਾਲਾਮੁਰੂਗਨ ਵਜੋਂ ਹੋਈ ਹੈ। ਉਸਨੇ ਪਤਨੀ ਦੇ ਹੋਸਟਲ ਵਿੱਚ ਵੜ ਕੇ ਇਸ ਹੱਤਿਆ ਕਾਂਡ ਨੂੰ ਅੰਜਾਮ ਦਿੱਤਾ। ਘਟਨਾ ਦਾ ਕਾਰਨ ਪਾਰਿਵਾਰਿਕ ਝਗੜਾ ਦੱਸਿਆ ਜਾ ਰਿਹਾ ਹੈ।

ਹੋਸਟਲ ਵਿੱਚ ਵੜ ਕੇ ਕੀਤੀ ਹੱਤਿਆ

ਤਮਿਲਨਾਡੂ ਪੁਲਿਸ ਅਨੁਸਾਰ, ਪੀੜਤਾ ਦਾ ਨਾਮ ਸ਼੍ਰੀਪ੍ਰਿਆ ਸੀ ਅਤੇ ਉਹ ਕੋਇੰਬਟੂਰ ਦੀ ਇੱਕ ਪ੍ਰਾਈਵੇਟ ਕੰਪਨੀ ਵਿੱਚ ਕੰਮ ਕਰਦੀ ਸੀ। ਸ਼੍ਰੀਪ੍ਰਿਆ ਅਤੇ ਬਾਲਾਮੁਰੂਗਨ ਕਾਫ਼ੀ ਸਮੇਂ ਤੋਂ ਅਲੱਗ ਰਹਿ ਰਹੇ ਸਨ। ਐਤਵਾਰ ਦੁਪਹਿਰ ਨੂੰ ਬਾਲਾਮੁਰੂਗਨ ਪਤਨੀ ਨੂੰ ਮਿਲਣ ਉਸਦੇ ਹੋਸਟਲ ਪਹੁੰਚਿਆ। ਬਾਲਾਮੁਰੂਗਨ ਨੇ ਆਪਣੇ ਕੱਪੜਿਆਂ ਵਿੱਚ ਦਾਤੀ ਲੁਕਾਈ ਹੋਈ ਸੀ।

ਸੈਲਫੀ ਲੈ ਕੇ ਕੀਤੀ ਪੋਸਟ

ਜਾਂਚ ਵਿੱਚ ਪਤਾ ਲੱਗਾ ਹੈ ਕਿ ਦੋਵਾਂ ਵਿਚਾਲੇ ਬਹਿਸ ਇੰਨੀ ਵਧ ਗਈ ਕਿ ਬਾਲਾਮੁਰੂਗਨ ਨੇ ਸ਼੍ਰੀਪ੍ਰਿਆ 'ਤੇ ਵਾਰ ਕਰ ਦਿੱਤਾ। ਇਹ ਹਮਲਾ ਇੰਨਾ ਭਿਆਨਕ ਸੀ ਕਿ ਸ਼੍ਰੀਪ੍ਰਿਆ ਤੁਰੰਤ ਲਹੂ-ਲੁਹਾਣ ਹੋ ਗਈ ਅਤੇ ਉਸਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ।

ਇੰਨਾ ਹੀ ਨਹੀਂ, ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਬਾਲਾਮੁਰੂਗਨ ਨੇ ਸ਼੍ਰੀਪ੍ਰਿਆ ਦੀ ਲਾਸ਼ ਨਾਲ ਸੈਲਫੀ ਲੈ ਕੇ ਵ੍ਹਟਸਐਪ ਸਟੇਟਸ ਲਗਾ ਦਿੱਤਾ ਅਤੇ ਕੈਪਸ਼ਨ ਵਿੱਚ ਲਿਖਿਆ, "ਸ਼੍ਰੀਪ੍ਰਿਆ ਨੇ ਮੈਨੂੰ ਧੋਖਾ ਦਿੱਤਾ ਸੀ।"

ਪਤਨੀ 'ਤੇ ਸੀ ਸ਼ੱਕ

ਸ਼੍ਰੀਪ੍ਰਿਆ ਦੀ ਚੀਕ ਸੁਣ ਕੇ ਜਦੋਂ ਹੋਸਟਲ ਦੇ ਲੋਕ ਮੌਕੇ 'ਤੇ ਪਹੁੰਚੇ, ਤਾਂ ਬਾਲਾਮੁਰੂਗਨ ਉੱਥੇ ਹੀ ਮੌਜੂਦ ਸੀ। ਪੁਲਿਸ ਦੇ ਆਉਣ ਤੱਕ ਉਹ ਲਾਸ਼ ਕੋਲ ਹੀ ਬੈਠਾ ਸੀ। ਪੁਲਿਸ ਨੇ ਉਸਨੂੰ ਗ੍ਰਿਫਤਾਰ ਕਰਕੇ ਦਾਤੀ ਵੀ ਬਰਾਮਦ ਕਰ ਲਈ ਹੈ। ਪੁਲਿਸ ਦੀ ਪੁੱਛਗਿੱਛ ਵਿੱਚ ਪਤਾ ਲੱਗਾ ਹੈ ਕਿ ਬਾਲਾਮੁਰੂਗਨ ਨੂੰ ਆਪਣੀ ਪਤਨੀ 'ਤੇ ਸ਼ੱਕ ਸੀ ਕਿ ਉਸਦਾ ਕਿਸੇ ਦੂਜੇ ਮਰਦ ਨਾਲ ਸਬੰਧ ਹੈ, ਜਿਸ ਕਾਰਨ ਉਸਨੇ ਸ਼੍ਰੀਪ੍ਰਿਆ ਦੀ ਹੱਤਿਆ ਕਰ ਦਿੱਤੀ।

ਹੱਤਿਆ ਕਾਂਡ 'ਤੇ ਛਿੜਿਆ ਸਿਆਸੀ ਸੰਗਰਾਮ

ਤਮਿਲਨਾਡੂ ਵਿੱਚ ਹੋਏ ਇਸ ਕਤਲ ਕਾਂਡ ਤੋਂ ਬਾਅਦ ਸਿਆਸੀ ਗਲਿਆਰਿਆਂ ਵਿੱਚ ਵੀ ਹਲਚਲ ਤੇਜ਼ ਹੋ ਗਈ ਹੈ। ਰਾਜ ਵਿੱਚ ਔਰਤਾਂ ਦੀ ਸੁਰੱਖਿਆ 'ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ। ਹਾਲਾਂਕਿ, ਸਰਕਾਰ ਅਤੇ ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਹਾਦਸਾ ਨਿੱਜੀ ਕਾਰਨਾਂ ਕਰਕੇ ਹੋਇਆ ਹੈ ਅਤੇ ਦੋਸ਼ੀ ਖਿਲਾਫ ਸਖ਼ਤ ਕਾਰਵਾਈ ਕਰਨ ਦਾ ਭਰੋਸਾ ਦਿੱਤਾ ਗਿਆ ਹੈ।