Snoring : ਕੀ ਤੁਹਾਨੂੰ ਵੀ ਹੈ ਨੀਂਦ 'ਚ ਘੁਰਾੜੇ ਮਾਰਨ ਦੀ ਆਦਤ ਤਾਂ ਇਨ੍ਹਾਂ 2 ਯੋਗ ਆਸਣਾਂ ਨਾਲ ਕਰੋ ਦੂਰ

Snoring : ਕੁਝ ਲੋਕਾਂ ਨੂੰ ਸੌਣ ਵੇਲੇ ਘੁਰਾੜੇ ਮਾਰਨ ਦੀ ਆਦਤ ਹੁੰਦੀ ਹੈ। ਜਿਸ ਕਾਰਨ ਨਾਲ ਸੌਣ ਵਾਲੇ ਵਿਅਕਤੀ ਨੂੰ ਪਰੇਸ਼ਾਨੀ ਹੁੰਦੀ ਹੈ। ਨੀਂਦ ਵਿੱਚ ਘੁਰਾੜੇ ਆਉਣ ਦੇ ਕਈ ਕਾਰਨ ਹੋ ਸਕਦੇ ਹਨ। ਇਨ੍ਹਾਂ ਵਿੱਚ ਨੱਕ ਬੰਦ ਹੋਣਾ, ਮੂੰਹ ਖੋਲ੍ਹ ਕੇ ਜਾਂ ਪਿੱਠ ਦੇ ਭਾਰ ਸੌਣਾ, ਸ਼ਰਾਬ-ਸਿਗਰਟ ਪੀਣ ਦੀਆਂ ਆਦਤ ਅਤੇ ਮੋਟਾਪਾ ਸ਼ਾਮਲ ਹਨ। ਇੱਕ ਖੋਜ ਵਿੱਚ ਸਾਹਮਣੇ ਆਇਆ ਹੈ ਕਿ 20 ਫੀਸਦੀ ਬਾਲਗ ਨੀਂਦ ਵਿੱਚ ਘੁਰਾੜੇ ਮਾਰਦੇ ਹਨ। ਉੱਥੇ ਹੀ ਦਸਾਂ ਵਿੱਚੋਂ ਇਕ ਬੱਚਾ ਵੀ ਘੁਰਾੜੇ ਮਾਰਦਾ ਹੈ। ਇਹ ਇਕ ਆਮ ਸਮੱਸਿਆ ਹੈ। ਲਾਈਫ ਸਟਾਈਲ ਤੇ ਡਾਈਟ 'ਚ ਸੁਧਾਰ ਕਰ ਕੇ ਤੁਸੀਂ ਘੁਰਾੜਿਆਂ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ। ਜੇਕਰ ਤੁਸੀਂ ਵੀ ਨੀਂਦ 'ਚ ਘੁਰਾੜੇ ਮਾਰਦੇ ਹੋ ਅਤੇ ਇਸ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੇ ਹੋ ਤਾਂ ਰੋਜ਼ਾਨਾ ਯੋਗ ਆਸਣ ਕਰੋ। ਯੋਗ ਦੇ ਕਈ ਆਸਣ ਹਨ। ਇਨ੍ਹਾਂ 'ਚੋਂ ਕਈ ਆਸਣਾਂ ਨਾਲ ਘੁਰਾੜਿਆਂ ਤੋਂ ਰਾਹਤ ਮਿਲਦੀ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ 2 ਯੋਗ ਆਸਣਾਂ ਬਾਰੇ....

