ਰੂਹ ਕੰਬਾਊ ਵਾਰਦਾਤ: ਆਂਡਾ ਕੜ੍ਹੀ ਬਣਾਉਣ ਤੋਂ ਇਨਕਾਰ ਕਰਨ 'ਤੇ ਪਤਨੀ ਨੇ ਪਤੀ ਨਾਲ ਜੋ ਕੀਤਾ, ਸੁਣ ਕੇ ਉੱਡ ਜਾਣਗੇ ਹੋਸ਼

ਜਾਸ, ਗਾਜ਼ਿਆਬਾਦ : ਜਦੋਂ ਪਤੀ ਨੇ ਘਰ ’ਚ ਆਂਡਾ ਕੜ੍ਹੀ ਬਣਾਉਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਪਤਨੀ ਨੇ ਆਪਣੇ ਦੰਦਾਂ ਨਾਲ ਪਤੀ ਦੀ ਜੀਭ ਵੱਢ ਦਿੱਤੀ। ਇਹ ਵੀ ਦੋਸ਼ ਲਾਇਆ ਗਿਆ ਹੈ ਕਿ ਪਤਨੀ ਵਿਆਹ ਤੋਂ ਖੁਸ਼ ਨਹੀਂ ਸੀ। ਗੁੱਸੇ ’ਚ ਆਏ ਗੁਆਂਢੀਆਂ ਨੇ ਦੋਸ਼ੀ ਪਤਨੀ ਅਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਦੀ ਕੁੱਟਮਾਰ ਕੀਤੀ। ਪੁਲਿਸ ਨੇ ਮੁਲਜ਼ਮ ਪਤਨੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਪਤੀ ਦਾ ਇਲਾਜ ਮੇਰਠ ਦੇ ਇਕ ਹਸਪਤਾਲ ’ਚ ਚੱਲ ਰਿਹਾ ਹੈ। ਉਹ ਫਿਲਹਾਲ ਕੁਝ ਕਹਿਣ ਦੀ ਸਥਿਤੀ ’ਚ ਨਹੀਂ ਹੈ। ਮੋਦੀਨਗਰ ਦਾ ਰਹਿਣ ਵਾਲਾ ਵਿਪਿਨ ਕੁਮਾਰ ਇਕ ਨਿੱਜੀ ਕੰਪਨੀ ’ਚ ਕੰਮ ਕਰਦਾ ਹੈ। ਉਸ ਦਾ ਵਿਆਹ ਛੇ ਮਹੀਨੇ ਪਹਿਲਾਂ ਈਸ਼ਾ ਨਾਲ ਹੋਇਆ ਸੀ। ਜਦੋਂ ਵਿਪਿਨ ਸੋਮਵਾਰ ਰਾਤ ਨੂੰ ਡਿਊਟੀ ਤੋਂ ਆਇਆ ਤਾਂ ਈਸ਼ਾ ਨੇ ਘਰ ’ਚ ਆਂਡਾ ਕੜ੍ਹੀ ਬਣਾਉਣ ਲਈ ਕਿਹਾ, ਪਰ ਵਿਪਿਨ ਨੇ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਆਂਡਾ ਕੜ੍ਹੀ ਕਦੇ ਘਰ 'ਚ ਨਹੀਂ ਬਣੀ, ਹੁਣ ਵੀ ਨਹੀਂ ਬਣੇਗੀ। ਕੁਝ ਹੋਰ ਬਣਾਓ। ਇਸ ਨੂੰ ਲੈ ਕੇ ਦੋਵਾਂ ਵਿਚਾਲੇ ਬਹਿਸ ਹੋਈ ਸੀ। ਵਿਵਾਦ ਵਧਦਾ ਵੇਖ ਕੇ ਵਿਪਿਨ ਦੀ ਮਾਂ ਗੀਤਾ ਅਤੇ ਪਿਤਾ ਰਾਮਾਵਤਾਰ ਨੇ ਕਿਸੇ ਤਰ੍ਹਾਂ ਦੋਵਾਂ ਨੂੰ ਸਮਝਾਇਆ। ਇਸ ਤੋਂ ਬਾਅਦ ਵਿਪਿਨ ਅਤੇ ਈਸ਼ਾ ਬਿਨਾਂ ਕੁਝ ਖਾਧੇ ਸੌਂ ਗਏ। ਰਾਤ ਨੂੰ ਫਿਰ ਦੋਵਾਂ ਵਿਚਾਲੇ ਬਹਿਸ ਹੋਈ। ਇਸ ਦੌਰਾਨ, ਈਸ਼ਾ ਨੇ ਆਪਣੇ ਦੰਦਾਂ ਨਾਲ ਵਿਪਿਨ ਦੀ ਜੀਭ ਨੂੰ ਵੱਢ ਲਿਆ। ਦਰਦ ਨਾਲ ਕੁਰਲਾਉਂਦਿਆਂ, ਵਿਪਿਨ ਨੇ ਕਮਰੇ ਦੀ ਭੰਨਤੋੜ ਕਰਨੀ ਸ਼ੁਰੂ ਕਰ ਦਿੱਤੀ।