Skin Infection : ਇਕ ਤੋਂ ਦੂਸਰੇ 'ਚ ਫੈਲਣ ਵਾਲੀ ਖਤਰਨਾਕ ਇਨਫੈਕਸ਼ਨ ਹੈ ਸਕੈਬੀਜ਼, ਵੱਡੇ ਹੀ ਨਹੀਂ ਬੱਚੇ ਤਕ ਹੋ ਸਕਦੇ ਹਨ ਸ਼ਿਕਾਰ

Skin Infection : ਸਕੈਬੀਜ਼ ਇਕ ਸਕਿਨ ਇਨਫੈਕਸ਼ਨ ਹੈ ਜੋ ਇਕ ਕਿਸਮ ਦੇ ਕੀਟਾਣੂਆਂ ਵੱਲੋਂ ਹੁੰਦੀ ਹੈ। ਜਿਸ ਵਿੱਚ ਖੁਜਲੀ, ਧੱਫੜ ਤੇ ਦਾਣਿਆਂ ਦੀ ਸਮੱਸਿਆ ਹੁੰਦੀ ਹੈ। ਇਸ ਤੋਂ ਪੀੜਤ ਵਿਅਕਤੀ ਨੂੰ ਲਗਪਗ ਹਰ ਸਮੇਂ ਖਾਰਸ਼ ਹੁੰਦੀ ਰਹਿੰਦੀ ਹੈ, ਜਿਸ ਕਾਰਨ ਨੀਂਦ ਨਾ ਆਉਣ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਇਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿੱਚ ਬਹੁਤ ਆਸਾਨੀ ਨਾਲ ਫੈਲ ਸਕਦੀ ਹੈ।

ਸਕੈਬੀਜ਼ ਦੀ ਵਜ੍ਹਾ

ਸਕੈਬੀਜ਼ ਇਕ ਕਿਸਮ ਦੇ ਕੀਟਾਣੂ ਕਾਰਨ ਹੁੰਦੀ ਹੈ ਜਿਸਨੂੰ ਸਰਕੋਪਸ ਸਕੈਬੀ ਕਿਹਾ ਜਾਂਦਾ ਹੈ। ਇਹ ਕੀਟਾਣੂ ਸਕਿਨ ਦੀ ਸਤ੍ਹਾ ਹੇਠਾਂ ਆਉਂਦਾ ਹੈ ਤੇ ਇੱਥੇ ਵਾਲਾਂ ਜਾਂ ਖਾਰਸ਼ ਵਾਲੇ ਖੇਤਰ ਵਿਚ ਸੈਟਲ ਹੋ ਜਾਂਦਾ ਹੈ। ਫਿਰ ਇਸ ਕੀਟਾਣੂ ਵੱਲੋਂ ਇਕ ਕਿਸਮ ਦਾ ਰਸਾਇਣਕ ਤੱਤ ਛੱਡਿਆ ਜਾਂਦਾ ਹੈ ਜਿਸ ਨੂੰ ਸਾੜਨ ਜਾਂ ਮਾਰੇ ਬਿਨਾਂ ਹਟਾਇਆ ਨਹੀਂ ਜਾ ਸਕਦਾ। ਇਸ ਰਸਾਇਣਕ ਤੱਤ ਕਾਰਨ ਸਕੈਬੀਜ਼ ਆਸਾਨੀ ਨਾਲ ਫੈਲ ਸਕਦੀ ਹੈ, ਜੋ ਦੂਜੇ ਵਿਅਕਤੀਆਂ ਨੂੰ ਵੀ ਇਨਫੈਕਟਿਡ ਕਰ ਸਕਦੀ ਹੈ। ਇਹ ਕੀੜਾ ਇਕ ਛੋਟੀ ਤੋਂ ਵੱਡੀ ਭੂਰੇ-ਸਲੇਟੀ ਰੰਗ ਦੀ ਕੀੜੀ ਵਰਗਾ ਦਿਖਾਈ ਦਿੰਦਾ ਹੈ। ਇਹ ਕੀਟਾਣੂ ਲਗਪਗ 0.3 ਮਿਲੀਮੀਟਰ ਲੰਬਾ ਹੁੰਦਾ ਹੈ।

ਸਕੈਬੀਜ਼ ਦੇ ਸ਼ੁਰੂਆਤੀ ਲੱਛਣ ਆਰਜ਼ੀ ਹੋ ਸਕਦੇ ਹਨ ਅਤੇ ਆਮ ਤੌਰ 'ਤੇ ਇਸ ਲਾਗ ਦੇ ਲੱਛਣਾਂ ਦਾ ਪਤਾ ਲਗਾਉਣਾ ਥੋੜ੍ਹਾ ਮੁਸ਼ਕਲ ਹੋ ਸਕਦਾ ਹੈ। ਇਸ ਲਈ ਇਸ ਬਿਮਾਰੀ ਪ੍ਰਤੀ ਸੁਚੇਤ ਰਹਿਣਾ ਅਤੇ ਇਸ ਦੇ ਲੱਛਣਾਂ ਨੂੰ ਜਾਣਨਾ ਬਹੁਤ ਜ਼ਰੂਰੀ ਹੈ।

