Moringa Benefits : ਔਰਤਾਂ ਲਈ ਵਰਦਾਨ ਤੋਂ ਘੱਟ ਨਹੀਂ Moringa, ਸਿਹਤ ਤੋਂ ਲੈ ਕੇ ਸਕਿਨ ਤਕ ਲਈ ਹੈ ਗੁਣਕਾਰੀ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਪੋਸ਼ਕ ਤੱਤਾਂ ਨਾਲ ਭਰਪੂਰ ਮੋਰਿੰਗਾ ਆਪਣੇ ਸ਼ਕਤੀਸ਼ਾਲੀ ਗੁਣਾਂ ਕਾਰਨ ਕਈ ਸਮੱਸਿਆਵਾਂ ਤੋਂ ਰਾਹਤ ਦਿਵਾਉਂਦਾ ਹੈ। ਇਹ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਪੌਦਾ ਹੈ ਜਿਸ ਵਿਚ ਵਿਟਾਮਿਨ, ਖਣਿਜ ਤੇ ਐਂਟੀਆਕਸੀਡੈਂਟਸ ਦੀ ਭਰਪੂਰ ਮਾਤਰਾ ਪਾਈ ਜਾਂਦੀ ਹੈ। ਇਸ ਦੇ ਔਸ਼ਧੀ ਗੁਣਾਂ ਕਾਰਨ ਇਸਨੂੰ ਚਮਤਕਾਰੀ ਦਰੱਖਤ ਵਜੋਂ ਵੀ ਜਾਣਿਆ ਜਾਂਦਾ ਹੈ ਅਤੇ ਇਸ ਲਈ ਇਸਦੇ ਪੱਤਿਆਂ ਤੋਂ ਲੈ ਕੇ ਫੁੱਲਾਂ ਤੇ ਫਲੀਆਂ ਤਕ ਇਸਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਵਰਤਿਆ ਜਾਂਦਾ ਹੈ।

ਆਮ ਤੌਰ 'ਤੇ ਲੋਕ ਭਾਰ ਘਟਾਉਣ, ਸਕਿਨ ਦੀ ਦੇਖਭਾਲ, ਵਾਲਾਂ ਦੀ ਦੇਖਭਾਲ ਤੇ ਹੋਰ ਸਮੱਸਿਆਵਾਂ ਲਈ ਕਈ ਤਰੀਕਿਆਂ ਨਾਲ ਮੋਰਿੰਗਾ ਦਾ ਲਾਭ ਲੈਂਦੇ ਹਨ। ਅਜਿਹੀ ਸਥਿਤੀ 'ਚ ਅੱਜ ਦੇ ਲੇਖ 'ਚ ਅਸੀਂ ਤੁਹਾਨੂੰ ਔਰਤਾਂ ਲਈ ਮੋਰਿੰਗਾ ਦੇ ਕੁਝ ਫਾਇਦੇ ਦੱਸਾਂਗੇ-

ਵੇਟ ਮੈਨੇਜਮੈਂਟ 'ਚ ਫਾਇਦੇਮੰਦ

ਮੋਰਿੰਗਾ ਮੈਟਾਬੌਲਿਜ਼ਮ ਤੇ ਫੈਟ ਤੋੜਨ 'ਚ ਮਦਦ ਕਰਦਾ ਹੈ ਤੇ ਇਸ ਤਰ੍ਹਾਂ ਇਹ ਭਾਰ ਘਟਾਉਣ 'ਚ ਮਦਦਗਾਰ ਹੁੰਦਾ ਹੈ। ਅਜਿਹੀ ਸਥਿਤੀ 'ਚ ਜੋ ਔਰਤਾਂ ਆਪਣੇ ਭਾਰ ਨੂੰ ਹੋਰ ਪ੍ਰਭਾਵਸ਼ਾਲੀ ਢੰਗ ਨਾਲ ਸੰਭਾਲਣਾ ਚਾਹੁੰਦੀਆਂ ਹਨ, ਉਨ੍ਹਾਂ ਨੂੰ ਆਪਣੀ ਖੁਰਾਕ 'ਚ ਮੋਰਿੰਗਾ ਨੂੰ ਸ਼ਾਮਲ ਕਰਨਾ ਚਾਹੀਦਾ ਹੈ।

ਪਾਚਨ ਸਿਹਤ 'ਚ ਸੁਧਾਰ

ਇਸ 'ਚ ਭਰਪੂਰ ਮਾਤਰਾ 'ਚ ਫਾਈਬਰ ਹੁੰਦਾ ਹੈ ਜੋ ਪਾਚਨ ਕਿਰਿਆ ਨੂੰ ਠੀਕ ਕਰਨ 'ਚ ਮਦਦ ਕਰਦਾ ਹੈ। ਨਾਲ ਹੀ ਖੁਰਾਕ 'ਚ ਮੋਰਿੰਗਾ ਨੂੰ ਸ਼ਾਮਲ ਕਰਨਾ ਕਬਜ਼ ਰੋਕਣ 'ਚ ਮਦਦ ਕਰਦਾ ਹੈ ਜੋ ਕਿ ਵੱਖ-ਵੱਖ ਉਮਰ ਵਰਗ ਦੀਆਂ ਔਰਤਾਂ 'ਚ ਇਕ ਆਮ ਸਮੱਸਿਆ ਹੈ।

