ਭਾਰਤੀਆਂ ਦੀ ਬੱਲੇ-ਬੱਲੇ : ਹੁਣ ਬਿਨਾਂ ਵੀਜ਼ਾ ਜਰਮਨੀ ਦੇ ਰਸਤੇ ਉੱਡੋ ਵਿਦੇਸ਼, ਟਰਾਂਜ਼ਿਟ ਵੀਜ਼ਾ ਤੋਂ ਮਿਲੀ ਮੁਕਤੀ

ਹੁਣ ਤੁਸੀਂ ਬਿਨਾਂ ਵੀਜ਼ੇ ਦੇ ਜਰਮਨੀ ਦੇ ਅੰਤਰਰਾਸ਼ਟਰੀ ਟਰਾਂਜ਼ਿਟ ਏਰੀਆ ਵਿੱਚ ਰੁਕ ਸਕਦੇ ਹੋ ਅਤੇ ਅਗਲੀ ਫਲਾਈਟ ਲੈ ਸਕਦੇ ਹੋ। ਇਹ ਘੋਸ਼ਣਾ ਜਰਮਨ ਚਾਂਸਲਰ ਫ੍ਰੈਡਰਿਕ ਮਰਜ਼ ਦੀ ਪਹਿਲੀ ਭਾਰਤ ਯਾਤਰਾ ਦੌਰਾਨ ਕੀਤੀ ਗਈ। ਅਹਿਮਦਾਬਾਦ ਵਿੱਚ ਪੀਐਮ ਮੋਦੀ ਨੇ ਚਾਂਸਲਰ ਮਰਜ਼ ਨਾਲ ਮੁਲਾਕਾਤ ਕੀਤੀ ਅਤੇ ਇਸ ਫੈਸਲੇ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਪੀਐਮ ਮੋਦੀ ਨੇ ਕਿਹਾ ਕਿ ਇਸ ਕਦਮ ਨਾਲ ਦੋਵਾਂ ਦੇਸ਼ਾਂ ਦੇ ਲੋਕਾਂ ਵਿਚਾਲੇ ਰਿਸ਼ਤੇ ਹੋਰ ਮਜ਼ਬੂਤ ਹੋਣਗੇ।