ਸਾਵਧਾਨ ! ਦਰਦ ਤੇ ਬਲੋਟਿੰਗ ਤੋਂ ਪਾਉਣਾ ਹੈ ਛੁਟਕਾਰਾ? ਪੀਰੀਅਡਜ਼ ਦੌਰਾਨ ਭੁੱਲ ਕੇ ਵੀ ਨਾ ਖਾਓ ਇਹ ਚੀਜ਼ਾਂ
ਪੀਰੀਅਡਜ਼ ਦੌਰਾਨ ਹਾਰਮੋਨਸ ਵਿੱਚ ਬਦਲਾਅ ਕਾਰਨ ਜ਼ਿਆਦਾਤਰ ਕੁੜੀਆਂ ਨੂੰ ਮਿੱਠਾ ਜਾਂ ਚਟਪਟਾ ਖਾਣ ਦੀ ਬਹੁਤ ਇੱਛਾ (Craving) ਹੁੰਦੀ ਹੈ। ਅਜਿਹੇ ਸਮੇਂ ਵਿੱਚ ਅਕਸਰ ਅਨਹੈਲਦੀ ਚੀਜ਼ਾਂ ਖਾਧੀਆਂ ਜਾਂਦੀਆਂ ਹਨ, ਜਿਸ ਨਾਲ ਦਰਦ, ਕੜਵੱਲ (Cramps), ਬਲੋਟਿੰਗ ਅਤੇ ਥਕਾਵਟ ਵਰਗੀਆਂ ਸਮੱਸਿਆਵਾਂ ਵਧ ਜਾਂਦੀਆਂ ਹਨ।
Posted By alisha
Publish Date: Sat, 03 Jan 2026 01:57 PM (IST)
Updated Date: Sat, 03 Jan 2026 02:38 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ: ਪੀਰੀਅਡਜ਼ਦੌਰਾਨ ਹਾਰਮੋਨਸ ਵਿੱਚ ਬਦਲਾਅ ਕਾਰਨ ਜ਼ਿਆਦਾਤਰ ਕੁੜੀਆਂ ਨੂੰ ਮਿੱਠਾ ਜਾਂ ਚਟਪਟਾ ਖਾਣ ਦੀ ਬਹੁਤ ਇੱਛਾ (Craving) ਹੁੰਦੀ ਹੈ। ਅਜਿਹੇ ਸਮੇਂ ਵਿੱਚ ਅਕਸਰ ਅਨਹੈਲਦੀ ਚੀਜ਼ਾਂ ਖਾਧੀਆਂ ਜਾਂਦੀਆਂ ਹਨ, ਜਿਸ ਨਾਲ ਦਰਦ, ਕੜਵੱਲ (Cramps), ਬਲੋਟਿੰਗ ਅਤੇ ਥਕਾਵਟ ਵਰਗੀਆਂ ਸਮੱਸਿਆਵਾਂ ਵਧ ਜਾਂਦੀਆਂ ਹਨ। ਪੀਰੀਅਡਜ਼ ਦੌਰਾਨ ਖਾਣ-ਪੀਣ ਦਾ ਖ਼ਾਸ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ।
ਪੀਰੀਅਡਜ਼ ਦੌਰਾਨ ਇਨ੍ਹਾਂ ਚੀਜ਼ਾਂ ਤੋਂ ਕਰੋ ਪਰਹੇਜ਼
