Back Pain : ਕੀ ਤੁਸੀਂ ਵੀ ਹੋ ਕਮਰ ਦਰਦ ਦੀ ਸਮੱਸਿਆ ਤੋਂ ਪਰੇਸ਼ਾਨ, ਇਸ 1 ਚੀਜ਼ 'ਚ ਲੁਕਿਆ ਹੈ ਹੱਲ

Back Pain : ਅੱਜ ਕੱਲ੍ਹ ਕਮਰ ਦਰਦ ਇਕ ਆਮ ਸਮੱਸਿਆ ਬਣ ਗਈ ਹੈ। ਸਰੀਰ ਵਿੱਚ ਕੈਲਸ਼ੀਅਮ ਦੀ ਕਮੀ ਤੇ ਲੰਬੇ ਸਮੇਂ ਤਕ ਆਸਣ ਪੋਸਚਰ 'ਚ ਬੈਠਣ ਨਾਲ ਇਹ ਸਮੱਸਿਆ ਹੁੰਦੀ ਹੈ। ਇਸ ਦੇ ਨਾਲ ਹੀ ਔਰਤਾਂ 'ਚ ਇਹ ਸਮੱਸਿਆ ਮਾਹਵਾਰੀ 'ਚ ਗੜਬੜੀ ਕਾਰਨ ਵੀ ਹੁੰਦੀ ਹੈ। ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਕਰੋਨਾ ਦੇ ਦੌਰ ਵਿੱਚ ਘਰ ਤੋਂ ਕੰਮ ਕਰਨ ਦੇ ਦੌਰਾਨ ਲੋਕਾਂ ਦੀ ਜੀਵਨ ਸ਼ੈਲੀ ਵਿਚ ਵੱਡੀ ਤਬਦੀਲੀ ਆਈ ਹੈ। ਲੋਕ ਆਪਣੇ ਘਰਾਂ 'ਚ ਘੰਟਿਆਂਬੱਧੀ ਇੱਕੋ ਪੋਸਚਰ 'ਚ ਬੈਠ ਕੇ ਕੰਮ ਕਰਦੇ ਸਨ। ਇਸ ਕਾਰਨ ਪਿੱਠ ਦਰਦ ਦੇ ਮਰੀਜ਼ਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧੀ ਹੈ। ਮੌਜੂਦਾ ਸਮੇਂ ਵਿੱਚ ਵੀ 10 ਵਿੱਚੋਂ 8 ਲੋਕ ਪਿੱਠ ਦਰਦ ਤੋਂ ਪ੍ਰੇਸ਼ਾਨ ਹਨ। ਜੇਕਰ ਤੁਸੀਂ ਵੀ ਕਮਰ ਦਰਦ ਤੋਂ ਪਰੇਸ਼ਾਨ ਹੋ ਅਤੇ ਇਸ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੇ ਹੋ ਤਾਂ ਇਨ੍ਹਾਂ ਉਪਾਅ ਨੂੰ ਜ਼ਰੂਰ ਅਪਣਾਓ। ਆਓ ਜਾਣਦੇ ਹਾਂ-

ਲੂਣ

ਸਿਹਤ ਮਾਹਿਰਾਂ ਅਨੁਸਾਰ ਸਰੀਰ 'ਚ ਨਮਕ ਦਾ ਅਸੰਤੁਲਨ ਹਾਈ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਦਾ ਕਾਰਨ ਬਣਦਾ ਹੈ। ਇਸ ਲਈ ਨਮਕ ਦੀ ਸਹੀ ਮਾਤਰਾ ਦਾ ਸੇਵਨ ਕਰੋ। ਖਾਸ ਤੌਰ 'ਤੇ ਖਾਣੇ 'ਚ ਉੱਪਰੋਂ ਨਮਕ ਦਾ ਸੇਵਨ ਨਾ ਕਰੋ। ਇਸ ਨਾਲ ਸਿਹਤ 'ਤੇ ਮਾੜਾ ਅਸਰ ਪੈਂਦਾ ਹੈ। ਨਾਲ ਹੀ ਸਰੀਰ ਵਿੱਚ ਅਸੰਤੁਲਿਤ ਸੋਡੀਅਮ ਨੂੰ ਕੰਟਰੋਲ ਕਰਨ ਲਈ ਪੋਟਾਸ਼ੀਅਮ ਭਰਪੂਰ ਭੋਜਨ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਇਸ ਨਾਲ ਹਾਈ ਬਲੱਡ ਪ੍ਰੈਸ਼ਰ ਕੰਟਰੋਲ 'ਚ ਰਹਿੰਦਾ ਹੈ। ਕੁੱਲ ਮਿਲਾ ਕੇ ਕਹੀਏ ਤਾਂ ਸਰੀਰ ਵਿੱਚ ਸੋਡੀਅਮ ਅਸੰਤੁਲਨ ਸਹੀ ਨਹੀਂ ਹੈ। ਇਸ ਦੇ ਨਾਲ ਹੀ ਨਮਕ ਕਮਰ ਦਰਦ 'ਚ ਨਿਸ਼ਚਿਤ ਤੌਰ 'ਤੇ ਰਾਹਤ ਦਿੰਦਾ ਹੈ। ਇਸ ਦਾ ਅਭਿਆਸ ਕਰਨ ਨਾਲ ਤੁਸੀਂ ਬਹੁਤ ਜਲਦ ਕਮਰ ਦਰਦ ਵਿੱਚ ਲਾਭ ਪ੍ਰਾਪਤ ਕਰ ਸਕਦੇ ਹੋ। ਪਿੱਠ ਦਰਦ ਤੋਂ ਰਾਹਤ ਪਾਉਣ ਲਈ ਡਾਕਟਰ ਵੀ ਨਮਕ ਦੀ ਵਰਤੋਂ ਕਰਨ ਦੀ ਸਲਾਹ ਦਿੰਦੇ ਹਨ।

