360 KG ਵਿਸਫੋਟਕ ਮਾਮਲੇ 'ਚ ਨਵਾਂ ਟਵਿਸਟ, ਮਹਿਲਾ ਡਾਕਟਰ ਨਾਲ ਜੁੜੇ ਅੱਤਵਾਦੀ ਦੇ ਤਾਰ; ਅਲਫਲਾਹ ਯੂਨੀਵਰਸਿਟੀ 'ਚ ਪੜ੍ਹਾਉਂਦਾ ਸੀ ਮੁਜੰਮਿਲ

ਜਾਗਰਣ ਸੰਵਾਦਦਾਤਾ, ਫਰੀਦਾਬਾਦ : ਹਰਿਆਣਾ ਦੇ ਫਰੀਦਾਬਾਦ ਜ਼ਿਲ੍ਹੇ 'ਚ ਅਲਫਲਾਹ ਯੂਨੀਵਰਸਿਟੀ ਦੇ ਕਾਲਜ ਤੋਂ 10 ਦਿਨ ਪਹਿਲਾਂ ਗ੍ਰਿਫ਼ਤਾਰ ਕੀਤੇ ਗਏ ਆਤੰਕੀ ਮੁਜੰਮਿਲ ਦੇ ਮਾਮਲੇ 'ਚ ਹੁਣ ਨਵਾਂ ਮੋੜ ਆ ਗਿਆ ਹੈ। ਆਤੰਕੀ ਮੁਜੰਮਿਲ ਦੇ ਤਾਰ ਇਕ ਲੇਡੀ ਡਾਕਟਰ ਨਾਲ ਵੀ ਜੁੜੇ ਹਨ। ਜਾਂਚ ਵਿਚ ਪਤਾ ਲੱਗਿਆ ਹੈ ਕਿ ਆਤੰਕੀ ਮੁਜੰਮਿਲ ਜਿਹੜੀ ਕਾਰ ਚਲਾਉਂਦਾ ਸੀ, ਉਹ ਕਾਰ ਇਸ ਲੇਡੀ ਡਾਕਟਰ ਦੀ ਹੈ।

ਸੂਚਨਾ ਅਨੁਸਾਰ, ਗੱਡੀ ਦਾ ਨੰਬਰ ਸਾਹਮਣੇ ਆਉਣ ਤੋਂ ਬਾਅਦ ਲੇਡੀ ਡਾਕਟਰ ਖ਼ੁਦ ਜੰਮੂ ਪੁਲਿਸ ਕੋਲ ਗਈ। ਜੰਮੂ-ਕਸ਼ਮੀਰ ਪੁਲਿਸ ਲੇਡੀ ਡਾਕਟਰ ਤੋਂ ਪੁੱਛਗਿੱਛ ਕਰ ਰਹੀ ਹੈ।

ਆਤੰਕੀ ਮੁਜੰਮਿਲ ਫਤੇਹਪੁਰ ਤਗਾ ਰੋਡ 'ਤੇ ਬਣੇ ਇਕ ਮਕਾਨ ਟਚ ਕਿਰਾਏ 'ਤੇ ਰਹਿੰਦਾ ਸੀ। ਅੱਜ ਸੋਮਵਾਰ ਨੂੰ ਪੁਲਿਸ ਨੇ ਉਸ ਦੀ ਨਿਸ਼ਾਨਦੇਹੀ 'ਤੇ ਕਮਰੇ ਤੋਂ 360 ਕਿਲੋ ਰਸਾਇਣਕ ਪਦਾਰਥ ਬਰਾਮਦ ਕੀਤਾ ਹੈ, ਜੋ ਕਿ ਐਮੋਨੀਅਮ ਨਾਈਟਰੇਟ ਦੱਸਿਆ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ, ਇਕ ਕੈਨਨਕਾਪ ਰਾਈਫਲ, ਪੰਜ ਮੈਗਜ਼ੀਨ, ਇਕ ਪਿਸਟਲ ਤੇ ਭਾਰੀ ਮਾਤਰਾ 'ਚ ਕਾਰਤੂਸ ਵੀ ਬਰਾਮਦ ਕੀਤੇ ਗਏ ਹਨ। ਇਸ ਦੇ ਨਾਲ-ਨਾਲ ਅੱਠ ਵੱਡੇ ਸੂਟਕੇਸ, ਚਾਰ ਛੋਟੇ ਸੂਟਕੇਸ, ਬਾਲਟੀ, ਟਾਈਮਰ ਬੈਟਰੀ ਦੇ ਨਾਲ, ਰਿਮੋਟ, ਵਾਕੀ-ਟਾਕੀ ਸੈੱਟ, ਇਲੈਕਟ੍ਰਿਕ ਵਾਇਰ ਸਮੇਤ ਹੋਰ ਸਾਮਾਨ ਵੀ ਮਿਲਿਆ ਹੈ।

ਜਾਣਕਾਰੀ ਅਨੁਸਾਰ, ਪੁਲਿਸ ਇਸ ਮਕਾਨ ਦੀ ਜਾਂਚ ਕਰ ਰਹੀ ਹੈ। ਮਕਾਨ ਮਾਲਕ ਤੋਂ ਵੀ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਮਕਾਨ ਮਾਲਕ ਪੁੱਛਗਿੱਛ ਵਿਚ ਕੁਝ ਮਹੱਤਵਪੂਰਨ ਜਾਣਕਾਰੀ ਦੇ ਸਕਦਾ ਹੈ।

ਉੱਧਰ, ਪੁਲਿਸ ਦੀ ਇਕ ਟੀਮ ਉਸ ਕਾਲਜ ਵਿਚ ਵੀ ਪਹੁੰਚੀ ਹੈ, ਜਿੱਥੇ ਆਤੰਕੀ ਮੁਜੰਮਿਲ ਪੜ੍ਹਾਉਂਦਾ ਸੀ। ਇਸ ਵੇਲੇ ਪੁਲਿਸ ਕਾਲਜ ਦੇ ਸਟਾਫ ਨਾਲ ਪੁੱਛਤਾਛ ਕਰ ਰਹੀ ਹੈ। ਕਾਲਜ ਦੇ ਅੰਦਰ ਜਾਣ ਤੋਂ ਮੀਡੀਆ ਕਰਮੀਆਂ ਨੂੰ ਵੀ ਰੋਕ ਦਿੱਤਾ ਗਿਆ ਹੈ।