Cataract Symptoms : ਮੋਤੀਆਬਿੰਦ ਤੋਂ ਆਪਣੇ ਬੱਚਿਆਂ ਨੂੰ ਬਚਾਓ, ਸ਼ੁਰੂਆਤੀ ਲੱਛਣਾਂ ਦਾ ਪਤਾ ਕਰ ਕੇ ਸਮੇਂ ਸਿਰ ਕਰਵਾਓ ਇਲਾਜ

ਹੈਲਥ ਡੈਸਕ, ਨਈ ਦੁਨੀਆ : ਮੋਤੀਆਬਿੰਦ (Cataract) ਅੱਖਾਂ ਦੀ ਗੰਭੀਰ ਬਿਮਾਰੀ ਹੈ। ਇਸ 'ਚ ਅੱਖਾਂ ਦੇ ਲੈਨਜ਼ ਉੱਪਰ ਧੁੰਦਲਾਪਣ ਹੋਣ ਲਗਦਾ ਹੈ ਜਿਸ ਕਾਰਨ ਹੌਲੀ-ਹੌਲੀ ਦਿਸਣਾ ਬੰਦ ਹੋ ਜਾਂਦਾ ਹੈ। ਇਹ ਬੱਚਿਆਂ 'ਚ ਵਿਜ਼ਨ ਲਾਸ ਦਾ ਇਕ ਅਹਿਮ ਕਾਰਨ ਹੈ। ਸ਼ੁਰੂਆਤ 'ਚ ਇਸਦੀ ਜਾਂਚ ਕਰਨਾ ਬਹੁਤ ਜ਼ਰੂਰੀ ਹੈ ਤਾਂ ਜੋ ਸਮੇਂ ਸਿਰ ਇਲਾਜ ਕੀਤਾ ਜਾ ਸਕੇ। ਇਸ ਲੇਖ 'ਚ ਅਸੀਂ ਮੋਤੀਆਬਿੰਦ ਦੇ ਸ਼ੁਰੂਆਤੀ ਲੱਛਣਾਂ ਬਾਰੇ ਜਾਣਕਾਰੀ ਦੇਵਾਂਗੇ।

ਘੱਟ ਰੋਸ਼ਨੀ 'ਚ ਦੇਖਣ 'ਚ ਹੁੰਦੀ ਹੈ ਦਿੱਕਤ

ਜੇਕਰ ਤੁਹਾਡਾ ਬੱਚਾ ਘੱਟ ਰੋਸ਼ਨੀ 'ਚ ਦੇਖਣ ਵਿਚ ਅਸਮਰੱਥ ਹੈ ਤਾਂ ਇਹ ਮੋਤੀਆਬਿੰਦ ਦਾ ਲੱਛਣ ਹੋ ਸਕਦਾ ਹੈ। ਬੱਚਾ ਘੱਟ ਰੋਸ਼ਨੀ 'ਚ ਬੜੀ ਮੁਸ਼ਕਲ ਨਾਲ ਦੇਖ ਪਾਉਂਦਾ ਹੈ। ਅਜਿਹੀ ਸਥਿਤੀ 'ਚ ਤੁਹਾਨੂੰ ਤੁਰੰਤ ਉਸ ਨੂੰ ਅੱਖਾਂ ਦੇ ਡਾਕਟਰ ਨੂੰ ਦਿਖਾਉਣਾ ਚਾਹੀਦਾ ਹੈ ਤਾਂ ਜੋ ਸ਼ੁਰੂਆਤ 'ਚ ਹੀ ਇਸ ਦਾ ਇਲਾਜ ਹੋ ਸਕੇ।

