ਮਹਿੰਗਾ ਐਵੋਕਾਡੋ ਨਹੀਂ, ਸਸਤਾ ਆਂਵਲਾ ਹੈ ਅਸਲੀ ਸੁਪਰਫੂਡ; ਗੈਸਟ੍ਰੋਐਂਟੇਰੋਲੋਜਿਸਟ ਨੇ ਗਿਣਵਾਏ 5 ਕਮਾਲ ਦੇ ਫਾਇਦੇ
Amla Benefits : ਇਕ ਛੋਟਾ ਆਂਵਲਾ ਤੁਹਾਡੇ ਦਿਨਭਰ ਦੀ ਵਿਟਾਮਿਨ C ਦੀ ਲੋੜ ਪੂਰੀ ਕਰ ਦਿੰਦਾ ਹੈ। ਇਹ ਸਰੀਰ ਨੂੰ ਇਨਫੈਕਸ਼ਨ ਨਾਲ ਲੜਨ ਦੀ ਤਾਕਤ ਦਿੰਦਾ ਹੈ। ਸਰਦੀ, ਖਾਂਸੀ ਜਾਂ ਮੌਸਮ ਬਦਲਣ 'ਤੇ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਾਅ ਲਈ ਆਂਵਲਾ ਇਕ ਕੁਦਰਤੀ ਸੁਰੱਖਿਆ ਕਵਚ ਦਾ ਕੰਮ ਕਰਦਾ ਹੈ।
Posted By Seema Anand
Publish Date: Tue, 04 Nov 2025 12:42 PM (IST)
Updated Date: Tue, 04 Nov 2025 12:59 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਗੈਸਟਰੋਐਂਟੇਰੋਲੋਜਿਸਟ ਡਾਕਟਰ ਸ਼ੁਭਮ ਵਤਸ ਨੇ ਇਕ ਇੰਸਟਾਗ੍ਰਾਮ ਰੀਲ ਜਰੀਏ ਕਿਹਾ ਹੈ ਕਿ ਭਾਰਤ 'ਚ ਜਿੰਨੇ ਐਵੋਕਾਡੋ ਵਿਕਦੇ ਹਨ, ਓਨੀ ਹੀ ਮਾਤਰਾ 'ਚ ਲੋਕ ਆਂਵਲਾ ਖਰੀਦਣ ਲੱਗਣ, ਤਾਂ ਸ਼ਾਇਦ ਭਾਰਤ ਨੂੰ "ਸੁਪਰ ਹੈਲਥੀ ਨੇਸ਼ਨ" ਬਣਨ 'ਚ ਦੇਰ ਨਹੀਂ ਲੱਗੇਗੀ। ਜੀ ਹਾਂ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਤੁਹਾਡੇ ਅੰਦਰ ਇੰਨੀ ਤਾਕਤ ਰੱਖਦਾ ਹੈ ਕਿ ਵੱਡੇ-ਵੱਡੇ ਸਪਲੀਮੈਂਟਸ ਵੀ ਫਿੱਕੇ ਪੈ ਜਾਣ।
ਇਮਿਊਨ ਸਿਸਟਮ ਦਾ ਕੁਦਰਤੀ ਕਵਚ
ਸਿਰਫ ਇਕ ਛੋਟਾ ਆਂਵਲਾ ਤੁਹਾਡੇ ਦਿਨਭਰ ਦੀ ਵਿਟਾਮਿਨ C ਦੀ ਲੋੜ ਪੂਰੀ ਕਰ ਦਿੰਦਾ ਹੈ। ਇਹ ਸਰੀਰ ਨੂੰ ਇਨਫੈਕਸ਼ਨ ਨਾਲ ਲੜਨ ਦੀ ਤਾਕਤ ਦਿੰਦਾ ਹੈ। ਸਰਦੀ, ਖਾਂਸੀ ਜਾਂ ਮੌਸਮ ਬਦਲਣ 'ਤੇ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਾਅ ਲਈ ਆਂਵਲਾ ਇਕ ਕੁਦਰਤੀ ਸੁਰੱਖਿਆ ਕਵਚ ਦਾ ਕੰਮ ਕਰਦਾ ਹੈ।
ਦਿਲ ਦੀ ਧੜਕਨ ਨੂੰ ਰੱਖੋ ਸੁਚਾਰੂ
