Happy Lohri 2020 Wishes : ਲੋਹੜੀ ਮੌਕੇ ਖ਼ਾਸ ਲੋਕਾਂ ਨੂੰ ਭੇਜੋ ਇਹ Whatsapp, Quotes ਅਤੇ Messages

ਨਵੀਂ ਦਿੱਲੀ : Happy Lohri 2020 Wishes, ਦੇਸ਼ ਭਰ ਵਿਚ ਅੱਜ ਲੋਹੜੀ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਲੋਹੜੀ ਨੂੰ ਸਰਦੀਆਂ ਦੇ ਜਾਣ ਅਤੇ ਬਸੰਤ ਰੁੱਤ ਦੇ ਆਉਣ ਦਾ ਸੰਕੇਤ ਮੰਨਿਆ ਜਾਂਦਾ ਹੈ। ਇਹ ਤਿਉਹਾਰ ਖ਼ਾਸਕਰ ਨਵੀਆਂ ਫ਼ਸਲਾਂ ਦੀ ਕਟਾਈ ਮੌਕੇ ਮਨਾਇਆ ਜਾਂਦਾ ਹੈ। ਰਵਾਇਤੀ ਤੌਰ 'ਤੇ ਲੋਹੜੀ ਦਾ ਤਿਉਹਾਰ ਕੁਦਰਤ ਨੂੰ ਧੰਨਵਾਦ ਕਹਿਣ ਲਈ ਮਨਾਇਆ ਜਾਂਦਾ ਹੈ। ਮਕਰ ਸਕਰਾਂਤੀ ਦੀ ਪਹਿਲੀ ਸ਼ਾਮ ਲੋਕ ਗੀਤ, ਰੰਗ-ਬਿਰੰਗੀਆਂ ਪੁਸ਼ਾਕਾਂ ਵਿਚ ਨੱਚਣ ਆਦਿ ਨਾਲ ਫਸਲਾਂ ਦਾ ਘਰ-ਘਰ ਸਵਾਗਤ ਕੀਤਾ ਜਾਂਦਾ ਹੈ।

ਮਕਰ ਸੰਕ੍ਰਾਂਤੀ ਤੋਂ ਇਕ ਦਿਨ ਪਹਿਲਾਂ ਉੱਤਰੀ ਭਾਰਤ ਖਾਸਕਰ ਹਰਿਆਣਾ, ਪੰਜਾਬ, ਦਿੱਲੀ ਅਤੇ ਹਿਮਾਚਲ ਪ੍ਰਦੇਸ਼ ਵਿਚ ਲੋਹੜੀ ਦਾ ਤਿਉਹਾਰ ਮਨਾਇਆ ਜਾਂਦਾ ਹੈ। ਕਿਸੇ-ਨਾ-ਕਿਸੇ ਨਾਂ ਨਾਲ ਮਕਰ ਸੰਕ੍ਰਾਂਤੀ ਵਾਲੇ ਦਿਨ ਜਾਂ ਉਸ ਦੇ ਨਾਲ-ਨਾਲ ਭਾਰਤ ਦੇ ਵੱਖ-ਵੱਖ ਸੂਬਿਆਂ ਵਿਚ ਕੋਈ-ਨਾ-ਕੋਈ ਤਿਉਹਾਰ ਮਨਾਇਆ ਜਾਂਦਾ ਹੈ।

ਮਕਰ ਸੰਕ੍ਰਾਂਤੀ ਵਾਲੇ ਦਿਨ ਤਮਿਲ ਹਿੰਦੂ ਪੋਂਗਲ ਦਾ ਤਿਉਹਾਰ ਮਨਾਉਂਦੇ ਹਨ। ਅਸਾਮ ਵਿਚ ਬੀਹੂ ਦੇ ਰੂਪ ਵਿਚ ਇਹ ਤਿਉਹਾਰ ਮਨਾਉਣ ਦੀ ਪਰੰਪਰਾ ਹੈ। ਇਸ ਤਰ੍ਹਾਂ ਲਗਪਗ ਪੂਰੇ ਭਾਰਤ ਵਿਚ ਇਹ ਵੱਖ-ਵੱਖ ਰੂਪਾਂ ਵਿਚ ਮਨਾਇਆ ਜਾਂਦਾ ਹੈ।

ਲੋਹੜੀ ਦਾ ਆਪਣਾ ਵੱਖਰਾ ਹੀ ਮਹੱਤਵ ਹੈ। ਇਸ ਦਿਨ ਤੁਸੀਂ ਆਪਣੇ ਦੋਸਤਾਂ ਪਰਿਵਾਰ ਵਾਲਿਆਂ ਨੂੰ ਕੁਝ ਚੋਣਵੇ ਮੈਸੇਜ ਭੇਜ ਕੇ ਸ਼ੁਭਕਾਮਨਾਵਾਂ ਭੇਜ ਸਕਦੇ ਹੋ....

