Migraine : ਰੋਜ਼ਮਰਾ ਦੇ ਕੰਮ ਨੂੰ ਪ੍ਰਭਾਵਿਤ ਕਰਦੈ ਮਾਈਗ੍ਰੇਨ ਦਾ ਦਰਦ, ਇਨ੍ਹਾਂ ਟਿਪਸ ਦੀ ਮਦਦ ਨਾਲ ਪਾਓ ਇਸ ਤੋਂ ਰਾਹਤ

ਨਵੀਂ ਦਿੱਲੀ, ਲਾਈਫਸਟਾਈਲ ਡੈਸਕ : Migraine : ਮਾਈਗ੍ਰੇਨ ਇਕ ਅਜਿਹੀ ਸਮੱਸਿਆ ਹੈ ਜੋ ਵਿਅਕਤੀ ਲਈ ਬੇਹੱਦ ਦਰਦਨਾਕ ਸਾਬਿਤ ਹੋ ਸਕਦੀ ਹੈ। ਇਹ ਇਕ ਗੰਭੀਰ ਦਿਮਾਗੀ ਸਥਿਤੀ ਹੈ, ਜਿਸ ਨੂੰ ਵਿਸ਼ਵ ਸਿਹਤ ਸੰਗਠਨ ਵੱਲੋਂ ਵਿਸ਼ਵ ਪੱਧਰ 'ਤੇ ਛੇਵੀਂ ਸਭ ਤੋਂ ਅਯੋਗ ਹਾਲਤ ਵਜੋਂ ਸੂਚੀਬੱਧ ਕੀਤਾ ਗਿਆ ਹੈ। ਮਾਈਗ੍ਰੇਨ ਨਾ ਸਿਰਫ਼ ਸਾਨੂੰ ਬਲਕਿ ਸਾਡੀ ਪੂਰੀ ਰੁਟੀਨ ਨੂੰ ਪ੍ਰਭਾਵਿਤ ਕਰਦਾ ਹੈ। ਇਕ ਪਾਸੇ ਸਿਰਦਰਦ, ਉਲਟੀ, ਜੀਅ ਕੱਚਾ ਹੋਣਾ ਆਦਿ ਇਸ ਦੇ ਕੁਝ ਪ੍ਰਮੁੱਖ ਲੱਛਣ ਹਨ ਤੇ ਦੂਜੇ ਪਾਸੇ ਇਕਾਗਰਤਾ ਦੀ ਕਮੀ ਆਉਂਦੀ ਹੈ।

ਕਿਉਂਕਿ ਮਾਈਗ੍ਰੇਨ ਇਕ ਲੰਬੇ ਸਮੇਂ ਦਾ ਵਿਕਾਰ ਹੈ, ਇਸ ਲਈ ਪੀੜਤਾਂ ਨੂੰ ਇਸ ਦੇ ਦਰਦ ਦੇ ਇਲਾਜ ਤੇ ਪ੍ਰਬੰਧਨ ਬਾਰੇ ਜਾਗਰੂਕ ਕਰਨਾ ਬਹੁਤ ਮਹੱਤਵਪੂਰਨ ਹੈ। ਜੇਕਰ ਤੁਸੀਂ ਜਾਂ ਤੁਹਾਡੇ ਆਸ-ਪਾਸ ਕੋਈ ਮਾਈਗ੍ਰੇਨ ਦੀ ਸਮੱਸਿਆ ਤੋਂ ਪਰੇਸ਼ਾਨ ਹੈ ਤਾਂ ਤੁਸੀਂ ਇਨ੍ਹਾਂ ਨੁਸਖਿਆਂ ਦੀ ਮਦਦ ਨਾਲ ਇਸ ਨੂੰ ਹੈਂਡਲ ਕਰ ਸਕਦੇ ਹੋ।

