ਖਾਲੀ ਪੇਟ ਪੀਓ ਹਲਦੀ-ਆਂਵਲਾ ਦਾ ਪਾਣੀ ! Weight Loss ਦੇ ਨਾਲ ਮਿਲੇਗਾ ਜੋੜਾਂ ਦੇ ਦਰਦ ਤੋਂ ਵੀ ਆਰਾਮ
ਜਦੋਂ ਇਨ੍ਹਾਂ ਦੋਵਾਂ ਨੂੰ ਮਿਲਾ ਕੇ ਸਵੇਰੇ ਖਾਲੀ ਪੇਟ ਗੁਣਗੁਣੇ ਪਾਣੀ ਨਾਲ ਪੀਤਾ ਜਾਂਦਾ ਹੈ ਤਾਂ ਇਹ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਨੂੰ ਵਧਾਉਂਦਾ ਹੈ ਤੇ ਡਾਈਜੈਸ਼ਨ, ਸਕਿੰਨ ਤੇ ਵਾਲਾਂ ਦੀ ਸਿਹਤ ਸੁਧਾਰਦਾ ਹੈ।
Posted By Seema Anand
Publish Date: Sat, 18 Oct 2025 01:57 PM (IST)
Updated Date: Sat, 18 Oct 2025 03:01 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਆਯੁਰਵੇਦ 'ਚ ਹਲਦੀ ਅਤੇ ਆਂਵਲਾ ਦੋਵਾਂ ਨੂੰ ਇਕ ਔਸ਼ਧੀ ਦੇ ਰੂਪ 'ਚ ਮੰਨਿਆ ਗਿਆ ਹੈ। ਹਲਦੀ 'ਚ ਮੌਜੂਦ ਕਰਕਿਊਮਿਨ ਇਕ ਤਾਕਤਵਰ ਐਂਟੀ-ਇਨਫਲੇਮੇਟਰੀ ਤੇ ਐਂਟੀਆਕਸੀਡੈਂਟ ਏਜੰਟ ਹੈ ਜਦਕਿ ਆਂਵਲਾ ਵਿਟਾਮਿਨ ਸੀ ਨਾਲ ਭਰਪੂਰ ਇਕ ਕੁਦਰਤੀ ਟੌਨਿਕ ਹੈ।
ਜਦੋਂ ਇਨ੍ਹਾਂ ਦੋਵਾਂ ਨੂੰ ਮਿਲਾ ਕੇ ਸਵੇਰੇ ਖਾਲੀ ਪੇਟ ਗੁਣਗੁਣੇ ਪਾਣੀ ਨਾਲ ਪੀਤਾ ਜਾਂਦਾ ਹੈ ਤਾਂ ਇਹ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਨੂੰ ਵਧਾਉਂਦਾ ਹੈ ਤੇ ਡਾਈਜੈਸ਼ਨ, ਸਕਿੰਨ ਤੇ ਵਾਲਾਂ ਦੀ ਸਿਹਤ ਸੁਧਾਰਦਾ ਹੈ। ਇਹ ਇਕ ਆਸਾਨ, ਪਰ ਬਹੁਤ ਪ੍ਰਭਾਵਸ਼ਾਲੀ ਘਰੇਲੂ ਨੁਸਖਾ ਹੈ, ਜਿਸਨੂੰ ਰੋਜ਼ਾਨਾ ਅਪਣਾਉਣ ਨਾਲ ਤੁਸੀਂ ਲੰਬੇ ਸਮੇਂ ਤਕ ਸਿਹਤਮੰਦ ਰਹਿ ਸਕਦੇ ਹੋ। ਤਾਂ ਆਓ ਇਸ ਦੇ 8 ਮੁੱਖ ਫਾਇਦਿਆਂ ਬਾਰੇ ਜਾਣੀਏ।
ਰੋਗ ਪ੍ਰਤੀਰੋਧਕ ਸਮਰੱਥਾ ਵਧਾਉਂਦੈ
ਆਂਵਲੇ 'ਚ ਮੌਜੂਦ ਵਿਟਾਮਿਨ ਸੀ ਅਤੇ ਹਲਦੀ ਦੇ ਕਰਕਿਊਮਿਨ ਤੱਤ ਮਿਲ ਕੇ ਇਮਿਊਨ ਸਿਸਟਮ ਨੂੰ ਮਜ਼ਬੂਤੀ ਪ੍ਰਦਾਨ ਕਰਦੇ ਹਨ। ਇਸ ਨਾਲ ਸਰੀਰ ਮੌਸਮੀ ਬਿਮਾਰੀਆਂ ਤੇ ਵਾਇਰਲ ਇਨਫੈਕਸ਼ਨਾਂ ਨਾਲ ਲੜਨ ਵਿਚ ਮਦਦ ਕਰਦਾ ਹੈ।
ਸਰੀਰ ਨੂੰ ਡਿਟੌਕਸ ਕਰੇ