ਸਕੈਬੀਜ਼ ਦੇ ਸ਼ੁਰੂਆਤੀ ਲੱਛਣ

ਖੁਜਲੀ : ਖੁਰਕ ਦੀ ਲਾਗ ਦਾ ਸਭ ਤੋਂ ਪ੍ਰਮੁੱਖ ਲੱਛਣ ਖੁਜਲੀ ਹੈ। ਇਹ ਖੁਜਲੀ ਸਰੀਰ ਦੇ ਵੱਖ-ਵੱਖ ਸਥਾਨਾਂ ਜਿਵੇਂ ਕਿ ਹੱਥ, ਪੈਰ, ਨੱਕ ਆਦਿ ਵਿੱਚ ਹੋ ਸਕਦੀ ਹੈ। ਖੁਜਲੀ ਬਹੁਤ ਅਸਹਿ ਹੋ ਜਾਂਦੀ ਹੈ ਜਿਸ ਕਾਰਨ ਸਕਿਨ 'ਤੇ ਜ਼ਖ਼ਮ ਵੀ ਬਣ ਜਾਂਦੇ ਹਨ ਤੇ ਇਹ ਜ਼ਖ਼ਮ ਇਨਫੈਕਸ਼ਨ ਵਧਾਉਣ ਦਾ ਕੰਮ ਕਰਦੇ ਹਨ।

ਦਾਣੇ : ਸਕੈਬੀਜ਼ ਦੀ ਲਾਗ ਦਾ ਇਕ ਹੋਰ ਲੱਛਣ ਦਾਣੇ ਹੋਣਾ ਹੈ। ਇਨ੍ਹਾਂ ਦਾਣਿਆਂ ਦਾ ਆਕਾਰ ਛੋਟਾ ਹੁੰਦਾ ਹੈ ਅਤੇ ਇਨ੍ਹਾਂ ਨੂੰ ਆਸਾਨੀ ਨਾਲ ਦੇਖਿਆ ਨਹੀਂ ਜਾ ਸਕਦਾ।

ਇਨ੍ਹਾਂ ਅੰਗਾਂ 'ਚ ਹੋ ਸਕਦੀ ਹੈ ਸਕੈਬੀਜ਼ ਦੀ ਸਮੱਸਿਆ

ਗੁੱਟ

ਕੂਹਣੀ

ਕੱਛਾਂ

ਨਿੱਪਲ

ਲਿੰਗ

ਕਮਰ

ਬ੍ਰੈਸਟ

ਉਂਗਲਾਂ ਵਿਚਕਾਰਲਾ ਹਿੱਸਾ

ਇਸ ਬਿਮਾਰੀ ਤੋਂ ਬਚਣ ਲਈ ਅਪਣਾਓ ਇਹ ਉਪਾਅ

• ਸਕੈਬੀਜ਼ ਤੋਂ ਬਚਣ ਲਈ ਸਫਾਈ ਦਾ ਧਿਆਨ ਰੱਖੋ। ਤੁਹਾਨੂੰ ਆਪਣੇ ਸਰੀਰ ਨੂੰ ਸਾਫ਼-ਸੁਥਰਾ ਰੱਖਣਾ ਚਾਹੀਦਾ ਹੈ।
• ਸਕੈਬੀਜ਼ ਦੇ ਕੀੜਿਆਂ ਨੂੰ ਮਾਰਨ ਤੇ ਖੁਜਲੀ ਤੋਂ ਰਾਹਤ ਪਾਉਣ ਲਈ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰੋ।
• ਸਕੈਬੀਜ਼ ਦੇ ਕੀੜੇ ਫਰਨੀਚਰ, ਕੱਪੜਿਆਂ ਅਤੇ ਬਿਸਤਰੇ ਰਾਹੀਂ ਵੀ ਫੈਲ ਸਕਦੇ ਹਨ, ਇਸ ਲਈ ਇਨ੍ਹਾਂ ਚੀਜ਼ਾਂ ਨੂੰ ਆਪਣੇ ਸਰੀਰ ਦੇ ਨਾਲ-ਨਾਲ ਸਾਫ਼ ਰੱਖੋ।
• ਡਾਕਟਰ ਸਕੈਬੀਜ਼ ਦੇ ਇਲਾਜ ਲਈ ਕਰੀਮ, ਲੋਸ਼ਨ ਜਾਂ ਮਲਮਾਂ ਨੂੰ ਲਗਾਉਣ ਦੀ ਸਲਾਹ ਦਿੰਦੇ ਹਨ। ਇਸ ਤੋਂ ਇਲਾਵਾ ਇਸ ਦੇ ਇਲਾਜ ਲਈ ਓਰਲ ਮੈਡੀਸਿਨ ਵੀ ਆਉਂਦੀ ਹੈ।

(Dr.Preet Pal Thakur, Co-Founder Glamyo Health ਨਾਲ ਗੱਲਬਾਤ 'ਤੇ ਆਧਾਰਤ)