ਮਾਈਗ੍ਰੇਨ ਦੇ ਦਰਦ ਦੌਰਾਨ ਅਪਣਾਓ ਇਹ ਨੁਸਖੇ

ਸ਼ਾਂਤ ਮਾਹੌਲ ਲੱਭੋ : ਮਾਈਗ੍ਰੇਨ ਦੇ ਪਹਿਲੇ ਲੱਛਣ 'ਤੇ ਜੇ ਸੰਭਵ ਹੋਵੇ ਤਾਂ ਇਕ ਬ੍ਰੇਕ ਲਓ ਤੇ ਜੋ ਵੀ ਤੁਸੀਂ ਕਰ ਰਹੇ ਹੋ, ਉਸ ਤੋਂ ਦੂਰ ਹੋ ਜਾਓ।

ਲਾਈਟਾਂ ਬੰਦ ਕਰੋ : ਜੇਕਰ ਤੁਹਾਨੂੰ ਮਾਈਗ੍ਰੇਨ ਦੀ ਦਰਦ ਸ਼ੁਰੂ ਹੋ ਗਈ ਹੈ ਤਾਂ ਲਾਈਟਾਂ ਬੰਦ ਕਰ ਦਿਓ, ਕਿਉਂਕਿ ਰੋਸ਼ਨੀ ਮਾਈਗ੍ਰੇਨ ਦੇ ਦਰਦ ਨੂੰ ਹੋਰ ਵਿਗਾੜ ਸਕਦੀ ਹੈ। ਅਜਿਹੀ ਸਥਿਤੀ 'ਚ ਹਨੇਰੇ, ਸ਼ਾਂਤ ਕਮਰੇ ਵਿੱਚ ਆਰਾਮ ਕਰੋ ਤੇ ਹੋ ਸਕੇ ਤਾਂ ਸੌਂ ਜਾਓ।

ਸਿਕਾਈ ਕਰੋ : ਜੇਕਰ ਤੁਹਾਨੂੰ ਮਾਈਗ੍ਰੇਨ ਸ਼ੁਰੂ ਹੋ ਗਿਆ ਹੈ ਤਾਂ ਆਪਣੇ ਸਿਰ ਜਾਂ ਗਰਦਨ 'ਤੇ ਗਰਮ ਜਾਂ ਠੰਡਾ ਪੈਕ ਲਗਾਓ। ਇਕ ਆਈਸ ਪੈਕ ਦਾ ਪ੍ਰਭਾਵ ਦਰਦ ਵਾਲੀ ਜਗ੍ਹਾ ਨੂੰ ਸੁੰਨ ਕਰ ਦੇਵੇਗਾ, ਜਦੋਂਕਿ ਹੌਟ ਪੈਕ ਤਣਾਅ ਵਾਲੀਆਂ ਮਾਸਪੇਸ਼ੀਆਂ ਨੂੰ ਆਰਾਮ ਕਰਨ 'ਚ ਮਦਦ ਕਰ ਸਕਦਾ ਹੈ।

ਕੌਫੀ ਪੀਓ : ਮਾਈਗ੍ਰੇਨ ਦੇ ਦਰਦ ਤੋਂ ਰਾਹਤ ਪਾਉਣ ਲਈ ਇਕ ਕੱਪ ਕੌਫੀ ਪੀਓ। ਸਿਰਫ਼ ਕੈਫ਼ੀਨ ਹੀ ਮਾਈਗ੍ਰੇਨ ਨੂੰ ਖ਼ਤਮ ਕਰ ਸਕਦੀ ਹੈ। ਹਾਲਾਂਕਿ, ਬਹੁਤ ਜ਼ਿਆਦਾ ਕੈਫੀਨ ਤੋਂ ਬਚੋ।