ਬਹੁਤ ਜ਼ਿਆਦਾ ਨਮਕ ਵਾਲਾ ਖਾਣਾ: ਜ਼ਿਆਦਾ ਨਮਕ ਸਰੀਰ ਵਿੱਚ ਪਾਣੀ ਨੂੰ ਰੋਕਦਾ ਹੈ (Water Retention), ਜਿਸ ਨਾਲ ਪੇਟ ਫੁੱਲਣਾ, ਹੱਥਾਂ-ਪੈਰਾਂ ਵਿੱਚ ਸੋਜ ਅਤੇ ਸਰੀਰ ਭਾਰੀ ਲੱਗਣ ਲੱਗਦਾ ਹੈ।
ਮਿੱਠਾ ਅਤੇ ਖੰਡ ਵਾਲਾ ਖਾਣਾ: ਚਾਕਲੇਟ, ਮਿਠਾਈਆਂ ਅਤੇ ਕੋਲਡ ਡਰਿੰਕਸ ਪੀਣ ਨਾਲ ਬਲੱਡ ਸ਼ੂਗਰ ਅਚਾਨਕ ਵੱਧ-ਘੱਟ ਸਕਦੀ ਹੈ। ਇਸ ਨਾਲ 'ਮੂਡ ਸਵਿੰਗ' ਅਤੇ ਥਕਾਵਟ ਜ਼ਿਆਦਾ ਹੁੰਦੀ ਹੈ।
ਕੈਫੀਨ : ਕੌਫੀ ਜਾਂ ਕੋਲਾ ਵਰਗੀਆਂ ਚੀਜ਼ਾਂ ਸਰੀਰ ਵਿੱਚ 'ਸਟ੍ਰੈਸ ਹਾਰਮੋਨ' ਵਧਾ ਸਕਦੀਆਂ ਹਨ, ਜਿਸ ਨਾਲ ਪੇਟ ਦਰਦ, ਨੀਂਦ ਦੀ ਕਮੀ ਅਤੇ ਚਿੜਚਿੜਾਪਨ ਵਧਦਾ ਹੈ।
ਜ਼ਿਆਦਾ ਮਸਾਲੇਦਾਰ ਖਾਣਾ: ਤੇਜ਼ ਮਿਰਚ-ਮਸਾਲੇ ਪੇਟ ਵਿੱਚ ਜਲਣ ਅਤੇ ਐਸੀਡਿਟੀ ਵਧਾ ਸਕਦੇ ਹਨ, ਜਿਸ ਨਾਲ ਪੀਰੀਅਡਜ਼ ਦੌਰਾਨ ਪੇਟ ਦੀ ਪਰੇਸ਼ਾਨੀ ਵਧ ਜਾਂਦੀ ਹੈ।
ਤੇਲਯੁਕਤ ਅਤੇ ਫਾਸਟ ਫੂਡ: ਬਰਗਰ, ਪੀਜ਼ਾ ਅਤੇ ਫ੍ਰੈਂਚ ਫਰਾਈਜ਼ ਪੇਟ ਵਿੱਚ ਗੈਸ ਅਤੇ ਭਾਰੀਪਨ ਪੈਦਾ ਕਰਦੇ ਹਨ। ਜੰਕ ਫੂਡ ਵਿੱਚ ਮੌਜੂਦ ਟ੍ਰਾਂਸ ਫੈਟਸ ਦਰਦ ਨੂੰ ਹੋਰ ਵਧਾ ਸਕਦੇ ਹਨ।
ਰੈੱਡ ਮੀਟ: ਇਸ ਵਿੱਚ ਮੌਜੂਦ ਤੱਤ ਪੀਰੀਅਡਸ ਦੇ ਦਰਦ (Cramps) ਨੂੰ ਵਧਾ ਸਕਦੇ ਹਨ ਅਤੇ ਬਲੱਡ ਫਲੋਅ 'ਤੇ ਵੀ ਅਸਰ ਪਾਉਂਦੇ ਹਨ।
ਸ਼ਰਾਬ ਅਤੇ ਸਿਗਰਟਨੋਸ਼ੀ: ਇਹ ਸਰੀਰ ਵਿੱਚ ਸੋਜ ਵਧਾਉਂਦੇ ਹਨ ਅਤੇ ਦਰਦ ਨੂੰ ਅਸਹਿ ਬਣਾ ਸਕਦੇ ਹਨ।