• ਲੋਹੜੀ ਦਾ ਚਾਨਣ ਤੁਹਾਡੀ ਜ਼ਿੰਦਗੀ ਨੂੰ ਰੌਸ਼ਨ ਕਰ ਦੇਵੇ।
• ਜਿਵੇਂ-ਜਿਵੇਂ ਲੋਹੜੀ ਦੀ ਅੱਗ ਤੇਜ਼ ਹੋਵੇ, ਤਿਵੇਂ-ਤਿਵੇਂ ਸਾਡੇ ਦੁੱਖਾਂ ਦਾ ਅੰਤ ਹੋਵੇ ਹੈੱਪੀ ਲੋਹੜੀ।।
  

• ਦਿਲ ਦੀ ਖੁਸ਼ੀ ਅਤੇ ਆਪਣਿਆਂ ਦਾ ਪਿਆਰ, ਮੁਬਾਰਕ ਹੋਵੇ ਤੁਹਾਨੂੰ ਲੋਹੜੀ ਦਾ ਤਿਉਹਾਰ, ਲੋਹੜੀ ਦੀਆਂ ਸ਼ੁਭਕਾਮਨਾਵਾਂ।।
  

• ਮਿੱਠੇ ਗੁੜ 'ਚ ਮਿਲ ਗਿਆ ਤਿਲ, ਉੱਡੀ ਪਤੰਗ ਤੇ ਖਿੜ ਗਿਆ ਦਿਲ, ਤੁਹਾਡੇ ਜੀਵਨ ਵਿਚ ਆਵੇ ਹਰ ਦਿਨ ਸੁੱਖ ਅਤੇ ਸ਼ਾਂਤੀ, ਵਿਸ਼ ਯੂ ਅ ਹੈੱਪੀ ਲੋਹੜੀ।।
  

• ਮੂੰਗਫਲੀ ਦੀ ਖੁਸ਼ਬੂ ਤੇ ਗੁੜ ਦੀ ਮਿਠਾਸ, ਮੱਕੀ ਦੀ ਰੋਟੀ ਤੇ ਸਰ੍ਹੋਂ ਦਾ ਸਾਗ, ਦਿਲ ਦੀ ਖੁਸ਼ੀ ਤੇ ਆਪਣਿਆਂ ਦਾ ਪਿਆਰ, ਮੁਬਾਰਕ ਹੋਵੇ ਤੁਹਾਨੂੰ ਲੋਹੜੀ ਦਾ ਤਿਉਹਾਰ।।
  

• ਅਸੀਂ ਤੁਹਾਡੇ ਦਿਲ ਵਿਚ ਰਹਿੰਦੇ ਆਂ, ਇਸ ਲਈ ਹਰ ਗ਼ਮ ਸਹਿੰਦੇ ਆਂ, ਕੋਈ ਸਾਥੋਂ ਪਹਿਲਾਂ ਨਾ ਕਹਿ ਦੇਵੇ ਤੁਹਾਨੂੰ, ਇਸ ਲਈ ਇਕ ਦਿਨ ਪਹਿਲਾਂ ਹੀ ਤੁਹਾਨੂੰ, ਹੈੱਪੀ ਲੋਹੜੀ ਕਹਿੰਦੇ ਆਂ...
  

• ਡੇ ਬਾਈ ਡੇ ਤੇਰੀਆਂ ਖ਼ੁਸ਼ੀਆਂ ਹੋ ਜਾਣ ਡਬਲ, ਤੇਰੀ ਜ਼ਿੰਦਗੀ ਤੋਂ ਡਿਲੀਟ ਹੋ ਜਾਣ ਸਾਰੇ ਟ੍ਰਬਲ, ਖ਼ੁਦਾ ਰੱਖੇ ਹਮੇਸ਼ਾ ਤੁਹਾਨੂੰ ਸਮਾਰਟ ਅਤੇ ਫਿੱਟ, ਦੁਆ ਕਰਦੇ ਹਾਂ ਕਿ...ਤੇਰੇ ਲਈ ਇਹ ਲੋਹੜੀ ਦਾ ਤਿਉਹਾਰ ਹੋਵੇ ਸੁਪਰ ਡੁਪਰ ਹਿੱਟ।।