ਚੰਗੀ ਨੀਂਦ ਲਓ

• ਮਾਈਗ੍ਰੇਨ ਅਕਸਰ ਰਾਤ ਦੀ ਖਰਾਬ ਨੀਂਦ ਕਾਰਨ ਹੁੰਦਾ ਹੈ, ਇਸ ਲਈ ਚੰਗੀ ਨੀਂਦ ਲੈਣਾ ਬਹੁਤ ਮਹੱਤਵਪੂਰਨ ਹੈ।
• ਸੌਣ ਦੇ ਸਮੇਂ ਦੀ ਰੂਟੀਨ ਬਣਾਈ ਰੱਖੋ ਤੇ ਸਮੇਂ ਸਿਰ ਸੌਣ ਲਈ ਜਾਓ।
• ਦਿਨ ਵਿਚ 30 ਮਿੰਟਾਂ ਤੋਂ ਵੱਧ ਲੰਮੀ ਝਪਕੀ ਲੈਣ ਤੋਂ ਬਚੋ।
• ਬੈੱਡਰੂਮ 'ਚ ਦਫ਼ਤਰੀ ਕੰਮ ਕਰਨ ਜਾਂ ਬੈੱਡਰੂਮ 'ਚ ਟੀਵੀ ਦੇਖਣ ਤੋਂ ਬਚੋ।
• ਸੌਣ ਦੇ ਸਮੇਂ ਕਸਰਤ, ਕੈਫੀਨ, ਨਿਕੋਟੀਨ, ਅਲਕੋਹਲ ਤੋਂ ਬਚੋ।

ਸਿਹਤਮੰਦ ਖ਼ੁਰਾਕ ਖਾਓ

1. ਪ੍ਰੋਸੈੱਸਡ ਮੀਟ, ਪੁਰਾਣਾ ਪਨੀਰ, ਚਾਕਲੇਟ, ਆਰਟੀਫਿਸ਼ੀਅਲ ਸਵੀਟਨਰ, ਐਮਐਸਜੀ ਵਾਲੇ ਭੋਜਨ ਪਦਾਰਥਾਂ ਤੋਂ ਪਰਹੇਜ਼ ਕਰੋ।
2. ਕਿਸੇ ਵੀ ਹਾਲਤ 'ਚ ਆਪਣੇ ਭੋਜਨ ਨੂੰ ਛੱਡਣ ਦੀ ਕੋਸ਼ਿਸ਼ ਨਾ ਕਰੋ।
3. ਸਿਹਤਮੰਦ ਵਜ਼ਨ ਬਣਾਈ ਰੱਖੋ।
4. ਭੋਜਨ ਵਿਚ ਤਾਜ਼ੇ ਫਲ ਤੇ ਸਬਜ਼ੀਆਂ ਸ਼ਾਮਲ ਕਰੋ।