ਪ੍ਰਜਣਨ ਸਿਹਤ ਨੂੰ ਬਿਹਤਰ ਬਣਾਏ

ਜਰਨਲ ਆਫ਼ ਐਥਨੋਫਾਰਮਾਕੋਲੋਜੀ ਅਨੁਸਾਰ ਮੋਰਿੰਗਾ ਹਾਰਮੋਨਸ ਨੂੰ ਸੰਤੁਲਿਤ ਕਰਨ ਤੇ ਔਰਤਾਂ 'ਚ ਉਪਜਾਊ ਸ਼ਕਤੀ ਸੁਧਾਰਨ ਲਈ ਜਾਣਿਆ ਜਾਂਦਾ ਹੈ। ਇਸ ਵਿਚ ਮੌਜੂਦ ਫਾਈਟੋਐਸਟ੍ਰੋਜਨ ਤੱਤ ਇਸ ਗੁਣ ਲਈ ਜ਼ਿੰਮੇਵਾਰ ਹੈ।

ਬਲੱਡ ਸ਼ੂਗਰ ਕੰਟਰੋਲ ਕਰੇ

ਜੇਕਰ ਤੁਸੀਂ ਡਾਇਬਟੀਜ਼ ਦੇ ਮਰੀਜ਼ ਹੋ ਤਾਂ ਆਪਣੀ ਡਾਈਟ 'ਚ ਮੋਰਿੰਗਾ ਨੂੰ ਸ਼ਾਮਲ ਕਰਨਾ ਫਾਇਦੇਮੰਦ ਹੋਵੇਗਾ। ਇਹ ਬਲੱਡ ਸ਼ੂਗਰ ਦੇ ਪੱਧਰ ਨੂੰ ਕੰਟਰੋਲ ਕਰਨ 'ਚ ਮਦਦ ਕਰਦਾ ਹੈ ਜੋ ਕਿ ਟਾਈਪ 2 ਡਾਇਬਟੀਜ਼ ਨੂੰ ਰੋਕਣ ਲਈ ਮਹੱਤਵਪੂਰਨ ਹੈ।

ਗਠੀਏ 'ਚ ਅਸਰਦਾਰ

ਇਸਦੇ ਐਂਟੀ-ਆਕਸੀਡੈਂਟ ਗੁਣਾਂ ਕਾਰਨ ਮੋਰਿੰਗਾ ਔਰਤਾਂ 'ਚ ਗਠੀਆ ਤੇ ਹੋਰ ਸੋਜ਼ਿਸ਼ ਸਬੰਧੀ ਸਮੱਸਿਆਵਾਂ ਦੇ ਲੱਛਣਾਂ ਨੂੰ ਘਟਾਉਂਦਾ ਹੈ।

ਦਿਲ ਨੂੰ ਸਿਹਤਮੰਦ ਰੱਖੋ

ਅੱਜਕਲ੍ਹ ਔਰਤਾਂ 'ਚ ਵੀ ਦਿਲ ਨਾਲ ਜੁੜੀਆਂ ਸਮੱਸਿਆਵਾਂ ਦੇ ਮਾਮਲੇ ਤੇਜ਼ੀ ਨਾਲ ਵਧ ਰਹੇ ਹਨ। ਅਜਿਹੀ ਸਥਿਤੀ 'ਚ ਮੋਰਿੰਗਾ ਨੂੰ ਆਪਣੀ ਖੁਰਾਕ 'ਚ ਸ਼ਾਮਲ ਕਰਨਾ ਕੋਲੈਸਟ੍ਰੋਲ ਦੇ ਪੱਧਰ ਨੂੰ ਘਟਾਉਣ 'ਚ ਮਦਦ ਕਰਦਾ ਹੈ ਜਿਸ ਨਾਲ ਹਾਰਟ ਡਿਜ਼ੀਜ਼ ਦਾ ਖ਼ਤਰਾ ਘੱਟ ਹੁੰਦਾ ਹੈ ਜੋ ਉਮਰ ਵਧਣ ਨਾਲ ਔਰਤਾਂ ਲਈ ਮਹੱਤਵਪੂਰਨ ਹੈ।

ਸਕਿਨ ਨੂੰ ਹੈਲਦੀ ਬਣਾਏ

ਮੋਰਿੰਗਾ 'ਚ ਪਾਏ ਜਾਣ ਵਾਲੇ ਐਂਟੀਆਕਸੀਡੈਂਟਸ ਫ੍ਰੀ ਰੈਡੀਕਲਸ ਨਾਲ ਲੜਦੇ ਹਨ, ਝੁਰੜੀਆਂ ਨੂੰ ਘੱਟ ਕਰਦੇ ਹਨ ਤੇ ਸਕਿਨ ਨੂੰ ਜਵਾਨ ਰੱਖਣ ਵਿਚ ਮਦਦ ਕਰਦੇ ਹਨ। ਇਸ ਲਈ ਤੁਸੀਂ ਮੋਰਿੰਗਾ ਪਾਊਡਰ ਨੂੰ ਫੇਸ ਮਾਸਕ ਦੇ ਤੌਰ 'ਤੇ ਵਰਤ ਸਕਦੇ ਹੋ।