Skin Cancer : ਕੈਂਸਰ ਦਾ ਸੰਕੇਤ ਹੋ ਸਕਦੇ ਹਨ ਸਕੈਲਪ 'ਤੇ ਨਜ਼ਰ ਆ ਰਹੇ ਇਹ ਲੱਛਣ, ਭਾਰੀ ਪੈ ਸਕਦੀ ਹੈ ਅਣਦੇਖੀ

ਨਵੀਂ ਦਿੱਲੀ, ਲਾਈਫਸਟਾਈਲ ਡੈਸਕ : Skin Cancer : ਕੈਂਸਰ ਇਕ ਗੰਭੀਰ ਬਿਮਾਰੀ ਹੈ ਜਿਸ ਦਾ ਸਹੀ ਸਮੇਂ 'ਤੇ ਇਲਾਜ ਕੀਤਾ ਜਾਵੇ ਤਾਂ ਇਸ ਨੂੰ ਜਾਨਲੇਵਾ ਬਣਨ ਤੋਂ ਰੋਕਿਆ ਜਾ ਸਕਦਾ ਹੈ। ਹਾਲਾਂਕਿ ਕਈ ਮਾਮਲਿਆਂ 'ਚ ਇਹ ਘਾਤਕ ਵੀ ਸਾਬਤ ਹੁੰਦਾ ਹੈ। ਸਰੀਰ ਦੇ ਵੱਖ-ਵੱਖ ਹਿੱਸਿਆਂ 'ਚ ਹੋਣ ਵਾਲੇ ਕੈਂਸਰ ਨੂੰ ਵੱਖ-ਵੱਖ ਨਾਵਾਂ ਨਾਲ ਜਾਣਿਆ ਜਾਂਦਾ ਹੈ। ਸਕਿਨ ਕੈਂਸਰ ਇਨ੍ਹਾਂ ਵਿੱਚੋਂ ਇਕ ਹੈ, ਜੋ ਸਕਿੰਨ ਤੋਂ ਹੋਣ ਵਾਲਾ ਕੈਂਸਰ ਹੁੰਦਾ ਹੈ। ਆਮ ਤੌਰ 'ਤੇ ਜਦੋਂ ਸਕਿੰਨ ਕੈਂਸਰ ਦੀ ਗੱਲ ਆਉਂਦੀ ਹੈ ਤਾਂ ਅਸੀਂ ਆਪਣੇ ਪੂਰੇ ਸਰੀਰ ਦੀ ਸਕਿੰਨ ਬਾਰੇ ਸੋਚਦੇ ਹਾਂ। ਹਾਲਾਂਕਿ, ਇਸ ਸਮੇਂ ਦੌਰਾਨ ਲੋਕ ਅਕਸਰ ਆਪਣੀ ਸਕੈਲਪ ਨੂੰ ਭੁੱਲ ਜਾਂਦੇ ਹਨ।

ਕੀ ਹੈ ਸਕੈਲਪ ਕੈਂਸਰ?

ਸਕੈਲਪ ਕੈਂਸਰ ਸਕਿੰਨ ਕੈਂਸਰ ਦਾ ਇਕ ਰੂਪ ਹੈ ਜਿਸ ਬਾਰੇ ਬਹੁਤ ਘੱਟ ਲੋਕ ਜਾਣਦੇ ਹਨ। ਇਸਨੂੰ ਕਿਊਟੇਨੀਅਸ ਸਕੈਲਪ ਮੈਲੀਗਨੈਂਸੀ (Cutaneous Scalp Malignancy) ਵੀ ਕਿਹਾ ਜਾਂਦਾ ਹੈ। ਇਹ ਸਿਰ 'ਤੇ ਹੋਣ ਵਾਲੇ ਕੈਂਸਰ ਦੇ ਵਿਕਾਸ ਨੂੰ ਦਰਸਾਉਂਦਾ ਹੈ। ਸਕੈਲਪ ਕੈਂਸਰ ਹਾਨੀਕਾਰਕ ਅਲਟਰਾਵਾਇਲਟ ਕਿਰਨਾਂ (UV) ਦੇ ਸੰਪਰਕ ਕਾਰਨ ਹੋ ਸਕਦਾ ਹੈ।

ਖੋਪੜੀ 'ਤੇ ਦਿਖਾਈ ਦੇਣ ਵਾਲੇ ਕੈਂਸਰ ਦੇ ਲੱਛਣ

ਸਾਡੀ ਖੋਪੜੀ ਆਮ ਤੌਰ 'ਤੇ ਵਾਲਾਂ ਨਾਲ ਢਕੀ ਹੁੰਦੀ ਹੈ, ਇਸ ਲਈ ਇਸਦੀ ਸਕਿੰਨ 'ਚ ਤਬਦੀਲੀਆਂ ਦਾ ਪਤਾ ਲਗਾਉਣਾ ਮੁਸ਼ਕਲ ਹੋ ਜਾਂਦਾ ਹੈ, ਜਿਸ ਕਾਰਨ ਸਕਿੰਨ ਕੈਂਸਰ ਦੇ ਇਸ ਰੂਪ ਨੂੰ ਸ਼ੁਰੂਆਤੀ ਪੜਾਵਾਂ 'ਚ ਖੋਜਣਾ ਵਧੇਰੇ ਮੁਸ਼ਕਲ ਹੋ ਜਾਂਦਾ ਹੈ। ਇਸ ਤੋਂ ਇਲਾਵਾ ਇਸ ਦੇ ਲੱਛਣ ਅਕਸਰ ਖੋਪੜੀ ਦੀਆਂ ਆਮ ਸਮੱਸਿਆਵਾਂ ਵਰਗੇ ਹੁੰਦੇ ਹਨ, ਜਿਸ ਕਾਰਨ ਕਈ ਵਾਰ ਲੋਕ ਇਸ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਅਜਿਹੇ 'ਚ ਅੱਜ ਅਸੀਂ ਤੁਹਾਨੂੰ ਖੋਪੜੀ 'ਚ ਨਜ਼ਰ ਆਉਣ ਵਾਲੇ ਕੁਝ ਅਜਿਹੇ ਬਦਲਾਅ ਬਾਰੇ ਦੱਸਾਂਗੇ, ਜਿਨ੍ਹਾਂ ਨੂੰ ਹਲਕੇ 'ਚ ਨਹੀਂ ਲੈਣਾ ਚਾਹੀਦਾ।