ਬਲਰ ਵਿਜ਼ਨ

ਅੱਖਾਂ ਤੋਂ ਧੁੰਦਲਾ ਦਿਖਾਈ ਦੇਣ 'ਤੇ ਤੁਰੰਤ ਡਾਕਟਰ ਨੂੰ ਦਿਖਾਓ। ਇਸ ਬਿਮਾਰੀ 'ਚ ਅੱਖਾਂ ਦੇ ਲੈਨਜ਼ ਅਪਾਰਦਰਸ਼ੀ ਹੋ ਜਾਣ ਕਾਰਨ ਸਾਫ਼ ਦਿਖਾਣੀ ਦੇਣਾ ਬੰਦ ਹੋ ਜਾਂਦਾ ਹੈ। ਇਹ ਮੋਤੀਆਬਿੰਦ ਦੇ ਸ਼ੁਰੂਆਤੀ ਲੱਛਣ ਹੁੰਦੇ ਹਨ।

ਰੋਸ਼ਨੀ ਤੋਂ ਦੂਰ ਭੱਜਣ ਲੱਗਦੇ ਹਨ ਬੱਚੇ

ਮੋਤੀਆਬਿੰਦ ਤੋਂ ਪੀੜਤ ਬੱਚਿਆਂ ਲਈ ਰੋਸ਼ਨੀ 'ਚ ਰਹਿਣ ਕਾਫੀ ਦਰਦਨਾਕ ਹੋ ਜਾਂਦਾ ਹੈ। ਉਹ ਫੋਟੋਫੋਬੀਆ ਤੋਂ ਪੀੜਤ ਹੋ ਜਾਂਦੇ ਹਨ। ਉਹ ਰੋਸ਼ਨੀ 'ਚ ਅਸਹਿਜ ਮਹਿਸੂਸ ਕਰਨ ਲਗਦੇ ਹਨ ਤੇ ਰੋਸ਼ਨੀ ਤੋਂ ਦੂਰ ਭੱਜਣ ਲੱਗਦੇ ਹਨ। ਅਜਿਹੀ ਸਥਿਤੀ 'ਚ ਤੁਹਾਨੂੰ ਆਪਣੇ ਬੱਚਿਆਂ ਨੂੰ ਤੁਰੰਤ ਡਾਕਟਰ ਨੂੰ ਦਿਖਾਉਣਾ ਚਾਹੀਦਾ ਹੈ।

ਡਿਸਕਲੇਮਰ

ਇਸ ਲੇਖ 'ਚ ਦਿੱਤੀ ਗਈ ਜਾਣਕਾਰੀ/ਸਮੱਗਰੀ/ਗਣਨਾਵਾਂ ਦੀ ਪ੍ਰਮਾਣਿਕਤਾ ਜਾਂ ਭਰੋਸੇਯੋਗਤਾ ਦੀ ਗਾਰੰਟੀ ਨਹੀਂ ਹੈ। ਇਹ ਜਾਣਕਾਰੀ ਜਾਣਕਾਰੀ ਦੇ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀ/ਪੰਚਨ/ਉਪਦੇਸ਼/ਧਾਰਮਿਕ ਵਿਸ਼ਵਾਸਾਂ/ਸ਼ਾਸਤਰਾਂ ਤੋਂ ਸੰਕਲਿਤ ਕੀਤੀ ਗਈ ਹੈ ਤੇ ਤੁਹਾਨੂੰ ਭੇਜੀ ਗਈ ਹੈ। ਸਾਡਾ ਉਦੇਸ਼ ਸਿਰਫ ਜਾਣਕਾਰੀ ਪ੍ਰਦਾਨ ਕਰਨਾ ਹੈ, ਪਾਠਕ ਜਾਂ ਯੂਜ਼ਰ ਇਸ ਨੂੰ ਸਿਰਫ ਜਾਣਕਾਰੀ ਵਜੋਂ ਲੈਣ। ਇਸ ਤੋਂ ਇਲਾਵਾ ਇਸ ਨੂੰ ਕਿਸੇ ਵੀ ਤਰੀਕੇ ਨਾਲ ਵਰਤਣ ਦੀ ਜ਼ਿੰਮੇਵਾਰੀ ਉਪਭੋਗਤਾ ਜਾਂ ਪਾਠਕ ਦੀ ਖੁਦ ਹੋਵੇਗੀ।