ਹਲਦੀ ਤੇ ਆਂਵਲੇ ਦਾ ਇਹ ਕੌਂਬੀਨੇਸ਼ਨ ਲਿਵਰ ਦੀ ਕਾਰਗੁਜ਼ਾਰੀ ਨੂੰ ਸੁਧਾਰਦਾ ਹੈ ਤੇ ਸਰੀਰ ਤੋਂ ਟੌਕਸਿਨ ਨੂੰ ਬਾਹਰ ਕੱਢਦਾ ਹੈ, ਜਿਸ ਨਾਲ ਸਕਿੰਨ ਤਾਜ਼ਗੀ ਭਰੀ ਅਤੇ ਨਵੀਂ ਲੱਗਦੀ ਹੈ।
ਵਜ਼ਨ ਘਟਾਉਣ 'ਚ ਸਹਾਇਕ
ਇਹ ਪੀਣ ਵਾਲਾ ਪਦਾਰਥ ਮੈਟਾਬੋਲਿਜ਼ਮ ਨੂੰ ਵਧਾਉਂਦਾ ਹੈ ਅਤੇ ਫੈਟ ਬਰਨਿੰਗ ਪ੍ਰਕਿਰਿਆ ਨੂੰ ਸਰਗਰਮ ਕਰਦਾ ਹੈ। ਨਾਲ ਹੀ, ਇਹ ਭੁੱਖ ਨੂੰ ਵੀ ਕੰਟਰੋਲ ਕਰਦਾ ਹੈ, ਜਿਸ ਨਾਲ ਵਜ਼ਨ ਘਟਾਉਣ 'ਚ ਮਦਦ ਮਿਲਦੀ ਹੈ।
ਪਾਚਨ ਤੰਤਰ ਨੂੰ ਮਜ਼ਬੂਤ ਕਰਦਾ ਹੈ
ਸਵੇਰੇ ਖਾਲੀ ਪੇਟ ਇਸ ਦਾ ਸੇਵਨ ਕਰਨ ਨਾਲ ਗੈਸ, ਐਸਿਡਿਟੀ ਤੇ ਅਪਚ ਜਿਹੀਆਂ ਸਮੱਸਿਆਵਾਂ ਘਟਦੀਆਂ ਹਨ ਤੇ ਪਚਾਉਣ ਦੀ ਸਮਰੱਥਾ ਸੁਧਰਦੀ ਹੈ।
ਸਕਿੰਨ ਨਿਖਾਰਦਾ ਹੈ
ਐਂਟੀਆਕਸੀਡੈਂਟ ਤੇ ਵਿਟਾਮਿਨ ਸੀ ਸਕਿੰਨ ਨੂੰ ਡਿਟੌਕਸ ਕਰਦੇ ਹਨ, ਝੁਰੜੀਆਂ ਘਟਾਉਂਦੇ ਹਨ ਤੇ ਇਕ ਕੁਦਰਤੀ ਚਮਕ ਪ੍ਰਦਾਨ ਕਰਦੇ ਹਨ।
ਜੋੜਾਂ ਦੇ ਦਰਦ 'ਚ ਰਾਹਤ
ਹਲਦੀ ਦੀ ਸੋਜ਼ਿਸ਼ ਘਟਾਉਣ ਵਾਲੇ ਗੁਣ ਜੋੜਾਂ ਦੇ ਦਰਦ ਤੇ ਗਠੀਏ ਵਰਗੀਆਂ ਸਮੱਸਿਆਵਾਂ 'ਚ ਰਾਹਤ ਦਿੰਦੇ ਹਨ।
ਬਲੱਡ ਸ਼ੂਗਰ ਨੂੰ ਕੰਟਰੋਲ ਕਰੇ
ਇਹ ਇਨਸੁਲਿਨ ਸੈਂਸਟਿਵਿਟੀ ਨੂੰ ਵਧਾਉਂਦਾ ਹੈ ਤੇ ਬਲੱਡ ਸ਼ੂਗਰ ਨੂੰ ਬੈਲੇਂਸ ਰੱਖਦਾ ਹੈ ਜਿਸ ਨਾਲ ਡਾਇਬਟੀਜ਼ ਦੇ ਮਰੀਜ਼ਾਂ ਨੂੰ ਲਾਭ ਮਿਲਦਾ ਹੈ।
ਵਾਲਾਂ ਨੂੰ ਮਜ਼ਬੂਤੀ ਦਿੰਦਾ ਹੈ
ਆਂਵਲਾ ਵਾਲਾਂ ਦੀਆਂ ਜੜ੍ਹਾਂ ਨੂੰ ਪੋਸ਼ਣ ਦਿੰਦਾ ਹੈ ਤੇ ਝੜਨਾ ਘਟਾਉਂਦਾ ਹੈ, ਜਦਕਿ ਹਲਦੀ ਸਕੈਲਪ ਨੂੰ ਸਾਫ ਤੇ ਸਿਹਤਮੰਦ ਰੱਖਦੀ ਹੈ।
ਹਲਦੀ ਤੇ ਆਂਵਲੇ ਦਾ ਸੰਯੋਜਨ ਇਕ ਕੁਦਰਤੀ ਸਿਹਤ ਟੌਨਿਕ ਹੈ। ਰੋਜ਼ ਸਵੇਰੇ ਇਸਨੂੰ ਖਾਲੀ ਪੇਟ ਪੀਣ ਨਾਲ ਨਾ ਸਿਰਫ ਤੁਹਾਡਾ ਸਰੀਰ ਅੰਦਰੋਂ ਮਜ਼ਬੂਤ ਹੁੰਦਾ ਹੈ ਸਗੋਂ ਇਹ ਤੁਹਾਡੇ ਸਮੂਹਕ ਸਿਹਤ ਨੂੰ ਵੀ ਸੰਵਾਰਦਾ ਹੈ। ਇਸਨੂੰ ਆਪਣੀ ਰੂਟੀਨ ਦਾ ਹਿੱਸਾ ਬਣਾਕੇ ਤੁਸੀਂ ਸਿਹਤਮੰਦ ਤੇ ਉਰਜਾਵਾਨ ਜੀਵਨ ਵੱਲ ਇਕ ਕਦਮ ਵਧਾ ਸਕਦੇ ਹੋ।