ਆਂਵਲੇ 'ਚ ਮੌਜੂਦ ਸ਼ਕਤੀਸ਼ਾਲੀ ਐਂਟੀਓਕਸੀਡੈਂਟ ਕੋਲੈਸਟਰੋਲ ਦੇ ਆਕਸੀਡੇਸ਼ਨ ਨੂੰ ਰੋਕਦੇ ਹਨ। ਇਸ ਦਾ ਮਤਲਬ ਹੈ ਕਿ ਤੁਹਾਡੀਆਂ ਧਮਨੀਆਂ ਸਾਫ ਰਹਿੰਦੀਆਂ ਹਨ, ਬਲੱਡ ਪ੍ਰੈਸ਼ਰ ਕਾਬੂ 'ਚ ਰਹਿੰਦਾ ਹੈ ਅਤੇ ਦਿਲ ਨੂੰ ਮਿਲਣ ਵਾਲਾ ਆਕਸੀਜਨ ਅਤੇ ਪੋਸ਼ਕ ਤੱਤਾਂ ਦਾ ਸੰਤੁਲਨ ਬਣਿਆ ਰਹਿੰਦਾ ਹੈ।
ਡਾਇਬੀਟੀਜ਼ ਲਈ ਵਰਦਾਨ
ਆਂਵਲੇ 'ਚ ਮੌਜੂਦ ਫਾਈਬਰ ਅਤੇ ਕ੍ਰੋਮੀਅਮ ਬਲੱਡ ਸ਼ੂਗਰ ਲੈਵਲ ਨੂੰ ਕੰਟਰੋਲ ਕਰਦੇ ਹਨ। ਜੇ ਡਾਇਬੀਟੀਜ਼ ਦੇ ਮਰੀਜ਼ ਰੋਜ਼ਾਨਾ ਆਂਵਲਾ ਖਾਂਦੇ ਹਨ ਤਾਂ ਬਲੱਡ ਸ਼ੂਗਰ 'ਚ ਅਚਾਨਕ ਵਾਧਾ ਨਹੀਂ ਹੁੰਦਾ ਅਤੇ ਐਨਰਜੀ ਲੈਵਲ ਸਥਿਰ ਰਹਿੰਦਾ ਹੈ।
ਕੈਂਸਰ ਤੋਂ ਸੁਰੱਖਿਆ ਦੀ ਢਾਲ
ਆਂਵਲੇ 'ਚ ਪਾਏ ਜਾਣ ਵਾਲੇ ਪੋਲੀਫਿਨੋਲਸ 'ਚ ਐਂਟੀ-ਕੈਂਸਰ ਗੁਣ ਹੁੰਦੇ ਹਨ। ਇਹ ਕੋਸ਼ਿਕਾਵਾਂ ਦੇ DNA ਨੂੰ ਹੋਣ ਵਾਲੇ ਨੁਕਸਾਨ ਨੂੰ ਮੱਠਾ ਕਰਦੇ ਹਨ, ਜਿਸ ਨਾਲ ਸਰੀਰ 'ਚ ਆਸਾਧਾਰਨ ਕੋਸ਼ਿਕਾਵਾਂ ਦੇ ਵਾਧਾ 'ਤੇ ਕੰਟਰੋਲ ਰਹਿੰਦਾ ਹੈ।
ਹੈਲਦੀ ਸਕਿੰਨ ਤੇ ਮਜ਼ਬੂਤ ਵਾਲਾਂ ਦਾ ਰਾਜ
ਆਂਵਲਾ ਨਾ ਸਿਰਫ ਸਿਹਤ ਬਲਕਿ ਸੁੰਦਰਤਾ ਦਾ ਵੀ ਸਾਥੀ ਹੈ। ਇਹ ਸਕਿੰਨ ਨੂੰ ਕਸਾਅ ਦਿੰਦਾ ਹੈ, ਝੁਰੜੀਆਂ ਨੂੰ ਦੇਰ ਨਾਲ ਆਉਣ ਦਿੰਦਾ ਹੈ ਤੇ ਵਾਲਾਂ ਨੂੰ ਕਾਲਾ, ਸੰਘਣਾ ਤੇ ਚਮਕਦਾਰ ਬਣਾਈ ਰੱਖਦਾ ਹੈ। ਇਸੇ ਕਾਰਨ, ਸਦੀਆਂ ਤੋਂ ਆਂਵਲਾ ਭਾਰਤੀ ਨੁਸਖਿਆਂ ਦਾ ਸਭ ਤੋਂ ਮਹੱਤਵਪੂਰਨ ਹਿੱਸਾ ਰਹਿਆ ਹੈ।
ਆਂਵਲਾ ਖਾਣ ਦੇ ਆਸਾਨ ਤਰੀਕੇ
ਤੁਸੀਂ ਚਾਹੋ ਤਾਂ ਆਂਵਲੇ ਦਾ ਰਸ ਪੀ ਸਕਦੇ ਹੋ, ਚੂਰਨ ਲੈ ਸਕਦੇ ਹੋ ਜਾਂ ਅਚਾਰ ਦੇ ਰੂਪ 'ਚ ਇਸ ਦਾ ਸਵਾਦ ਲੈ ਸਕਦੇ ਹੋ। ਸਵੇਰੇ ਖਾਲੀ ਪੇਟ ਥੋੜਾ-ਜਿਹਾ ਆਂਵਲਾ ਖਾਣਾ ਤੁਹਾਡੇ ਦਿਨ ਦੀ ਊਰਜਾ ਤੇ ਤੰਦਰੁਸਤੀ ਨੂੰ ਬਣਾਈ ਰੱਖਦਾ ਹੈ।
ਆਂਵਲਾ ਸਿਰਫ ਇਕ ਫਲ ਨਹੀਂ, ਬਲਕਿ ਭਾਰਤੀ ਪਰੰਪਰਾ ਦਾ ਉਹ ਸੁਪਰਫੂਡ ਹੈ ਜੋ ਹਰ ਘਰ ਵਿਚ ਹੋਣਾ ਚਾਹੀਦਾ ਹੈ। ਜੇ ਅਸੀਂ ਆਪਣੀ ਡਾਈਟ 'ਚ ਇਸ ਛੋਟੇ ਫਲ ਨੂੰ ਰੈਗੂਲਰ ਸ਼ਾਮਲ ਕਰੀ, ਤਾਂ ਨਾ ਸਿਰਫ ਬਿਮਾਰੀਆਂ ਤੋਂ ਦੂਰੀ ਬਣੀ ਰਹੇਗੀ ਬਲਕਿ ਸਾਡਾ ਸਰੀਰ ਅੰਦਰੋਂ ਮਜ਼ਬੂਤ ਅਤੇ ਜਵਾਨ ਮਹਿਸੂਸ ਕਰੇਗਾ।