• ਸਿਰ 'ਤੇ ਕੋਈ ਵੀ ਜ਼ਖਮ ਜੋ ਠੀਕ ਨਾ ਹੋਵੇ ਜਾਂ ਵਾਰ-ਵਾਰ ਵਾਪਸ ਆ ਜਾਵੇ, ਸਿਰ ਦੇ ਕੈਂਸਰ ਦੀ ਨਿਸ਼ਾਨੀ ਹੋ ਸਕਦੀ ਹੈ।
• ਖੋਪੜੀ ਦੇ ਕਿਸੇ ਖਾਸ ਹਿੱਸੇ 'ਚ ਲਗਾਤਾਰ ਖਾਰਸ਼ ਜਾਂ ਕੋਮਲਤਾ, ਜੋ ਨਿਯਮਤ ਦੇਖਭਾਲ ਨਾਲ ਵੀ ਠੀਕ ਨਹੀਂ ਹੁੰਦੀ, ਵੀ ਸਕੈਲਪ ਕੈਂਸਰ ਦਾ ਕਾਰਨ ਬਣ ਸਕਦੀ ਹੈ।
• ਸਕੈਲਪ 'ਤੇ ਕੋਈ ਵੀ ਨਵੀਂ ਗੰਢ ਜਾਂ ਸੋਜ਼ਿਸ਼, ਲਗਾਤਾਰ ਬਣੀ ਰਹਿੰਦੀ ਹੈ ਤੇ ਵਧਦੀ ਹੈ, ਸਕੈਲਪ ਕੈਂਸਰ ਦੀ ਨਿਸ਼ਾਨੀ ਹੋ ਸਕਦੀ ਹੈ।
• ਸਕੈਲਪ 'ਚ ਜੇਕਰ ਧੱਬਿਆਂ ਦੇ ਰੰਗ ਜਾਂ ਬਣਾਵਟ 'ਚ ਬਦਲਾਅ ਦੇ ਨਾਲ ਪਪੜੀਦਾਰ ਜ਼ਖ਼ਮ ਦਿਖਾਈ ਦੇ ਰਹੇ ਹਨ ਤਾਂ ਕਿਸੇ ਮਾਹਿਰ ਨਾਲ ਤੁਰੰਤ ਸੰਪਰਕ ਕਰੋ।
• ਖੁੱਲ੍ਹੇ ਜ਼ਖਮ, ਫੋੜੇ ਜੋ ਕੁਝ ਹਫ਼ਤਿਆਂ 'ਚ ਠੀਕ ਨਹੀਂ ਹੁੰਦੇ, ਕੈਂਸਰ ਦਾ ਕਾਰਨ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ ਬਿਨਾਂ ਕਿਸੇ ਕਾਰਨ ਖੋਪੜੀ ਤੋਂ ਖੂਨ ਵਗਣਾ ਵੀ ਚਿਤਾਵਨੀ ਹੋ ਸਕਦਾ ਹੈ।
• ਜੇਕਰ ਤੁਹਾਡੇ ਵਾਲਾਂ ਦੇ ਵਾਧੇ ਦੇ ਪੈਟਰਨ 'ਚ ਲਗਾਤਾਰ ਬਦਲਾਅ ਜਿਵੇਂ ਕਿ ਪਤਲੇ ਹੋਣਾ ਜਾਂ ਵਾਲ ਝੜਦੇ ਹਨ ਤਾਂ ਇਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ।
• ਗਰਦਨ ਜਾਂ ਖੋਪੜੀ ਦੇ ਦੁਆਲੇ ਸੁੱਜੀਆਂ ਲਿੰਫ ਨੋਡਸ ਦਾ ਮਤਲਬ ਇਹ ਹੋ ਸਕਦਾ ਹੈ ਕਿ ਸਕੈਲਪ ਕੈਂਸਰ ਫੈਲ ਗਿਆ ਹੈ।
• ਹਾਲਾਂਕਿ, ਇਹ ਨੋਟ ਕਰਨਾ ਵੀ ਮਹੱਤਵਪੂਰਨ ਹੈ ਕਿ ਇਹ ਲੱਛਣ ਸਕੈਲਪ ਦੀਆਂ ਹੋਰ ਸਮੱਸਿਆਵਾਂ ਕਾਰਨ ਵੀ ਹੋ ਸਕਦੇ ਹਨ ਜੋ ਕੈਂਸਰ ਨਾਲ ਸਬੰਧਤ ਨਹੀਂ ਹਨ।