ਨਿਯਮਿਤ ਰੂਪ 'ਚ ਕਰੋ ਕਸਰਤ

• ਖੋਜ ਅਨੁਸਾਰ ਕਸਰਤ ਦੌਰਾਨ ਸਰੀਰ ਐਂਡੋਰਫਿਨ ਪੈਦਾ ਕਰਦਾ ਹੈ ਜੋ ਸਿਰਦਰਦ ਤੇ ਗੰਭੀਰ ਦਰਦ ਨੂੰ ਘਟਾਉਂਦਾ ਹੈ ਅਤੇ ਮੂਡ ਨੂੰ ਬਿਹਤਰ ਬਣਾਉਂਦਾ ਹੈ। ਇਸ ਲਈ ਨਿਯਮਿਤ ਤੌਰ 'ਤੇ ਕਸਰਤ ਕਰਨਾ ਫਾਇਦੇਮੰਦ ਹੁੰਦਾ ਹੈ।
• ਸੈਰ, ਦੌੜਨਾ, ਸਾਈਕਲ ਚਲਾਉਣਾ, ਜੌਗਿੰਗ ਵਰਗੀਆਂ ਐਰੋਬਿਕ ਕਸਰਤਾਂ ਮਾਈਗ੍ਰੇਨ ਦਾ ਦਰਦ ਘਟਾਉਣ 'ਚ ਪ੍ਰਭਾਵਸ਼ਾਲੀ ਹੋ ਸਕਦੀਆਂ ਹਨ।
• ਦਵਾਈਆਂ ਦੇ ਨਾਲ ਯੋਗ ਵਰਗੀਆਂ ਧਿਆਨ ਵਾਲੀਆਂ ਕਸਰਤਾਂ ਮਾਈਗ੍ਰੇਨ ਦੇ ਦਰਦ ਨੂੰ ਘਟਾਉਂਦੀਆਂ ਹਨ।
• ਤਾਈ ਚੀ ਇਕ ਪ੍ਰਾਚੀਨ ਚੀਨੀ ਕਲਾ ਹੈ ਜਿਸ ਦਾ ਮਾਈਗ੍ਰੇਨ 'ਤੇ ਲਾਹੇਵੰਦ ਅਸਰ ਪੈਂਦਾ ਹੈ।
• ਸਖ਼ਤ ਕਸਰਤ ਤੋਂ ਬਚੋ ਜਿਵੇਂ ਕਿ ਭਾਰ ਚੁੱਕਣਾ। ਬਹੁਤ ਜ਼ਿਆਦਾ ਕਸਰਤ ਤੇ ਡੀਹਾਈਡਰੇਸ਼ਨ ਤੋਂ ਬਚੋ।
• ਤਣਾਅ ਘਟਾਓ। ਤਣਾਅ ਤੇ ਮਾਈਗਰੇਨ ਅਕਸਰ ਨਾਲ-ਨਾਲ ਚਲਦੇ ਹਨ।
• ਆਪਣੀ ਜ਼ਿੰਦਗੀ ਨੂੰ ਸਰਲ ਬਣਾਓ, ਭਾਵੇਂ ਇਹ ਨਿੱਜੀ ਜਾਂ ਪੇਸ਼ੇਵਰ ਜੀਵਨ ਹੋਵੇ, ਜੀਵਨ, ਜਿੰਨਾ ਤੁਸੀਂ ਸੰਫਾਲ ਸਕਦੇ ਹੋ, ਉਸ ਨਾਲ ਜ਼ਿਆਦਾ ਘੱਟ ਤਣਾਅ ਦਾ ਕਾਰਨ ਬਣ ਸਕਦਾ ਹੈ।
• ਜੇਕਰ ਤੁਸੀਂ ਬਹੁਤ ਜ਼ਿਆਦਾ ਥਕਾਵਟ ਮਹਿਸੂਸ ਕਰ ਰਹੇ ਹੋ ਤਾਂ ਸੈਰ ਕਰਨਾ ਜਾਂ ਚੰਗਾ ਸੰਗੀਤ ਸੁਣਨਾ ਤੁਹਾਡੀ ਊਰਜਾ ਵਾਪਸ ਲਿਆ ਸਕਦਾ ਹੈ।
• ਆਪਣੇ-ਆਪ ਨੂੰ ਅਲੱਗ-ਥਲੱਗ ਕਰਨ ਦੀ ਬਜਾਏ ਸਮਾਜਿਕ ਇਕੱਠਾਂ 'ਚ ਸ਼ਾਮਲ ਹੋਵੋ।
• ਆਪਣੇ ਵਾਤਾਵਰਨ 'ਤੇ ਕੰਟਰੋਲ ਰੱਖੋ। ਉਹ ਕੰਮ ਕਰਨ ਤੋਂ ਬਚੋ ਜੋ ਤੁਹਾਨੂੰ ਤਣਾਅ ਦਿੰਦੇ ਹਨ।
• ਮਾਸਪੇਸ਼ੀਆਂ 'ਚ ਖਿਚਾਅ, ਮਾਲਿਸ਼ ਕਰਨ, ਗਰਮ ਇਸ਼ਨਾਨ ਕਰਨ ਨਾਲ ਵੀ ਰਾਹਤ ਮਿਲ ਸਕਦੀ ਹੈ।
• ਡੂੰਘੇ ਸਾਹ ਲੈਣ ਨਾਲ ਤਣਾਅ ਤੋਂ ਤੁਰੰਤ ਰਾਹਤ ਮਿਲ ਸਕਦੀ ਹੈ। ਆਰਾਮਦਾਇਕ ਜਗ੍ਹਾ 'ਤੇ ਬੈਠੋ, ਆਪਣੀਆਂ ਅੱਖਾਂ ਬੰਦ ਕਰੋ, ਤੇ ਅੰਦਰ ਅਤੇ ਬਾਹਰ ਹੌਲੀ-ਹੌਲੀ ਡੂੰਘੇ ਸਾਹ ਲਓ। ਇਸ ਨੂੰ ਰੋਜ਼ਾਨਾ 5-10 ਮਿੰਟ ਤੱਕ ਕਰੋ।