ਤੁਸੀਂ ਨਮਕ ਨੂੰ ਤਵੇ 'ਤੇ ਹਲਕਾ ਜਿਹਾ ਸੇਕ ਕੇ ਰੁਮਾਲ 'ਚ ਬੰਨ੍ਹ ਲਓ। ਇਸ ਤੋਂ ਬਾਅਦ ਲੱਕ ਦੀ ਸਿਕਾਈ ਕਰੋ। ਇਸ ਉਪਾਅ ਨਾਲ ਕਮਰ ਦਰਦ ਤੋਂ ਰਾਹਤ ਮਿਲਦੀ ਹੈ। ਇਸ ਤੋਂ ਇਲਾਵਾ ਤੁਹਾਨੂੰ ਰੋਜ਼ਾਨਾ ਕਸਰਤ ਤੇ ਯੋਗਾ ਜ਼ਰੂਰ ਕਰਨਾ ਚਾਹੀਦਾ ਹੈ। ਨਾਲ ਹੀ, ਲੰਬੇ ਸਮੇਂ ਤਕ ਇੱਕੋ ਮੁਦਰਾ 'ਚ ਨਾ ਬੈਠੋ। ਨਿਯਮਤ ਅੰਤਰਾਲ 'ਚ ਬੈਠਣ ਦੀ ਮੁਦਰਾ 'ਚ ਜ਼ਰੂਰ ਬਦਲਾਅ ਕਰੋ।

ਇਸਦੇ ਲਈ ਇਕ ਬਰਤਨ ਵਿਚ ਪਾਣੀ ਗਰਮ ਕਰੋ। ਪਾਣੀ ਗਰਮ ਕਰਦੇ ਸਮੇਂ ਇਸ 'ਚ ਇਕ ਚਮਚ ਨਮਕ ਪਾਓ। ਤੁਸੀਂ ਚਾਹੋ ਤਾਂ ਸੇਂਧਾ ਨਮਕ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਜਦੋਂ ਪਾਣੀ ਗਰਮ ਹੋ ਜਾਵੇ ਤਾਂ ਇਸ ਨੂੰ ਗੈਸ ਤੋਂ ਉਤਾਰ ਲਓ। ਹੁਣ ਤੌਲੀਏ ਦੀ ਮਦਦ ਨਾਲ ਕੋਸੇ ਪਾਣੀ ਨਾਲ ਕਮਰ ਨੂੰ ਕੰਪਰੈੱਸ ਕਰੋ। ਜੇਕਰ ਤੁਸੀਂ ਚਾਹੋ ਤਾਂ ਗਰਮ ਪਾਣੀ ਵਾਲਾ ਬੈਗ ਵੀ ਵਰਤ ਸਕਦੇ ਹੋ। ਇਸ ਵਿਚ ਕੋਸਾ ਗਰਮ ਪਾਣੀ ਪਾਓ ਅਤੇ ਆਪਣੇ ਲੱਕ ਦੀ ਸਿਕਾਈ ਕਰੋ। ਇਸ ਨਾਲ ਪਿੱਠ ਦੇ ਦਰਦ 'ਚ ਯਕੀਨਨ ਰਾਹਤ ਮਿਲੇਗੀ।

Disclaimer : ਲੇਖ ਵਿਚਲੇ ਨੁਕਤੇ ਤੇ ਸੁਝਾਅ ਸਿਰਫ ਆਮ ਜਾਣਕਾਰੀ ਲਈ ਹਨ। ਇਨ੍ਹਾਂ ਨੂੰ ਕਿਸੇ ਡਾਕਟਰ ਜਾਂ ਮੈਡੀਕਲ ਪੇਸ਼ੇਵਰ ਦੀ ਸਲਾਹ ਦੇ ਤੌਰ 'ਤੇ ਨਾ ਲਓ। ਬਿਮਾਰੀ ਜਾਂ ਲਾਗ ਦੇ ਲੱਛਣਾਂ ਦੇ ਮਾਮਲੇ ਵਿਚ, ਡਾਕਟਰ ਦੀ ਸਲਾਹ ਲਓ।