ਧਨੁਰ ਆਸਣ

ਧਨੁਸ਼ ਦੀ ਸ਼ਕਲ 'ਚ ਯੋਗ ਕਰਨ ਨੂੰ ਧਨੁਰ ਆਸਣ ਕਿਹਾ ਜਾਂਦਾ ਹੈ। ਇਸ ਯੋਗ ਨੂੰ ਕਰਨ ਨਾਲ ਸਰੀਰ ਦਾ ਅਕ ਧਨੁਸ਼ ਵਰਗਾ ਹੋ ਜਾਂਦਾ ਹੈ। ਇਸ ਨਾਲ ਤਣਾਅ ਤੇ ਥਕਾਵਟ ਦੀ ਸਮੱਸਿਆ ਦੂਰ ਹੁੰਦੀ ਹੈ। ਨਾਲ ਹੀ ਪੂਰੇ ਸਰੀਰ 'ਚ ਖੂਨ ਦਾ ਸੰਚਾਰ ਠੀਕ ਤਰ੍ਹਾਂ ਨਾਲ ਹੁੰਦਾ ਹੈ। ਇਸ ਨਾਲ ਸਰੀਰ 'ਚ ਆਕਸੀਜਨ ਦਾ ਪੱਧਰ ਵੀ ਵਧਦਾ ਹੈ। ਇਸ ਦੇ ਲਈ ਰੋਜ਼ਾਨਾ ਧਨੁਰ ਆਸਣ ਕਰੋ। ਇਸ ਤੋਂ ਇਲਾਵਾ ਆਪਣੀ ਡਾਈਟ 'ਚ ਸ਼ਹਿਦ, ਲਸਣ, ਪਿਆਜ਼, ਹਲਦੀ, ਸੋਇਆ ਮਿਲਕ ਅਤੇ ਅਨਾਨਾਸ ਨੂੰ ਜ਼ਰੂਰ ਸ਼ਾਮਲ ਕਰੋ। ਇਨ੍ਹਾਂ ਚੀਜ਼ਾਂ ਦੇ ਸੇਵਨ ਨਾਲ ਘੁਰਾੜਿਆਂ 'ਚ ਵੀ ਰਾਹਤ ਮਿਲਦੀ ਹੈ।

ਭੁਜੰਗ ਆਸਣ

ਇਹ ਧਨੁਰ ਆਸਣ ਦੇ ਬਰਾਬਰ ਹੈ। ਇਸ ਯੋਗ ਨੂੰ ਅੰਗਰੇਜ਼ੀ ਵਿਚ ਕੋਬਰਾ ਪੋਜ਼ ਕਿਹਾ ਜਾਂਦਾ ਹੈ। ਇਸ ਆਸਣ ਵਿੱਚ ਤੁਹਾਨੂੰ ਸੱਪ ਵਾਂਗ ਆਪਣੇ ਧੜ ਨੂੰ ਅੱਗੇ ਦੀ ਦਿਸ਼ਾ ਵਿੱਚ ਚੁੱਕਣਾ ਹੁੰਦਾ ਹੈ। ਇਸ ਯੋਗ ਨੂੰ ਕਰਨ ਨਾਲ ਪੇਟ 'ਤੇ ਜ਼ੋਰ ਪੈਂਦਾ ਹੈ। ਇਸ ਦੇ ਨਾਲ ਹੀ ਕਮਰ 'ਚ ਖਿਚਾਅ ਪੈਦਾ ਹੁੰਦਾ ਹੈ। ਪਿੱਠ ਦਰਦ ਤੋਂ ਰਾਹਤ ਮਿਲਦੀ ਹੈ ਤੇ ਪਾਚਨ ਤੰਤਰ ਮਜ਼ਬੂਤ ​​ਹੁੰਦਾ ਹੈ। ਸੂਰਜ ਚੜ੍ਹਨ ਦੇ ਸਮੇਂ ਭੁਜੰਗ ਆਸਣ ਕਰਨਾ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ। ਇਸ ਯੋਗ ਨੂੰ ਕਰਨ ਨਾਲ ਘੁਰਾੜਿਆਂ ਤੋਂ ਰਾਹਤ ਮਿਲਦੀ ਹੈ।

Disclaimer : ਕਹਾਣੀ ਵਿਚਲੇ ਟਿਪਸ ਤੇ ਸੁਝਾਅ ਸਿਰਫ ਆਮ ਜਾਣਕਾਰੀ ਲਈ ਹਨ। ਇਨ੍ਹਾਂ ਨੂੰ ਕਿਸੇ ਡਾਕਟਰ ਜਾਂ ਮੈਡੀਕਲ ਪੇਸ਼ੇਵਰ ਦੀ ਸਲਾਹ ਦੇ ਤੌਰ 'ਤੇ ਨਾ ਲਓ। ਬਿਮਾਰੀ ਜਾਂ ਲਾਗ ਦੇ ਲੱਛਣਾਂ ਦੇ ਮਾਮਲੇ 'ਚ ਡਾਕਟਰ ਦੀ ਸਲਾਹ ਲਓ।